අධිකරණයට අපහාස කළ බවට ලංකා ඊ-නිව්ස් කතෘ සඳරුවන් සේනාධීරට එරෙහිව යොමුකර තිබූ පෙත්සම් ඉල්ලා අස්කර ගැනීම නිසා එම පෙත්සම් විභාගයට නොගෙන අවසන් කර ඇත.

වත්මන් පාර්ලිමේන්තු මන්ත්‍රී මධුර විතානගේ ඔහු ඉදිරිපත් කර තිබූ පෙත්සම් ඉවත් කරගෙන ඇති අතර අගෝස්තු 25 දින එම පෙත්සම් කැඳවූ අවස්ථාවේදී එම පෙත්සම් ඉල්ලා අස් කරගන්නා බව පැමිණිලිකාර පාර්ශ්වය අධිකරණයට දැනුම් දී ඇත.

එම පෙත්සම් කැඳවා තිබුණේ එල්.බී. දෙහිදෙණිය, යසන්ත කෝදාගොඩ හා ඊ.ඒ.පී.ආර්. අමරසේකර යන ශ්‍රේෂ්ඨාධිකරණ හිටපු විනිසුරුවරුන් හමුවේය.

ලංකා ඊනිව්ස් කර්තෘවරයාට අමතරව නීතිඥ චන්ද්‍රසිරි සෙනෙවිරත්න හා ශ්‍රී ලංකා නීතිඥ සංගමයද එහි වගඋත්තරකරුවන් ලෙස නම් කර තිබී ඇත.■

ඉඳුවර බණ්ඩාර