ආරක්‍ෂක මණ්ඩලයට මා නොගන්නා බව ආරක්‍ෂක ලේකම් මට කිව්වා


පොලිස්පති පූජිත් ජයසුන්දර කියයි

2018 ඔක්තෝබරයේ සිට 2019 අපේ‍්‍රල් 21 පාස්කු ඉරිදා ප‍්‍රහාරය දක්වා, ජාතික ආරක්‍ෂක මණ්ඩලයෙන් තමා පිටමං කොට තැබූ ජනාධිපතිවරයා, පාස්කු ඉරිදා ප‍්‍රහාරය සම්බන්ධයෙන් රාජකාරි වගකීම පැහැර හැරීම ගැන තමාට චෝදනා එල්ල කරන බව, මේ වන විට අනිවාර්ය නිවාඩු යවනු ලැබ ඇති පොලිස්පති පූජිත් ජයසුන්දර කියයි.


2018 ඔක්තෝබර් මාසයේ සිට, ජාතික ආරක්‍ෂක මණ්ඩලයේ රැුස්වීම්වලට තමා කැඳෙව්වේ නැතැයිද පොලිස්පතිවරයා කියයි. ඒ, ශ්‍රේෂ්ඨාධිකරණය ඉදිරියේ ඔහු විසින් ගොනුකරන ලද මූලික අයිතිවාසිකම් පෙත්සම මගිනි. නීති විරෝධී ලෙස තමා පොලිස්පති තනතුරෙන් අනිවාර්ය නිවාඩු යැවීම හා තනතුරෙන් ඉවත්කරන්නට සූදානම්වීමට එරෙහිව, පොලිස්පති පූජිත් ජයසුන්දර මෙම පෙත්සම ගොනුකර තිබේ.


එම පෙත්සමේ සඳහන් වන අන්දමට, 2019 අපේ‍්‍රල් 21 පාස්කු ඉරිදා ප‍්‍රහාරයට පෙර හා පසුව සිදුවීම් ගැන පොලිස්පතිවරයා කරන විස්තරයේ සාරාංශය මෙසේය.
පෙත්සමේ සඳහන්වන අන්දමට, පූජිත් සේනාධි බණ්ඩාර ජයසුන්දර අවුරුදු 34කට වැඩි කාලයක් පොලිස් නිලධාරියකු හැටියට සේවය කොට තිබේ. ආධුනික සහකාර පොලිස් අධිකාරිවරයකු හැටියට 1985 මැයි 20 වැනිදා පොලිස් සේවයට බැඳී තිබෙන ඔහු, පොලිස්පති ධුරයට පත්කරන ලද්දේ 2016 අපේ‍්‍රල් 20 වැනිදාය.

ජනාධිපති- අගමැති අවුල


2018 අවසන්භාගය වන විට, ජනාධිපතිවරයා හා අගමැතිවරයා අතර සම්බන්ධතාව අයහපත් අඩියකට වැටී තිබෙන බව පොලිස්පතිවරයා දැනගෙන තිබේ. එහෙත්, වගකීම් සහගත රාජ්‍ය සේවකයකු ලෙස පොලිස්පතිවරයා, ජනාධිපතිවරයාගේවත් අගමැතිවරයාගේවත් දේශපාලන පැත්තක් ගත්තේ නැත.


මේ පසුබිම තිබියදී, 2018 ඔක්තෝබර් මුල සිට, පාස්කු ඉරිදා ප‍්‍රහාරය සිදුවුණු අපේ‍්‍රල් 21 වැනිදා දක්වාම, ජාතික ආරක්‍ෂක මණ්ඩල රැුස්වීම්වලට පොලිස්පතිවරයා සහභාගිවීමෙන් වළක්වා තිබේ.


ජාතික ආරක්‍ෂක මණ්ඩලය නීතියක් අනුව පිහිටුවන ලද ආයතනයක් නොවේ. එහෙත් එය ජාතික ආරක්‍ෂාවට අදාළ කරුණු සම්බන්ධයෙන් කටයුතු කරන කණ්ඩායමකි. එහි සාමාජිකයෝ පහත පරිදිය. ජනාධිපති, අගමැති, ආරක්‍ෂක රාජ්‍ය ඇමති, ජනාධිපති ලේකම්, අගමැති ලේකම්, ආරක්‍ෂක මාණ්ඩලික නිලධාරී, ත‍්‍රිවිධ හමුදාපතිවරු, ආරක්‍ෂක අමාත්‍යාංශයේ ලේකම්, පොලිස්පති, විදේශ කටයුතු හා මුදල් අමාත්‍යාංශයේ ලේකම්, ජාතික ඔත්තු සේවයේ ප‍්‍රධානී (සීඑන්අයි, යුදහමුදා බුද්ධි අංශයේ අධ්‍යක්‍ෂ, ත‍්‍රිවිධ හමුදාවල බුද්ධි අංශවල ප‍්‍රධානීහු, රාජ්‍ය ඔත්තු සේවයේ අධ්‍යක්‍ෂ (එස්අයිඑස්.

