කථානායක කරූ ජයසූරිය මහතා සැප්තැම්බර් 17 වැනිදා ඬේලි මිරර් පුවත්පතට සම්මුඛ සාකච්ඡුාවක් ලබා දී තිබුණි. එහිදී ඉදිරි ජනාධිපතිවරණය හා විධායක ජනාධිපති ක‍්‍රමය අහෝසි කිරීම ගැන අදහස් දක්වා තිබුණි. මේ එම සම්මුඛ සාකච්ඡුාවලදී විධායක ජනාධිපති ක‍්‍රමය ගැන ඔහු දැක්වූ අදහස්වල සංක්ෂිප්තයකි.

අනුරංග ජයසිංහ

අපි අහන්න  ඕනෑ ජනාධිපතිවරණයක් මොකටද කියලා. 1994න් පස්සේ හැම ජනාධිපතිවරණ අපේක්ෂකයෙක්ම ආවේ විධායක ජනාධිපති ක‍්‍රමය අහෝසි කිරීමේ පොරොන්දුව මතයි. 2010 දී රාජපක්ෂ ආණ්ඩුව ආණ්ඩුක‍්‍රම ව්‍යවස්ථඡුාව සංශෝධනය කරමින් ජනාධිපතිවරණය සඳහා ඉදිරිපත් වීමට දෙවතාවක් වශයෙන් තිබුණු සීමාව ඉවත් කළා. 2015 දී අපි ජනතාවට පොරොන්දු වුණා මෛත‍්‍රීපාල සිරිසේන ජනාධිපතිවරයා අවසන් විධායක ජනාධිපතිවරයා වන බවට.

ඉන්පසුව ජනාදිපති ක‍්‍රමයේ බලය අඩු කළා. ඒත් ඒ ක‍්‍රමය තවම තියෙනවා. මේ තනතුරෙන් ජනාධිපති ධූරයේ සිටින්නාගේ සාරය උරා බොනවා. ජනතාව ඒක දැකලා තියෙනවා. ඒ නිසයි හැම ජනාධිපතිවරණයේදීම ජනතාව විධායක ජනාධිපති ක‍්‍රමය අහෝසි කරන්නට ඡුන්දය දේනනේ. ඒ හේතුව නිසාමයි පූජ්‍ය මාදුළුවාවේ සෝභිත හිමියන්ගේ ව්‍යාපාරය මුල සිටම විධායක ජනාධිපති ක‍්‍රමය අහෝසි කිරීමේ යෝජනාව ඉදිරිපත් කළේ. විධායක ජනාදිපති ක‍්‍රමය තියෙන තාක් කල් මේ රටේ දේශපාලන සංස්කෘතියේ වෙනසක් වෙන්නේ නැහැ. එක් පිරිමියෙකුගේ හෝ ගැහැණියකගේ වුවමනාවන් ඉටුකිරීම වෙනුවෙන් නිර්මාණය කළ ක‍්‍රමයක් ප‍්‍රජාතන්ත‍්‍රවාදයේ මූලික සංකල්පවලට පටහැණියි.

තමන්ගේම බලය අඩු කරගන්නට සටන්කරපු එකම ජනාධිපතිවරයා මෛත‍්‍රීපාල සිරිසේන පමණයි. ඔහු බලයට පත්වූ විගස ඒක කළා. ඉන්පසුව සිදුවූ හැමදේටම අපි එකඟ විය යුතු නැහැ. එහෙත් ජනාධිපති මෛත‍්‍රීපාල සිරිසේන මහතා 19 වැනි සංශෝධනය පසුපස ශ‍්‍රීලනිපය පෙළගැස්සුවේ නැත්නම් ශ‍්‍රී ලංකාව තවමත් ව්‍යවස්ථාමය අර්බූදයක ඉන්නට ඉඩ තිබුණා.

කථානායකවරයා වශයෙන් ජනාධිපතිවරණ අපේක්ෂකයාව නම් කිරීමේ කටයුත්තට මාව මැදිහත් කරගැනීම සුදුසු නැහැ. එහෙත් මගේ ස්ථාවරය වන්නේ මීළඟ ජනාධිපතිවරයා අවසාන ජනාධිපතිවරයා විය යුතු බවයි. මගේ ජීවිත කාලය තුළ විධායක ජනාධිපති ක‍්‍රමය අහෝසි කරන අන්දම මා දැකිය යුතුයි. එය සිදුවෙතැයි තහවුරු කරගැනීමට තියෙන එකම ක‍්‍රමය වන්නේ විධායක ජනාධිපති ක‍්‍රමය ස්ථීරවම අහෝසි කරන අපේක්ෂකයෙකු සොයාගැනීමයි. එය මූලිකම අරමුණ විය යුතුයි.

