දකුණු පළාත් ආණ්ඩුකාර රජිත් කීර්ති තෙන්නකෝන් විසින් ගාල්ල සවුත්ලන්ඩ් විද්‍යාලයේ විදුහල්පතිනියගේ නිවසට රාත්‍රියේ කඩාවැදී ඇයට බැණවැදීමේ සිදුවීමක් පසුගිය සතියේ වාර්තා විය. දරුවන් 4 දෙනෙක්ව පාසැලට නොගැනීම ගැන රජිත් කීර්ති තෙන්නකෝන් චෝදනා කර තිබුණු අතර” බැණවැදී තිබුණේ තමන්ගේ උපදෙස් ලැබුණද දරුවන් බඳවා නොගැනීම ගැනය.මේ සිදුවීම ගැන ගාල්ල සවුත්ලන්ඩ් විද්‍යාලයේ විදුහල්පතිනිය විසින් ඇයගේ පැත්තෙන් සිදුවීම විස්තර කළේ මෙසේය.

‘ඒ දරුවන් 4 දෙනාට මූලික සුදුසුකම්වත් නැති නිසා තමයි මම ඒ දරුවන් 4 දෙනාව ඉන්ටවීව් කලේ නැත්තේග ඔය දෙමව්පියන් දිගටම ඉස්කෝලේ ඉදිරිපිට උද්ඝෝෂණය කළා. සවුත්ලන්ඩ් ඉස්කෝලේ ඉස්සරහා. ඊ්ට පස්සේ එයාලා  පෙබරවාරි 25 වෙනිදා ඉසුරුපාය ඉදිරියට ගිහින්  උද්ඝෝෂණය කරලා තිබුණා. කොහොම වුණත් අධ්‍යාපන අමාත්‍යාංශයෙන් පෙබරවාරි 26 වැනිදා ඒ දරුවන්ව බඳවාගැනීම ගැන ෆැක්ස් එකක් ලැබිලා තිබුණා. ඒත් ඒවායේ අඩුපාඩු තිබුණා. කොහොම වුණත් මේ ෆැක්ස් නිසා එදා සම්මුඛ සාකච්ඡා පැවැත්වීමත් ප්‍රමාද වුණා. අර ළමයින්ගේ මාපියන්ට මම පහුවැනිදා උදේ 10ට පාසැලට එන්න කියලා දැනුම් දුන්නා.

 අධ්‍යාපන අමාත්‍යාංශයෙන් එවපු ෆැක්ස් එකේ අඩුපාඩු නිවැරදි කරන්න කියලා අධ්‍යාපන අමාත්‍යාංශයට දැනුම් දුන්නා. ඒත් අධ්‍යාපන අමාත්‍යංශයෙන්  ඒ නිවැරදි කිරීම ආවේ නැහැග ඒ නිසා 27 වැනිදා ආපු ඒ මාපියන්ට කිව්වා ඔවුන්ගේ ලිපිගොනුවල මුල් පිටපත් හා ඒ ලිපි ගොනු වල ඡායා පිටපත් අරගෙන  මාර්තු 07 වෙනිදා උදේ 10ට එන්න කියලා. ඔවුන්ට එන්න දිනයක් දුන්නත් මේ මාපියන් ආයෙමත් පාසැල ඉදිරිපිට උද්ඝෝෂණය කරන්න ගත්තාග ඒත් මට එකපාරම ගොනුව හදලා ඒ ළමයින්ව බඳවාගත්නත් බැහැ. ඔවුන් පාසැල ළඟ හිටියාට ඒ ඉඩම්වලට වතුර බිල් හා විදුලි බිල්පත් තිබුණේවත් නැහැග ඒ නිසා පදිංචිය තහවුරු කරන වෙනත් ලියකියවිලි අරගෙන එන්න කියලයි මම ඔවුන්ට සතියක කාලයක් දුන්නෙ.