ජනාධිපතිගේ නියමය පිට


ජාතික ආරක්‍ෂක මණ්ඩලයේ රැුස්වීම් සාමාන්‍යයෙන් කැඳවනු ලබන්නේ ආරක්‍ෂක අමාත්‍යාංශයේ ලේකම් විසිනි. සමහර විට වාචිකවය. කෙසේ වෙතත්, 2018 ඔක්තෝබර් මුල සිට පොලිස්පති ජයසුන්දර ආරක්‍ෂක මණ්ඩලයට කැඳවීමෙන් වළක්වා තිබිණ. ඒ ජනාධිපතිවරයාගේ නියමය පරිදිය. ඒ බව 2018 ඔක්තෝබර මුලදීම පොලිස්පතිවරයාට දැනුම් දුන්නේ එවකට සිටි ආරක්‍ෂක අමාත්‍යාංශ ලේකම් කපිල වෛiරත්න විසිනි.


සාමාන්‍යයෙන් ආරක්‍ෂක මණ්ඩල රැුස්වීම්වලදී, යම් අන්තවාදී සංවිධානවල තත්ත්වයන්ගේ වර්ධනයන්, එල්ටීටීඊ සහ ඩයස්පෝරා කටයුතු, ප‍්‍රභූන් කෙරෙහි ඇති අවදානම් තත්ත්වයන්, සමහර ජාත්‍යන්තර ත‍්‍රස්තවාදී සහ අන්තවාදී කණ්ඩායම්වල ක‍්‍රියාකාරකම් යනාදිය ගැන සාකච්ඡුා කරනු ලැබේ. ආරක්‍ෂක මණ්ඩල රැුස්වීමේ වැදගත්කම වන්නේ, සියලූම ඔත්තු තොරතුරු අංශවල නිලධාරීන් ඊට සහභාගිවීමත්, ඔත්තු සේවාවන් පිළිබඳ සාකච්ඡුා කිරීම, තීරණ ගැනීම හා ප‍්‍රතිකාරාත්මක පියවර එහිදී ගැනීමත් නිසාය. රටේ හදිසි නීතිය ක‍්‍රියාත්මක නැති අවස්ථාවලදී අත්අඩංගුවට ගැනීම්, නඩු පැවරීම් කරන්නේ පොලිසිය විසින් වන බැවින්, පොලිස්පතිවරයා මේ රැුස්වීම්වලට සහභාගිවීම අත්‍යවශ්‍ය දෙයකි. එහෙත්, 2018 ඔක්තෝබරයෙන් පසු ඔහු ඊට කැඳෙව්වේ නැත.


ජනාධිපතිවරයාට වුවමනා වී තිබුණේ, එස්අයිඑස් අධ්‍යක්‍ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන විසින්, තමාට ඍජුව සියලූ කරුණු වාර්තා කරනු ලැබීමටය. මේ සන්දර්භය තුළ, තමාට ලැබී ඇති සීමිත තොරතුරු යටතේ හා තමාට පනවා තිබුණු සීමාකම් යටතේ කළ හැකි සියලූ දේ පොලිස්පතිවරයා කළේය.

අපේ‍්‍රල් 9 රැුස්වීම


2019 අපේ‍්‍රල් 9 වැනිදා, උදේ 10ට, ආරක්‍ෂක අමාත්‍යාංශ ලේකම් හේමසිරි ප‍්‍රනාන්දු මූලාසනය දැරූ රැුස්වීමකට පොලිස්පතිවරයා සහභාගි විය. අන්තවාදී ඉස්ලාම් කණ්ඩායම්වල ප‍්‍රහාර තර්ජනයක් ගැන එහිදී එස්අයිඑස් අධ්‍යක්‍ෂ නිලන්ත ජයවර්ධන සඳහන් කළ නමුත්, එහි ඇති හදිසි හෝ බැ?රුම් තත්ත්වයක් ගැන ඔහු එහිදී අවධාරණය නොකළේය.


