පාර්ලිමේන්තුව නියෝජනය කරන මැති ඇමතිවරුන් පිරිසක් කොකේන් මත්ද්‍රව්‍ය පාවිච්චි කරන බවට රන්ජන් රාමනායක රාජ්‍ය අමාත්‍යවරයා කර ඇති ප‍්‍රකාශය ඔප්පු කිරීමට අදාල කරුණු ඉදිරිපත් කිරීමට ඔහු අපොහොසත් වුවහොත් ඔහුට විරුද්ධව විනය පියවර ගතයුතු යැයි එජාප මන්ත‍්‍රී කණ්ඩායම තීරණය කර ඇත.

පෙබරවාරි 20 දින පාර්ලිමේන්තු සංකීර්ණයේදී පැවති එජාපෙ මන්ත‍්‍රී කණ්ඩායම් රැුස්වීමේදී මෙම තීරණය ඇත. එමෙන්ම රන්ජන් රාමනායක රාජ්‍ය අමාත්‍යවරයාගේ එම ප‍්‍රකාශය සම්බන්ධයෙන් සොයා බලා වාර්තාවක් ඉදිරිපත් කිරීමට එජාප මන්ත‍්‍රී කණ්ඩායම එහිදී කමිටුවක්ද පත් කර ඇත.

එම කමිටුවේ සභාපතිත්වය අමාත්‍ය ලක්ෂ්මන් කිරිඇල්ල විසින් දරණ අතර සෙසු සාමාජිකයන් ලෙස රාජ්‍ය අමාත්‍ය ඉරාන් වික‍්‍රමරත්න, මන්ත‍්‍රී ආශු මාරසිංහ හා නිශ්ශංක නානායක්කාර පත්කර ඇත. පෙබරවාරි 22 දින එම කමිටුව හමුවට පැමිණෙන ලෙස රන්ජන් රාමනායක මහතාට දන්වා ඇත. එමෙන්ම පෙබරවාරි 20 දින පැවති එජාප මන්ත‍්‍රී කණ්ඩායම් රැුස්වීමට රන්ජන් රාමනායක සහභාගී වී නැති අතර ඔහුට විරුද්ධව දැඩි අදහස් ප‍්‍රකාශ කිරීමත් එම රැුස්වීමේදී සිදුවී ඇත. මාධ්‍ය ප‍්‍රකාශ කර ඇත්තේ අමාත්‍ය හරීන් ප‍්‍රනාන්දු විසින් එම රැුස්වීමේ රන්ජන් රාමනායක මන්ත‍්‍රීවරයා සිටියේනම් ඔහුට පහරදෙන බවය.

කොකේන් භාවිතා කරන පාර්ලිමේන්තු මැති ඇමතිවරුන් 24 කගේ ලැයිස්තුවක් ඔහු විසින් කථානායකවරයාට ලබාදුන් බව රන්ජන් රාමනායක අමාත්‍යවරයා මුලින් ප‍්‍රකාශ කළ අතර කථානායකවරයා එවැනි වාර්තාවක් ලැබී නැති බව ප‍්‍රකාශ කිරීමත් සමඟ ඉදිරි දිනවලදී එම වාර්තාව ලබාදෙන බව රන්ජන් රාමනායක අමාත්‍යවරයා ප‍්‍රකාශ කර තිබුණි.

ඉඳුවර බණ්ඩාර