එහෙත් පෙබරවාරි 27 වැනි බදාදා රාත්‍රී 9ට විතර දකුණු පළාත් ආණ්ඩුකාර රජිත් කීර්ති තෙන්නකෝන්  පාසැල ඉදිරියට ඇවිල්ලා කෑ ගහලා තිබුණා. පාසලේ ආරක්ෂක අංශයේ නිලධාරින්ටත් ඔහු බැනලාග මගේ දූරකථන අංකය ඉල්ලලා තිබුණා. ආරක්ෂක නිලධාරීන් අංකය දීලා තිබුණේ නැහැ. ඉන්පසුව ආණ්ඩුකාරවරයා ආරක්ෂක නිලධාරීන්ගෙන් අහලා හදිසියක් වුනාම ප්‍රින්සිපල්ට කතා කරන්නේ නැද්ද ? කොහොමද ප්‍රින්සිපල්ට කතා කරන්නේ’ කියලා. ආරක්ෂක නිලධාරීන් කියලා තිබුණා පොලීසියට දැනුම් දෙනවා කියලා. ආණ්කාරවරයා දිගින් දිගටම ඉස්කෝලේ ඉදිරිපිට කෑගහලා තිබුණා.ඉන්පස්සේ ගාල්ල පොලීසියටත් වරායේ පොලීසියටත් කතාකරලා තිබුණා. වරායේ පොලීසියෙන් රාත්‍රී 10ට විතර අපේ ගෙදරට ආවා. මම ගෙදර හිටියේ නැහැ. මම දරුවා එක්ක පන්සලට ගිහින් හිටියේග මහත්තයා ගෙදර හිටියා. ආපු පොලිස් නිලධාරියා ෆෝන් එකෙන් මගේ මහත්තයාව ආණ්ඩුකාරවරයාට සම්බන්ධ කරලා තිබුණාග ආණ්ඩුකාරවරයා මගේ මහත්තයාටත් බැණලා තිබුණාග මහත්තයා පොලිස් නිලදාරියා එක්ක රෑ 10.45 මම හිටි තැනට ආවා.  මාව ෆෝන් එකෙන් ආණ්ඩුකාරවරයාට සම්බන්ධ කළා. ඔහු මට තමුසේ’ කියලා ආමන්ත්‍රණය කරමින් බැන්නා. තමුසේට කාවද ඉන්ටවිව් බෝඩ් එකට දාන්න ඕනල මම වාඩි වෙන්නදරෑ අලුත් කලාප අධ්‍යක්ෂනක වාඩි වෙන්නද? තමුසෙට ගන්න කියලා ඕඩර් එකක් දීලා තියෙද්දී මොකටද ආපහු ඉන්ටවිව් කරන්නේග තමුසේට මම ඕන විධියට ලියුම් හදලා  දෙන්නම් ගොනුවට දාන්න. තමුසෙට ලැජ්ජ නැද්ද? එහෙම කියමින් මට බැන්නා. වචනයක්වත් කතා කරන්න දුන්නේ නැහැ. මම ඔහුට පැහැදිලි  කලා. එතැන හිටපු මන්ත්‍රිවරයෙකුටත් දූරකථනය දුන්නා ඔහු .මම පහුවදා පාර්ලිමේන්තුවේ අධීක්ෂණ කාරක සභාවක් ඉදිරියට යා යුතුව තිබුණා. ඒත් පහුවදාම ළමයාව ඇතුලත් කරගන්න කියලා බලපෑම් කළා. මම පහුවදා පාර්ලිමේන්තුවට ගියා. ඒ එන ගමන්  ඉසුරුපායෙන් සවුත්ලන්ඩ් පාසලට ෆැක්ස් කරපු ලිපිය නිවැරදි කරගෙන ඇවිත් මම ඒ ළමයින්ව පාසලට ඇතුලත් කර ගත්තා. ඉන්පසුව මම ගිහින් ගාල්ලේ පොලිසියේ පැමිණිල්ලක් දැම්මාග පොලීසසියෙන්  මගේ මහත්තයාගෙන් ප්‍රකාශයක් ගත්තා. සවුත්ලන්ඩ් පාසලේ ආරක්ෂක අංශයෙන් ප්‍රකාශයක් ගත්තා.