එදිනම, ජාතික ඔත්තු සේවයේ (සීඑන්අයි* ප‍්‍රධානී ඒ එන් සිසිර මෙන්ඩිස්ගෙන් ලිපියක් පොලිස්පතිවරයාට ලැබුණි. සහරාන් හෂීම් සහ ඔහුගේ සගයන්ගේ ප‍්‍රහාර සැලැස්මක් ගැන තොරතුරු ඊට අමුණා තිබුණි. රාජ්‍ය ඔත්තු සේවය (එස්අයිඑස්* වෙතින්ද ජයසුන්දරට එවැනිම ලිපියක් ලැබිණ. එම තොරතුරු ගැන ‘රහසිගත විමර්ශන’ සිදුවන බව එස්අයිඑස් ලිපියේ සඳහන් විය. මුලින් කී ලිපියේ අවසානයට, ‘නීතිය ක‍්‍රියාත්මක කරන අංශ මේ තොරතුරු සම්බන්ධයෙන් නිසි සුපරීක්‍ෂාවෙන් සිටීම වැදගත් බව’ සඳහන්වී තිබිණ. එහෙත් ඒ ලිපිවල, හදිසි තත්ත්වයක් ගැන හෝ එහි ප‍්‍රමුඛතා මට්ටම පිළිබඳව සාමාන්‍යයෙන් පාවිච්චි කරන ආකාරයට ‘ටොප් ප‍්‍රයෝරිටි’ හෝ ‘ටොප් අර්ජන්ට්’ යනුවෙන් සඳහනක් නොවීය.


තොරතුරු දැනුම් දුන්නා


මේ තත්ත්වය මත, පොලිස්පතිවරයා එම අපේ‍්‍රල් 9 වැනිදා දරන සීඑන්අයිගේ ලිපිය, ජ්‍යෙෂ්ඨ පොලිස් නිලධාරීන් සිව්දෙනකුට යැවීය. ආරක්‍ෂාව භාර ප‍්‍රධාන නිලධාරීන් වන ඔවුන් මේ ගැන නොදනිතොත්, නිසි සුපරීක්‍ෂාවක් පැවැත්විය නොහැකි බැවිනි. වැදගත්කම නිසාම ඒ ලිපිය ‘ටොප් ප‍්‍රයෝරිටි’ සලකුණ සහිතව යවන ලදි. ඒ ලිපියේ තොරතුරු ගැන බැ?රුම් ලෙස ක‍්‍රියාත්මක වීම අත්‍යවශ්‍ය නිසාය.


ලිපිය යවන ලද පොලිස් නිලධාරීන් වූයේ, ජ්‍යේෂ්ඨ නියෝජ්‍ය පොලිස්පති (බස්නාහිර පළාත* නන්දන මුණසිංහ, අපරාධ, සංවිධානාත්මක අපරාධ, පොලිස් මත්ද්‍රව්‍ය නාශක අංශය හා පොලිස් විශේෂ කාර්ය බලකායේ අණදෙන නිලධාරී එම්ආර් ලතීෆ්, විශේෂ ආරක්‍ෂක අංශයේ නියෝජ්‍ය පොලිස්පති ප‍්‍රියලාල් දසනායක, ත‍්‍රස්ත විමර්ශන අංශයේ අධ්‍යක්‍ෂ ජ්‍යේෂ්ඨ පොලිස් අධිකාරි වරුණ ජයසුන්දරය.


ඊට අමතරව, අපේ‍්‍රල් 9 වැනිදා සවස සහ 10 වැනිදා උදේ, දෛනික ආරක්‍ෂක තත්ත්ව වාර්තා ගැන සාකච්ඡුා කරන අතරේ, පළාත් නවයේම, ඒවා භාරව සිටින ජ්‍යෙෂ්ඨ නියෝජ්‍ය පොලිස්පතිවරුන් නවදෙනාට, සිදුවිය හැකි මේ ප‍්‍රහාර ගැන ¥රකථනයෙන් වාචිකව දන්වන ලදි. සුපරීක්‍ෂාකාරීත්වය පවත්වාගෙන යෑමට අවශ්‍ය වන කරුණු හා ක‍්‍රියාත්මක පියවර ගැන අදාළ අනෙක් නියෝජ්‍ය පොලිස්පතිවරුන්් සමගද, දෛනික ආරක්‍ෂක තත්ත්ව වාර්තා ගැන කතාබහ කරන අතරේ සාකච්ඡුා කරන ලදි.


2019 අපේ‍්‍රල් 18, 19 හා 20 දිනවල ජාතික තව්හිද් ජමාත්, සහරාන් හෂීම් හා ඊට අදාළ කාරණා පිළිබඳ තොරතුරු දන්වා ලිපි තුනක් පොලිස්පතිට ලැබිණ. ඒ කිසිදු ලිපියකින් පොලිස්පතිගෙන් උපදෙසක් සහ/හෝ ක‍්‍රියාත්මක වීමක් ගැන ඉල්ලා නොතිබිණ. හුදෙක් පොලිස්පතිවරයාගේ දැනගැනීම පිණිස පමණක් ඒ ලිපි එවා තිබිණ. ඒ ලිපිවල පැහැදිලිව කියා තිබුණේ ‘එස්අයිඑස් මගින් වැඩිදුර විමර්ශන කෙරෙන බව’යි.


