පාස්කු ඉරිදා ප‍්‍රහාරය සම්බන්ධයෙන් සාධාරණ” යුක්ති සහගත හා අපක්ෂපාතී පරීක්ෂණයක් කර වරදකරුවන් නීතිය හමුවට පැමිණවීම කරන්නැයි කතෝලික රදගුරු සම්මේලනය නිවේදනයක් නිකුත් කරමින් ඉල්ලා ඇත’


මෙම ඉල්ලීම කර ඇත්තේ රජයෙන් හා රටේ දේශපාලන නායකත්වයෙනි’
පාස්කු ඉරිදා ප‍්‍රහාරය සම්බන්ධයෙන් මේ වනවිට කමිටු කිහිපයක් පත්කර ඇති බවත් ඒවාහි අරමුණ ආරක්ෂක අංශයෙන් සිදුවූ බරපතළ හිඩැස් පිළිබඳ වගකිවයුත්තන් කවුරුන්දැයි විමසා බැලීම බවත්” එහෙත් තමන්ගේ ඉල්ලීම වන්නේත් පරීක්ෂණවල අවසන් ඉලක්කය විය යුත්තේත් වරදකරුවන් කවුද” ඔවුන්ට අනුග‍්‍රහය දැක්වූවන් හා අනුබල දුන් අය කවුරුන්ද යන්න හඳුනා ගැනීම බවත් එහි අවධාරණය කර තිබේ’


එමෙන්ම පාස්කු ඉරිදා ප‍්‍රහාරය සම්බන්ධයෙන් කරුණු සොයාබැලීමට පත්කළ ත‍්‍රිපුද්ගල ජනාධිපති කොමිසමේ වාර්තාව මෙතෙක් එළිදක්වා නොමැති බවද එහි ප‍්‍රතිඵල දැනගැනීමට ජනතාව බලාපොරොත්තුවෙන් සිටි බවද එහි දැක්වේ’


ජනාධිපතිවරයා කී ලෙසම ඔහු විසින් පත්කළ කමිටුවේ වාර්තාව ජනතාව වෙත තබා පාර්ලිමේන්තුවටවත් ඉදිරිපත් කළේ නැත’
මේ කතෝලික රදගුරු සම්මේලන නිවේදනය යනු මීට පෙර කොළඹ අගරදගුරු මැල්කම් කාදිනල් රංජිත් හිමි ප‍්‍රකාශ කරමින් සිටි මතවාදයේම පුනරුච්චාරණයකි’ එහි අලූත් දෙයක් නැත’


එහෙත් ප‍්‍රශ්නය වන්නේ කොළඹ අගරදගුරු මැල්කම් කාදිනල් රංජිත් හිමි හා කතෝලික රදගුරු සම්මේලනය බලාපොරොත්තු වන යුක්තිය කුමක්ද යන්නයි’


ඔවුන් කියන්නේ ආරක්ෂක අංශවල සිදුවූ බරපතළ හිදැස පිළිබඳ වගකිවයුත්තන් කවුරුන්දැයි විමසා බැලීම නොකළ යුතු බවයි’ ඒ අනුව සලකා බැලූවිට ජනාධිපතිවරයා පත්කළ කමිටුවේ වාර්තාවද පලක් නැත’ දැනට පාර්ලිමේන්තු කාරක සභාව සාක්ෂි විමසීමෙන් පසු ඉදිරිපත් කරන වාර්තාවද පලක් නැති එකක් බවට පත්වනු ඇත’


කතෝලික රදගුරු සම්මේලනය කියන ආකාරයට පාස්කු ඉරිදා ත‍්‍රස්ත ප‍්‍රහාරයේ වරදකරුවන්” ඔවුන්ට අනුග‍්‍රහය දැක්වූවන් හා අනුබල දුන් අය ගැන සෙවිය හැක්කේ කෙසේද?


එහි වරදකරුවන් වන්නේ පුපුරවාගත් අයය’ එම කල්ලිවල නායකයන් හා ප‍්‍රධානීන් වශයෙන් සැලකෙන්නේද ඔවුන්ය’ ඔවුන්ට ඉහළින් මේ වරද සඳහා මේ පිරිස් මෙහෙයවූ පිරිසක් ගැන කිසිදු තොරතුරක් නැත’ පරීක්ෂණ පවත්වන අංශවල ප‍්‍රධානීන් පාර්ලිමේන්තු කමිටුවට පවසා ඇත්තේද මරාගෙන මැරෙන ප‍්‍රහාර එල්ලකළ මේ පිරිස ජාත්‍යන්තර ත‍්‍රස්තවාදී සංවිධානයක සාමාජිකයන් නොවන බවය’ ඔවුන් යම් ආගමික මතවාදයක් හිසින් ගත් කේවල ප‍්‍රහාරකයන් බවය’


මේ පිරිසට ආධාර අනුබල දුන් දේශීය වශයෙන් පිරිසක් නොසිටියේ නම් හා ඔවුන් ජාත්‍යන්තර ත‍්‍රස්තවාදී සංවිධානයක සාමාජිකයන් නම් ආධාර හා අනුබලදීමේ වගකීම යා යුත්තේ එම ජාත්‍යන්තර සංවිධානයය’ මරාගෙන මැරෙන ප‍්‍රහාරයක් සම්බන්ධයෙන් කුමන්ත‍්‍රණය කිරීම, අනුබල දීම වැනි කාරණාද මෙම පාස්කු ප‍්‍රහාර සිද්ධියේදී එතරම් අදාල කරගත නොහැක. මන්ද එල්ටීටීඊ සංවිධානය වැනි ඉහළ සිට පහළට දිවෙන වගකීම් සහිත නායකත්වයක්ද මෙහි දක්නට නොමැති නිසාය.


කාදිනල් හිමි දැන් වන්දනාමාන කරන සිංහල බෞද්ධ සංස්කෘතියේ පසුබිමත් සමඟ ගත් කල අරන්තලාවේ භික්ෂු ඝාතනය, ශ‍්‍රී මහා බෝධියට පහරදීම, දළදා මාලිගාවට පහරදීම ගැන මේ ආකාරයේ යුක්තියක් බෞද්ධ භික්ෂු නායකයන් බලාපොරොත්තු වූවා නම් එම සටන්පාඨය වසර ගණනාවක් තිස්සේ අදටත් ගෙනඒමේ හැකියාවක් තිබුණි.


ඒ නිසාම අපට නොතේරෙන මේ යුක්තිය සඳහා යා යුත්තේ කෙසේදැයි හා ඒ සඳහා පරීක්ෂණ පැවැත්විය යුත්තේ කෙසේදැයි කතෝලික රදගුරු සම්මේලනය මීට වඩා විස්තරාත්මකව රටට පැහැදිලි කළ යුතුය. x