දකුණු පළාත් ආණ්ඩුකාර රජිත් කීර්ති තෙන්නකෝන් මහතාව දුරකථනයෙන් සම්බන්ධ කරගැනීමට අප උත්සාහ ගත්තද ආණ්ඩුකාර ධූරය ලබන්නට පෙර මෙන් පහසුවෙන් ඔහුව දුරකථනයට සම්බන්ධ කරගත නොහැකි විය. ඒ නිසා ඔහුගේ පැත්තේ අදහස් දැක්වීම අපට ඍජුව විමසන්නට නොහැකි විය. එහෙත් ඔහු වෙනත් මාධ්‍ය වෙත මේ පිළිබඳව අදහස් දක්වා තිබුණි.ඔහු කියා තිබුණේ තමන්ගේ විෂය පථයට කිසිසේත්ම අදාල නොවන අපබ්‍රංශ ගොඩකි. සවුත්ලන්ඩ් විද්‍යාලය ජාතික පාසැලකි.රජිත් කීර්ති තෙන්නකෝන් පළාත් ආණ්ඩුකාරවරයාය. ඔහු දැන් කියන්නේ පාසැල්වලට ළමයින් ඇතුලත් කරද්දී ගැටලු රැසක් තිබෙන බවත්ල තමන් ඒවාට විරුද්ධව සටන් කරන බවත්ය.

මේ කතාව ඔහුව මේ තනතුරට පත්කළ ජනාධිපති මෛත්‍රීපාල සිරිසේනගේ චින්තනයට අපූරුවට ගැලපෙන කතාවකි. ජනාධිපති මෛත්‍රීපාල සිරිසේනද බොහෝ අවස්ථාවල තමන් ආණ්ඩුවේ නායකයා. කැබිනට් මණ්ඩලයේ ප්‍රධානියා සහ ජනාධිපතිවරයා බව අමතක කොට ආණ්ඩුවේ තීරණවලට එරෙහිව පුස් හඬවල් නඟා ඇත. රජිත් කීර්ති තෙන්නකෝන්ටද තමා පළාත් ආණ්ඩුකාරවරයෙකු බව අමතක කොට ඇත. ජනප්‍රිය පාසැල්වලට සිසුන් ඇතුලත් කරගැනීම සම්බන්ධයෙන් එල්ලවෙන චෝදනා අලුත් දෙයක් නොවේ. සවුත්ලන්ඩ් විද්‍යාලයටද මේ චෝදනා විශාල වශයෙන් එල්ලවී ඇතිබව ඇත්තයග එහෙත් ආණ්ඩුකාරවරයෙකු කළ යුත්තේ ගේට්ටු අසලට ගොස් බෙරිහන් දීම නොවන බව අමුතුවෙන් ලිවිය යුතු නැත.

සවුත්ලන්ඩ් ප්‍රශ්ණයට පෙරද රජිත් කීර්ති තෙන්නකෝන් ආණ්ඩුකාරවරයා ගාල්ල අනුලා විද්‍යාලයේ 10 ශ්‍රේණියට සිසුවියක ඇතුලත් කිරීමට බලපෑම් සිදුකීරීම නිසා කතාබහට ලක්විය. එවට ඔහු ඇතුලත් කිරීමට උත්සාහ කර තිබුණේ තමන්ගේ රියැදුරාගේ දියණියවය. පාසැල්වල අතරමැද ශ්‍රේණිවලින් සිසුන් ඇතුලත් කරගැනීමට මෙන්ම පන්තිවල සිටින සිසුන් ප්‍රමාණය ඉක්මවා සිසුන් බඳවාගැනීමද කළ නොහැකියග රජිත් කීර්ති තෙන්නකෝන් ආණ්ඩුකාරවරයා බලපෑම් කළ මේ බඳවාගැනීම ප්‍රතික්ෂේප කරමින් ගාල්ල කලාප අධ්‍යාපන අධ්‍යක්ෂිකා එස්ගපී .  චන්ද්‍රාවතී මහත්මිය පෙන්වා තිබුණේ ඒ බඳවාගැනීම චක්‍රලේඛවලට අනුකූල නොවන බවයග අන්තිමේදී ඒ අධ්‍යක්ෂිකාවට තංගල්ල කලාප අධ්‍යාපන අධ්‍යක්ෂිකාව ලෙසට මාරුවීමක් ලබාදී තිබුණි. ඇය 2018 පෙබරවාරි 08 අම්බලන්ගොඩ කලාප අධ්‍යාපන අධ්‍යක්‍ෂිකාව ලෙස සේවය කරමින් සිටිය දී  ගාල්ල අධ්‍යාපන කලාපයට ස්ථාන මාරුකර වසරක් ඉක්ම යෑමට මත්තෙන් මෙම ස්ථාන මාරුව ලබා දී තිබුණි.