අපේ‍්‍රල් 20 වැනිදා රාත‍්‍රියේ, පොලිස්පතිවරයාට ආරක්‍ෂක අමාත්‍යාංශ ලේකම් හේමසිරි ප‍්‍රනාන්දුගෙන් ¥රකථන ඇමතුමක් ලැබිණි. අත්‍යාසන්න ප‍්‍රහාරයක් ගැන එස්අයිඑස් අධ්‍යක්‍ෂවරයාගෙන් ලැබුණු තොරතුරක් ගැන එයින් කියන ලදි. පොලිස්පතිවරයා එස්අයිඑස් ප‍්‍රධානියාට දෙවරක් ¥රකථනයෙන් කතාකළේය. ඒ, ඔහු දැනගෙන සිටි ප‍්‍රහාර පිළිබඳ තොරතුරු ගැන පැහැදිලි කර ගැනීමටය. පවත්වාගෙන යන විමර්ශන පිළිබඳව හෝ සොයාගැනීම් ගැන රහස් තොරතුරු දැනසිටි එස්අයිඑස් ප‍්‍රධානියාගෙන් හෝ වෙනත් කිසිදු නිලධාරියකුගෙන්, කිසිම පියවරක් ගැනීම සඳහා පොලිස්පතිවරයාගෙන් ඉල්ලීමක් කරනු නොලැබිණ.

ජනාධිපතිට විශ්වාස නිලන්තයි


සියලූ බුද්ධි තොරතුරු පිළිබඳව ජනාධිපතිවරයාට ඍජුව දැනුම් දුන්නේ එස්අයිඑස් අධ්‍යක්‍ෂ නිලන්ත ජයවර්ධන විසිනි. ඒ කිසිම බුද්ධි තොරතුරක් පිළිබඳව එස්අයිඑස් ප‍්‍රධානියා පොලිස්පතිවරයා දැනුවත් නොකළ අතර, පොලිස්පතිවරයා දැනගත යුතුයැයි ඔහු හා ජනාධිපතිවරයා සිතන කරුණු ගැන පමණක් පොලිස්පතිට දැනුම් දෙන ලදි.


අපේ‍්‍රල්වලදී ත‍්‍රස්ත ප‍්‍රහාරය ගැන ආරක්‍ෂක මණ්ඩලයේදී සාකච්ඡුා කළාද, එහි ප‍්‍රතිඵල ලෙස ඒ සම්බන්ධව යම් පියවරක් ගත්තාද යන්න ගැන පොලිස්පතිවරයා දැනගෙන සිටියේ නැත. තොරතුරු ලබාදුන්නේ කුමන විදේශ ඔත්තු සේවාවකින්ද, එය විරුද්ධ රටකින්ද මිතුරු රටකින්ද, තොරතුරුවල විශ්වාසවන්තභාවය ආදිය ගැන නිලන්ත ජයවර්ධන හෝ අන් කිසිවෙක් තොරතුරු කීවේද නැත. තමාට අවශ්‍ය පරිදි තොරතුරු ලබා නොදීමේ ප‍්‍රතිඵලය ලෙස නීතිය අනුව අවශ්‍ය ඉදිරි පියවර ගැනීමට පොලිස්පතිට නොහැකි විය.

ඊට පෙර විමර්ශන කළා


ඒ වන විටත්, ජාතික තව්හිද් ජමාත් ගැන පොලිසියෙන් විමර්ශනයක් පැවැත්වෙමින් තිබිණ. එම විමර්ශනවලට අදාළ බුද්ධි ක‍්‍රියාකාරකම්වල ප‍්‍රගතිය හා විමර්ශනවල පරාසය සම්බන්ධයෙන් කාලයෙන් කාලයට අවශ්‍ය පරිදි පොලිස්පතිවරයා දැනුවත් කරන ලදි.


සාමාන්‍ය පිළිිවෙත අනුව, බුද්ධි විමර්ශන කෙරෙන්නේ රාජ්‍යයේ බුද්ධි අංශ විසිනි. ඉල්ලීමක් ලද විටෙක පමණක් පොලිසිය ඒ අංශවලට සහාය වෙයි. ඒ අනුව, ඒ අවස්ථාවේ පැවැත්වුණු බුද්ධි තොරතුරු මෙහෙයුම්වලට සම්බන්ධවීම පොලිසිය ‘නොකළ යුතු’ හා ‘කළ නොහැකි දෙයක්’ බව පොලිස්පතිවරයා දැනසිටියේය. රහස් බුද්ධි මෙහෙයුම් හා විමර්ශන නිශ්චිතව සිදුවන්නේ කෙසේද යන්න ගැන පොලිස්පතිවරයා දැනසිටියේ නැත. ඒ, ඒ ගැන තොරතුරු බුද්ධි අංශවල අදාළ නිලධාරීන්ට පමණක් සීමාවුණු නිසාත් පොලිස්පතිවරයා එම කණ්ඩායමෙන් පලවාහැර තිබුණු නිසාත්ය.

