ගෝඨාභය රාජපක්ෂ මීළඟ ජනාධිපතිවරණයේ පොදුජන පෙරමුණු අපේක්ෂකයා ලෙස ඉදිරිපත් කිරීමේ යෝජනාව සම්බන්ධයෙන් ගැටලූ රැුසක් පැවතීම හේතුවෙන් මහින්ද රාජපක්ෂ හා ඔහු වටා ගොනුවී සිටින දේශපාලන පක්ෂ තීරණයක් ගත නොහැකිව අසීරු තත්වයක සිටින බව වාර්තා වෙයි.

ගෝඨාභය රාජපක්ෂගේ පුරවැසිභාවය පිළිබඳ ප‍්‍රශ්නය, ගෝඨාභය රාජපක්ෂට එරෙහිව ත‍්‍රිපුද්ගල මහාධිකරණයේ පවතින නඩුව හා ගෝඨාභය රාජපක්ෂට සුළුතර ජනවර්ගවල සහාය ලබාගැනීම අසීරු වීම යන හේතු මෙම ගැටලූවට හේතුවී තිබේ.

ගෝ්ඨාභය රාජපක්ෂ සිය ඇමෙරිකානු පුරවැසිභාවය ඉවත් කරගැනීම සඳහා අවශ්‍ය ලියකියවිලි බාරදී තිබුණද, ඔහුට එරෙහිව ඇමෙරිකානු අධිකරණවල නඩු පැවතීම නිසා පුරවැසිභාවය ඉවත් කිරීමට අදාලව ඇමෙරිකාවේ ප‍්‍රතිචාරය ප‍්‍රමාද වී තිබේ. මීළඟ ජනාධිපතිවරණයට පෙර එම කටයුතු අවසාන කරගැනීමට හැකිවනු ඇතිදැයි මේ වනවිට එම කණ්ඩායමේ සැකයක් මතුවී තිබේ.

මේ අතර ගෝඨාභය රාජපක්ෂට එරෙහිව ත‍්‍රිපුද්ගල මහාධිකරණයේ නඩුව ජුනි 19 වැනිදා විභාගයට ගැනීමට තීන්දු කර ඇති අතර, එම මහාධිකරණය එක දිගට නඩුව විභාග කර ඉක්මනින් තීන්දුව ලබා දිය යුතුය.

මේ හේතුව නිසා  චමල් රාජපක්ෂ හා බැසිල් රාජපක්ෂ යන අනෙක් රාජපක්ෂ සහෝදරවරුන්ගේ නම් මීළඟ ජනාධිපතිවරණ සටන සඳහා නැවතත් යෝජනා වී තිබේ.

මෙම කණ්ඩායම නියෝජනය කරන පාර්ලිමේන්තු මන්ත‍්‍රීවරුන් වන වාසුදේව නානායක්කාර, ඩිලාන් පෙරේරා වැනි අය ජනාධිපතිවරණයට සුදුසු පුද්ගලයා ලෙස චමල් රාජපක්ෂගේ නම මීට පෙර යෝජනා කර තිබුණි. මේ වෙද්දී ඔවුන් නැවතත් චමල් රාජපක්ෂගේ නම ඉදිරියට ගෙනැවිත් තිබෙන බව වාර්තාවෙයි. මුස්ලිම් ජනතාවට එරෙහි මතවාදයක් සිංහල හා දෙමළ සමාජ දෙකෙහිම නැගී ඒම හා වත්මන් ආණ්ඩුව

දේශපාලන විසඳුමක් ගැන දෙමළ ජනතාවගේ බලාපොරොත්තු කඩ කර ඇති පසුබිමක දෙමළ ජනතාවගේ ඡුන්ද ලබාගැනීමේ වැඩි හැකියාවක් චමල් රාජපක්ෂට ඇතැයි ඩග්ලස් දේවානන්දා, වර්ධරාජා පෙරුමාල් ඇතුළු පොදුජන පෙරමුණට හිතවත් උතුරේ දේශපාලන නායකයන් කිහිපදෙනෙකුද ප‍්‍රකාශ කර ඇතැයි එම ආරංචි මාර්ග වැඩිදුරටත් පවසයි.

මේ අතර එම කණ්ඩායමේ සාමාජික මන්ත‍්‍රීවරයෙකු ප‍්‍රකාශ කළේ බැසිල් රාජපක්ෂ මීළඟ ජනාධිපතිවරණයට තමන් තෝරාගතහොත් ඉදිරිපත් වන බව හිතවතුන් පිරිසක් සමඟ කියා ඇති බවය. ගෝඨාභය රාජපක්ෂට මෙන් නඩු ආදි ගැටලූ නැති නිසා තමන්ගේ ඇමෙරිකානු පුරවැසිභාවය ඉවත් කරගැනීම සති තුනක් ඇතුළත කරගත හැකි බව බැසිල් රාජපක්ෂ එහිදී පවසා තිබේ.

ජනාධිපතිවරණය ඔක්තෝබර් මාසයේදී ප‍්‍රකාශයට පත්කිරීමට නියමිතව තිබුණත් ස්ථීර ජනාධිපතිවරණ අපේක්ෂකයෙකු නොමැති වීම ප‍්‍රශ්නයක් බව ඒකාබද්ධ විපක්ෂයේ නායකයන් කිහිපදෙනෙකුම මහින්ද රාජපක්ෂ හමුවේ ප‍්‍රකාශ කර ඇති බවත්, ඒ ගැන ළඟදීම සාකච්ඡුා කිරීමට බලාපොරොත්තු වෙන බව මහින්ද රාජපක්ෂ එම නායකයන්ට කියා ඇති බවත්, මෙම තත්වය පිළිබඳව අදහස් දැක්වූ ඒකාබද්ධ විපක්ෂයේ ප‍්‍රබල මන්ත‍්‍රීවරයෙක් අනිද්දා සමඟ කීය. මඟුල් ගෙදරක් සූදානම් කිරීමෙන් පසුව මනමාලිය ගැන කල්පනා කළ නොහැකිවාක් මෙන්ම අපේක්ෂකයෙකු නම් නොකර නුදුරේ පවත්වන්නට නියමිත ජනාධිපතිවරණයේ ප‍්‍රචාරණ කටයුතු ආරම්භ කිරීමද කළ නොහැක්කක් බව මහින්ද රාජපක්ෂ හමුවේ තමන් කී බවද එම මන්ත‍්‍රීවරයා කීය. x