මේ සිදුවීම් දෙකේදීම රජිත් කීර්ති තෙන්නකෝන් ආණ්ඩුකාරවරයා තම තනතුරෙහි කීර්තිය ගැන නොතකමින් කුඩා දරුවෙකු මෙන් හැසිරෙන අයුරු දකින්නට ලැබුණි. පුදුම විය යුතු නැත. ඔහු පෙන්වන්නේ ඔහුගේ අපරිණතකමය. අනෙක් පැත්තෙන් තමන්ව ආණ්ඩුකාර ධූරයට පත්කළ. තමන්ගේ දේශපාලන ස්වාමියා වන ජනාධිපති මෛත්‍රීපාල සිරිසේනගේ අපූරු ගෝලබාලයෙකු බව ඔහු දිගින් දිගටම පෙන්වා තිබුණි.

ජනාධිපති මෛත්‍රීපාල සිරිසේන විසින් ආණ්ඩුකාරවරුන් පත්කළේ මීළඟ ජනාධිපතිවරණයට සූදානම් වීම සඳහා ගෙනයන වැඩපිළිවෙලේ කොටසක් ලෙස බව අමුතුවෙන් කිව යුතු නැත. මේ පත්කිරීම් කටුස්සන්ගේ කරේ රත්තරන් බැඳීම මෙන් බැලූ බැල්මට පෙනී යන තනතුරු ලබාදීම් වියග මේ තනතුරුවලට ගැලපෙන අත්දැකීම් හෝ පරිණතභාවයක් නොතිබුණු පුද්ගලයන්ව පත්කර තිබුණිග ජනාධිපතිවරයාගේ එක් හේතුවක් වී තිබුණේ තමන් වෙනුවෙන් ඕනෑ දෙයක් කරන්නට සූදානම් අයව පත් කරගැනීමේ වුවමනාවය. අනෙක් පැත්තෙන් මේ ආණ්ඩුකාරවරුන් අද හැසිරෙන ආකාරයෙන් වුව පෙනී යන්නේ ජනාධිපතිවරයාගේ බංකොළොත්භාවයේ තරමයග දේශපාලන තනතුරකට පත් කරන්නටවත්  විශ්වාසදායක පුද්ගලයන් නැති අහේනියකට ජනාධිපති මෛත්‍රීපාල සිරිසේන මුහුණදී සිටින බවය.

මීට පෙර අනුරුද්ධ පොල්ගම්පොලලාව ආයතන ප්‍රධානීන් ලෙස පත්කොට ජනාධිපතිවරයා ලැජ්ජාවට පත්විය. මේ වෙද්දී ජනාධිපති මෛත්‍රීපාල සිරිසේන විසින් පත්කළ ආණ්ඩුකාරවරුන් විසින් ජනාධිපතිවරයාව ලැජ්ජාවට පත්කරමින් සිටින්නේය. එසේ වුවල එක් අතෙකින් ජනාධිපතිවරයා විසින් තමන්වම ලැජ්ජාවට පත්කරගනිමින් සිටින තරම දෙස බලද්දී රජිත් කීර්තිලාගේ නාගැනීම් ජනාධිපතිවරයාට අදාල නොවෙන්නත් ඉඩ ඇත.