පොලිස් විමර්ශන නවත්වන්න කියයි


2018 අපේ‍්‍රල් 8 වැනිදා, පොලිස්පතිවරයාට එවූ ලිපියකින්, එස්අයිඑස් විසින් ප‍්‍රකාශිතව ඉල්ලා සිටියේ, ප‍්‍රකට ජාත්‍යන්තර ත‍්‍රස්තවාදී සංවිධාන සමග සම්බන්ධකම් පවත්වමින් රට තුළ ක‍්‍රියාත්මක වන සියලූ අන්තවාදී මුස්ලිම් කණ්ඩායම් ගැන ත‍්‍රස්ත විමර්ශන අංශය (ටීඅයිඞී* විසින් පවත්වාගෙන යනු ලබන සියලූ විමර්ශන නවතා දමන ලෙසය. රාජ්‍ය ඔත්තු සේවය (එස්අයිඑස්* විසින් කෙරෙන රහස්‍ය විමර්ශනවලට, එම විමර්ශනවලින් අගතියක් සිදුකරනවාය යන පදනමෙනි.

පාස්කු ඉරිදා ප‍්‍රහාරය හා එදින


2019 අපේ‍්‍රල් 21වැනිදා උදේ, 8.50ට පමණ, පොලිස්පතිවරයාට පාස්කු ඉරිදා ප‍්‍රහාරය ගැන මුල්ම තොරතුර දැනගන්නට ලැබිණ. ඒ බව ඇසූ විගස ඔහු ප‍්‍රහාරයට ලක්වූ කොච්චිකඬේ පල්ලිය වෙත ගියේය. ඒ උදේ 9ට පමණය. උදේ 9.15ට පමණ, ජනාධිපතිවරයා පොලිස්පතිවරයාට කතාකළේය. ඒ ප‍්‍රහාරය ගැන තොරතුරු දැනගැනීමටත්, ගෙන ඇති පියවර ගැන දැනගැනීමටත්ය.
ප‍්‍රහාරය වූ වහාම කොච්චිකඬේ පල්ලියට ගිය පළමු නිලධාරීන් අතරින් පොලිස්පතිවරයාද කෙනෙකි. ප‍්‍රහාරයට ලක්වුණු ස්ථානයට මහජනතාව ඇතුළුවීම වැළැක්වීමටත්, ආරක්‍ෂක නිලධාරීන්ට හා වෛi කාර්ය මණ්ඩලයට නිදහසේ අවශ්‍ය දේ කිරීමට හැකි වනු පිණිසත් ආරක්‍ෂක බාධක යෙදවීමට ඔහු වහාම පියවර ගත්තේය. පොලිස්පතිවරයා පල්ලියේ පූජකවරුන්ට කතාකොට තුවාලවූවන් රෝහලට ගෙනයෑමට අවශ්‍ය පියවර ගත්තේය. බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පතිට කතාකොට, ප‍්‍රහාර සිදුවු තැන්වලට ජ්‍යෙෂ්ඨ පොලිස් නිලධාරීන් යෙදවීමට උපදෙස් දුන්නේය. වහාම ආරක්‍ෂක අමාත්‍යාංශයේ ලේකම්වරයාට සිද්ධිය දැනුම් දුන්නේය.


ඉන්පසු පොලිස් මූලස්ථානයට ගිය පොලිස්පතිවරයා, සිදුවීම් අනුව අවශ්‍ය පියවර ගැනීමට විශේෂ මෙහෙයුම් කාර්යාලයක් එහි ස්ථාපනය කළේය.
ඉන්පසු ආරක්‍ෂක අමාත්‍යාංශයට ගිය පොලිස්පතිවරයා, එහිදී විශේෂ සාකච්ඡුාවකට සහභාගි විය. සිදුවු දේ ගැන සහ ගත යුතු පියවර ගැන එහිදී සාකච්ඡුා කෙරිණි. පහත අය ඊට සහභාගි වූහ. ආරක්‍ෂක අමාත්‍යාංශයේ ලේකම් (මූලාසනය, ආරක්‍ෂක මාණ්ඩලික ප‍්‍රධානී, ත‍්‍රිවිධ හමුදාපතිවරු, ජාතික බුද්ධි අංශයේ ප‍්‍රධානී (සීඑන්අයි, රාජ්‍ය බුද්ධි අංශයේ (එස්අයිඑස්* අධ්‍යක්‍ෂ, යුදහමුදා බුද්ධි අධ්‍යක්‍ෂ, ආරක්‍ෂක අමාත්‍යාංශයේ ජ්‍යෙෂ්ඨ නිලධාරීහු (අතිරේක ලේකම්වරු*.


