ජනාධිපති මෛත්‍රීපාල සිරිසේනගේ ව්‍යවස්ථා විරෝධී කුමන්ත්‍රණය පරාජය කර නැවත ආණ්ඩු බලය ලබාගත්තද එක්සත් ජාතික පෙරමුණු ආණ්ඩුව විසින් ජනතාවට දැනෙන යමක් නොකිරීම සම්බන්ධයෙන් එම පෙරමුණේ පසුපෙළ මන්ත්‍රී කණ්ඩායම කළකිරීමට පත්ව ඇතැයි වාර්තාවේ.
ඒ හේතුවෙන් ජනවාරි 21 වැනිදා පැවති එජාප පෙරමුණු පාර්ලිමේන්තු මන්ත්‍රී කණ්ඩායම් රැස්වීමටද පසුපෙළ මන්ත්‍රීවරුන් සැලකිය යුතු සංඛ්‍යාවක් සහභාගි වී නැත. එම විරෝධය දැක්වීම ගැන ජනවාරි 23 වැනිදා අග්‍රාමාත්‍ය රනිල් වික්‍රමසිංහ සමග සාකච්ඡාවක් පසුපෙළ මන්ත්‍රීවරුන් පවත්වා ඇතත් එහිදීද ඔවුන් සෑහීමකට පත්වෙන ආකාරයේ විසඳුම් ලැබී නැත.
එජාප
මෙම කළකිරීම පිළිබඳව කළ විමසීමකදී එජාප පසුපෙළ මන්ත්‍රීවරුන් කිහිපදෙනෙකුම ප්‍රකාශ කළේ එජාප පසුපෙළ මන්ත්‍රීවරුන්ගේ ගැටලු ගැන සොයාබලන්නට කබීර් හෂීම් මහතාගේ ප්‍රධානත්වයෙන් පත් කළ දුක්ගන්නාරාළ කමිටුවද ඔවුන්ට මෙතෙක් කිසිඳු විසඳුමක් ලබාදී නැති බවය. එමෙන්ම එම කමිටුව හමුවට යෑමද තම මන්ත්‍රීවරුන් දැන් අත්හැර ඇති බවය. මෙවර පළමුවරට පාර්ලිමේන්තුවට පත්වූ එජාප මන්ත්‍රීවරුන් සංඛ්‍යාව 29ක් වන අතර පසුපෙළ මන්ත්‍රීවරුන් යනුවෙන් ඔවුන් හඳුන්වනු ලබයි.■

ඉඳුවර බණ්ඩාර