-මහින්ද යාපා

අපේ‍්‍රල් 21 වැනිදා එල්ල වූ පාස්කු ඉරිදා ත‍්‍රස්ත ප‍්‍රහාරය ගැන අපේ‍්‍රල් 9 වැනිදා වනවිට තමා ඇතුළු පාර්ලිමේන්තු මන්ත‍්‍රීවරුන්ට දැනගන්නට ලැබී තිබුණු බවත්, ඒ පිළිබඳ පියවර ගැනීම රජයේ වගකීමක් නිසා නිහඬව සිටි බවත් ශ‍්‍රී ලංකා පොදුජන පෙරමුණේ පාර්ලිමේන්තු මන්ත‍්‍රී මහින්ද යාපා අබේවර්ධන මහතා පැවසීය.

අනිද්දා සමඟ සම්මුඛ සාකච්ඡුාවකට එක්වෙමින් පාර්ලිමේන්තු මන්ත‍්‍රීවරයා ඒ බව ප‍්‍රකාශ කළේය. අපේ‍්‍රල් 9 වැනිදා තමන් ඇතුළු ප‍්‍රභූවරුන්ගේ ආරක්ෂාවට සිටි ආරක්ෂක අංශවලට ප‍්‍රහාරයක් පිළිබඳ අනතුරු හඟවමින් ලියුමක් ලැබුණු බවත්, ආරක්ෂක නිලධාරීන් සමඟ ඇති හිතවත්කම නිසා එම නිලධාරීන් තමන්ටද ඒ පිළිබඳව දැන්වූ බවත් ඔහු පැවසීය. තමා ළඟද එම ලිපියේ පිටපතක් ඇති බව ඔහු කීය. එසේ තොරතුරු ලැබී තිබුණා නම්, ඒ පිළිබඳව සමාජය දැනුවත් කොට අනතුර නැවැත්වීමට කටයුතු නොකළේ ඇයිදැයි විමසීමේදී මන්ත‍්‍රීවරයා ප‍්‍රකාශ කළේ ආරක්ෂාව සැපයීම ආණ්ඩුවේ වගකීමක් බව කල්පනා කරමින් නිහඬව සිටි බවයි. රජය යම් වැඩපිළිවෙළක් ක‍්‍රියාත්මක කොට මෙම ප‍්‍රහාරය වළක්වනු ඇතැයි තමා බලාපොරොත්තු වූ බවද ඔහු පැවසීය. බුද්ධි තොරතුරු ප‍්‍රසිද්ධ කිරීම ආරක්ෂක කටයුතුවලට බාධාවක් ලෙස සැලකූ බවද ඔහු වැඩිදුරටත් ප‍්‍රකාශ කළේය