එම සාකච්ඡුාවේදී, මළසිරුරු හා තුවාලවූවන් සම්බන්ධයෙන් ගතයුතු ක‍්‍රියාමාර්ග, ඉදිරි සිදුවීම් වළක්වාගැනීමට ශක්තිමත් පියවර ගැනීම, ඇඳිරි නීතිය හා එය ක‍්‍රියාත්මක කිරීම පිළිබඳ තීරණ, බස්නාහිර පළාතේ නොවීම නිසා, මඩකළපුව සමග විශේෂ සම්බන්ධතාවක් පැවැත්වීම යනාදි කරුණු එහිදී සැලකිල්ලට ගැනිණ.


උදේ ආරම්භ වුණු රැුස්වීම සවස 1.50 වන තුරු පැවැත්විණි. එදින සවස 6.45 වන තුරු පොලිස්පතිවරයා පොලිස් මූලස්ථානයේ සිටියේය. සම්බන්ධීකරණ කටයුතු සඳහා ජ්‍යෙෂ්ඨ නියෝජ්‍ය පොලිස්පතිවරුන් සංවිධානය කිරීම, පොලිස් නිලධාරීන්ගේ නිවාඩු අවලංගු කිරිම, විශේෂ කාර්ය බලකාය යෙදවීම, මඩකළපුවේ කළමනාකරණ වැඩකටයුතු ආදියෙහි ඔහු එහිදී නිරත විය. සවස අගමැතිවරයා විසින් පොලිස්පතිවරයා අරලියගහ මන්දිරයට කැඳවන ලදි. අගමැතිවරයාට පවතින තත්ත්වය පිළිබඳව පැහැදිලි කරන ලදි.


අපේ‍්‍රල් 9 වැනිදා සීඑන්අයි ප‍්‍රධානියාගේ ලිපිය යවන ලද ජ්‍යෙෂ්ඨ පොලිස් නිලධාරීන් හතර දෙනා ඇතුළු ජ්‍යෙෂ්ඨ නියෝජ්‍ය පොලිස්පතිවරුන්ගෙන් තොරතුරු හා වාර්තා පොලිස්පතිවරයා විසින් ඉල්ලා සිටින ලදි. අපේ‍්‍රල් 26වැනිදා ඒ ජ්‍යෙෂ්ඨ පොලිස් නිලධාරීන් හතරදෙනාගෙන් පිළිතුරු ලැබිණ.

පාස්කු ඉරිදාට පසු දින


අපේ‍්‍රල් 22 වැනිදා, සඳුදා උදේ 8.30ට ජනාධිපතිවරයා ජාතික ආරක්‍ෂක මණ්ඩලයේ රැුස්වීමක් සිය නිල නිවසේදී කැඳවන ලදි. ඒ, 2018 ඔක්තෝබරයෙන් පසු, පොලිස්පතිවරයාට ඊට කැඳවීමක් කළ පළමු අවස්ථාවයි. ඒ රැුස්වීමේදී අනෙකුත් දේ අතර පහත කරුණුද විය.


මේ කිසිවක් ගැන තමාට දැනුම් නොදීම ගැන විශේෂයෙන් හේමසිරි ප‍්‍රනාන්දු මහතාට හා පොලිස්පතිවරයාට ජනාධිපතිවරයා දෝෂාරෝපණය කළේය. ජාතික ආරක්‍ෂක මණ්ඩලයේ රැුස්වීම් නිසි පරිදි නොතැබුණු බව ජනාධිපතිවරයා පිළිගත්තේය. ජනාධිපතිවරයාගේ අභිමතය අනුව අවශ්‍යයැයි සිතන නිලධාරීන් පමණක් සහභාගි වන විශේෂ ආරක්‍ෂක කමිටුවක් පමණක් රැුස්වී තිබිණ. පොලිස්පතිවරයාද ඇතුළුව, ජාතික ආරක්‍ෂක මණ්ඩලයේ නිලධාරීන් ගැන තමාට විශ්වාසයක් නැතැයි ජනාධිපතිවරයා කීවේය. බෝම්බවලින්් හානිවූවන්ට වන්දි ගෙවීම ගැන, විපතට පත්වුණු විදේශිකයන් සම්බන්ධ සමහර කරුණු, හදිසි නීතිය පැනවීම හා ඇඳිරි නීතිය ක‍්‍රියාත්මක කිරීම ගැන සාකච්ඡුා කෙරිණ.

අපේ‍්‍රල් 23 වැනිදා


අපේ‍්‍රල් 23වැනිදා උදේ 6.45ට පමණ ජනාධිපතිවරයාගෙන් ¥රකථන පණිවිඩයක් පොලිස්පතිවරයාට ලැබුණු අතර, උදේ 8ට ඔහුගේ නිල නිවෙසට පැමිණෙන ලෙස දන්වන ලදි. උදේ 8ට එහි ගිය පොලිස්පතිවරයා හා ජනාධිපතිවරයා 8.45 වන තුරු සාකච්ඡුා කළෝය.


ඔත්තු තොරතුරු ගැන තමා නොදැන සිටි නිසා, පාස්කු ඉරිදා ප‍්‍රහාරය ගැන වගකීම බාරගන්නට තමා කැමති නැතැ’යි ජනාධිපතිවරයා එහිදී කීවේය. ආරක්‍ෂක අමාත්‍යාංශ ලේකම්වරයා සහ පොලිස්පතිවරයා තමාට කරුණු දැනුම් නොදීම ගැන ඔහු තවදුරටත් තදින් කියාසිටියේය.



සිද්ධිය ගැන විමසීමට ජනාධිපති කමිටුවක් දැනටමත් තමා පත්කර ඇතැ’යි ජනාධිපතිවරයා කී අතර, එය ගැසට් නිවේදනයක් හරහා ජනාධිපති කොමිසමක් හෝ විශේෂ ජනාධිපති කොමිසමක් බවට පරිවර්තනය වනු ඇතැයිද දැනුම්දුන්නේය. ඒ කොමිසම මගින් ඉදිරි විමසීම් කරනු ඇතැයිද, ඒ සියලූ කොමිෂන් සභා විමසීම්වලදී පොලිස්පතිවරයා වැරදිකරු වනු ඇතැ’යිද ජනාධිපතිවරයා කීවේය.


තම වගකීම් බරපතළ ලෙස පැහැර හැරීම ගැන පොලිස්පතිවරයාට චෝදනා කළ ජනාධිපතිවරයා වහාම තම ඉල්ලා අස්වීම ලබාදෙන ලෙස බලපෑම් කළේය. පොලිස්පතිවරයා ඉල්ලා අස්වීම දෙන්නේ නම්, ඉහත කී කොමිෂන්වලින් පොලිස්පතිවරයාට එරෙහි වාර්තාවක් ‘නිකුත් නොකිරීමට’ අවශ්‍ය පියවර තමා ගන්නා බවද, ඒ වගේම රජයේ උසස් නිලධාරියකු හැටියට, පොලිස්පතිවරයා තානාපතිවරයකු හෝ මහකොමසාරිස්වරයකු ලෙස පත්කරන බවද ජනාධිපතිවරයා කීවේය.


ඊට පිළිතුරු ලෙස, තමා පොලිස් සේවයේ අවුරුදු තිස්හතරහමාරක සේවයක් ඇති නිලධාරියකු බව පොලිස්පතිවරයා ජනාධිපතිවරයාට නිහතමානීව මතක් කර දුන්නේය. අපේ‍්‍රල් 9 වැනිදා ලැබුණු ඔත්තු සේවා වාර්තාවෙන් පසු ඒ සම්බන්ධයෙටන් තමා ගත්, පෙර සඳහන් කළ පියවර ගැන පොලිස්පතිවරයා ජනාධිපතිවරයාට එහිදී පැහැදිලි කළේය.

අපේ‍්‍රල් 25 වැනිදා


උදේ 7.30ට පමණ, ජනාධිපතිවරයා පොලිස්පතිවරයාට ¥රකථනයෙන් කතා කළ අතර, රාජකාරි වගකීම පැහැරහැරීම පිළිබඳ නැවතත් චෝදනා කරමින්, ඉල්ලා අස්වීමේ ලියුම එවන ලෙස බලකළේය. පොලිස්පතිවරයා ඉල්ලා අස්වීමේ ලියුම එවන බවට සහතිකයක් දුන්නේ නැත. 2018 ඔක්තෝබරයේ සිට 2019 අපේ‍්‍රල් 21 පාස්කු ඉරිදා ප‍්‍රහාරය දක්වා, ජාතික ආරක්‍ෂක මණ්ඩලයෙන් තමා පිටමං කොට තැබූ ජනාධිපතිවරයා, දැන් රාජකාරි වගකීම පැහැර හැරීම ගැන තමාට චෝදනා එල්ල කරන බව පොලිස්පතිවරයා තේරුම් ගත්තේය.

අපේ‍්‍රල් 26 වැනිදා


සවස 2.20 හා 5.05 අතර, ජනාධිපතිවරයා විසින් පත්කරන ලද ත‍්‍රිපුද්ගල කමිටුව ඉදිරියට කැඳවන ලදුව, පොලිස්පතිවරයා සිය පළමු ප‍්‍රකාශය ඊට ලබාදුන්නේය. අපේ‍්‍රල් 29 වැනිදා, ඔහු ලිඛිතව කමිටුව වෙත කරුණු ඉදිරිපත් කෙළේය. අපේ‍්‍රල් 30 වැනිදා තවත් ලිපිගොනු කිහිපයක් ජනාධිපති කමිටුවට ඔහු ඉදිරිපත් කළේය.

කමිටුවට බලයක් නෑ


ශ්‍රේෂ්ඨාධිකරණ විනිසුරු විජිත් මලල්ගොඩ මහතාගේ ප‍්‍රධානත්වයෙන් පත්කරන ලද එම කමිටුව, 1978 අංක 4 දරන විශේෂ ජනාධිපති කොමිෂන් සභා නීතිය යටතේ හෝ 1952 අංක 60 දරන විමර්ශන කොමිෂන් සභා නීතිය යටතේ පත්කරන ලද එකක් නොවේ. එනිසා එම කමිටුවේ නිර්දේශ හා කාර්යාවලියට නීතිමය වශයෙන් බලයක්, පිළිගැනීමක් නැත.

අනිවාර්ය නිවාඩු යැව්වා


අපේ‍්‍රල් 29 වැනිදා ජනාධිපති ලේකම් කාර්යාලයේ අතිරේක ලේකම්වරයකු පොලිස් මූලස්ථානයට පැමිණ, පවත්වන ලද විමසීම්වල නිගමනයක් ලෙස වහාම ක‍්‍රියාත්මක වන පරිදි, පොලිස්පතිවරයා අනිවාර්ය නිවාඩු යවන බවට ජනාධිපතිවරයාගේ අත්සනින් යුක්ත ලියුමක් බාරදුන්නේය.
එහෙත්, නෛතික වශයෙන් පොලිස්පතිවරයා ඉවත් කිරීමට අවශ්‍ය වන කිසිම කරුණු විමසීමක් හෝ මූලික පියවරක් කිසිදු පුද්ගලයකු විසින් ඊට පෙර තිබුණේ නැත. ඉන්පසු චන්දන වික‍්‍රමරත්කන මහතා වැඩ බලන පොලිස්පතිවරයා ලෙස පත්කරන ලද අතර, ආණ්ඩුක‍්‍රම ව්‍යවස්ථා සභාව එම පත්වීම අනුමත කර තිබිණ. එම පත්කිරීම නීත්‍යනුකූල නොවේ. ඊට නීතිමය වශයෙන් බලයක් ඇත්තේද නැත.


අපේ‍්‍රල් 30 වැනිදා, ජනාධිපති කොමිටිය, පොලිස්පතිවරයාගෙන් දෙවැනි වරටද ප‍්‍රකාශයක් සටහන් කරගත්තේය.

ජනාධිපති නීතිය කඩලා


පොලිස්පතිවරයා අනිවාර්ය නිවාඩු යවන්නට ජනාධිපතිවරයාට නීතිමය බලයක් නැත. එනිසා එසේ කිරීම නීති විරෝධීය. පොලිස්පතිවරයා සම්බන්ධයෙන් වන කල, ජනාධිපතිවරයා විනය පාලක නිලධාරියා නොවේ. පොලිස්පතිවරයා හා නීතිපතිවරයා තනතුරෙන් ඉවත් කළ හැක්කේ, 2002 අංක 5 දරන, නිලධාරීන් සේවයෙන් ඉවත්කිරීමේ පනත යටතේ පමණකි. එම පනත යටතේ අවශ්‍ය වන ආකාරයේ කිසිදු විමර්ශනයකට පොලිස්පතිවරයා කැඳවූයේ නැත. නීතියේ නිසි ක‍්‍රමවේදයට පිටතින්, පොලිස්පතිවරයා සිය නිලයෙන් ක‍්‍රියාකාරී ලෙස බැහැර කොට ඇත.


පොලිස්පතිවරයා බරපතළ ලෙස විශ්වාස කරන්නේ, නීතිය උල්ලංඝනය කරමින් හා නීත්‍යනුකූල ක‍්‍රියාවලියකින් තොරව ජනාධිපතිවරයා විසින් පොලිස්පතිවරයා ධුරයෙන් ඉවත් කරනු ඇති බවයි. x

x අරුණ ජයවර්ධන