මට කාලයක් තිස්සේ දැනුණා විධායක ජනාධිපති ක‍්‍රමය ලංකාවේ ප‍්‍රජාතන්ත‍්‍රවාදයේ විධිමත් ක‍්‍රියාකාරීත්වයට බාධාවක් වගේම අනතුරක් බව. නීතියට උඩින් සිටින රාජ්‍ය නායකයෙකුට විනිසුරුවරුන්ට, පාර්ලිමේන්තුවට, විධායකයට හා රාජ්‍ය සේවයට ඉහළින් බලය පාවිච්චි කරමින් ප‍්‍රජාතන්ත‍්‍රවාදයේ පැවතීමම නැති කරන්න පුලූවන්. සාමාන්‍ය ජනතාවගේ අයිතිවාසිකම් වලට හානි කරන්නටත් ¥ෂණයට මඟ සලසන්නටත් එය හේතුවූ ආකාරය අප දැනටමත් දැකලා තියෙනවා.

රාජ්‍ය සේවය පුහුණු කරලා තියෙන්නේ ඉහළින් එන නියෝග පිළිපදින්නටයි. ස්වාධිනව ක‍්‍රියා කරන්නට හා තමන් වෙනුවෙන් කල්පනා කරන්නට ඔවුන් හුරුවී නැහැ. මාදුළුවාවේ සෝභිත හිමි මේවා දැක්කා. උන්වහන්සේ එය 2012 දී පැවති සිය 70 උපන්දින සැමරුමේදී පැහැදිළි කළා. එදා සිට මම මගේ ජීවිත කාලය අවසාන වෙන්නට පෙර විධායක ජනාධිපති ක‍්‍රමය අහෝසි කරනු දැකීමේ අධිෂ්ඨානයෙන් ඉන්නවා.

කෙසේවෙතත් අපේක්ෂකයාව නම් කිරීම දේශපාලන පක්ෂ සතු කාර්යභාරයක්. අපේක්ෂකයා කවුරු වුණත් මගේ ඉලක්කය විධායක ජනාධිපති ක‍්‍රමය අහෝසි කිරීමයි. මගේ මුළු හදවතින්ම ඒ කටයුත්තට උදව් කරනවා. මගේ ලේ වලින් පවා දිවුරා එය කිව හැකියි. මට අනුව වඩාත්ම වැදගත් වෙන්නේ අපේක්ෂකයා කවුරු වුණත්, ඒ කටයුත්ත කිරීම ගැන ඔහුව විශ්වාස කළ හැකිද යන්නයි. මාදුළුවාවේ සෝභිත හිමියන් හිටියානම් උන්වහන්සේට  ඕනෑ වේවි අප සියලූදෙනාම එකතුවෙලා සැබෑ ලෙස ජනතාවට වගකියන ප‍්‍රජාතන්ත‍්‍රවාදී ආණ්ඩුවක් බිහිකිරීමේ කටයුත්ත සම්පූර්ණ කරන එක් අපේක්ෂකයෙකු වෙනුවෙන් වැඩකරනවා දකින්නට.

මගේ ස්ථාවරය පැහැදිළියි. මාව අපේක්ෂකයෙකු ලෙස සැලකිය හැක්කේ අනෙක් අයගේ පොදු එකඟතාවය ලැබුණොත් සහ විධායක ජනාධිපති ධුරය අහෝසි කිරීමේ වගකීම මට භාර දෙන්නේ නම් පමණයි. මම ඒ භූමිකාව ඉල්ලන්නේ නැහැ. ඒ පොරොන්දුව ඉටු කරන්න පුලූවන්  ඕනෑ කෙනෙක්ට මම සහාය දෙනවා. මම ජනාධිපති වුණොත් මගේ මූලික අවධානය යොමුවෙන්නේ ස්වාධීන ආයතන ශක්තිමත් කිරීම හා විධායක ජනාධිපති ක‍්‍රමය අහෝසි කිරීම කෙරෙහියි. එතෙක් අගමැතිවරයා සහ කැබිනට් මණ්ඩලය 19 වැනි සංශෝධනය අනුව ආණ්ඩුව ඉදිරියට ගෙනයනු ඇති. මම කිසිම පක්ෂයක නායකත්වයක් බලාපොරොත්තු වෙන්නේ නැහැ. අපි මේ මෙහෙයුමට මුල් තැන දිය යුතුයි.

ස්වාධීන ආයතන ශක්තිමත් කරන ව්‍යවස්ථා සංශෝධන සිදුකළ යුතුයි. ස්වාධීන කොමිෂන් සභා, පොදු ආයතන ඇතිකිරීම සඳහා ඉදිරි පියවර ගන්නා  ඕනෑ. රාජ්‍ය සේවය හා ජනමාධ්‍ය නිර්දේශපාලනීකරණය කරන්න  ඕනෑ. පක්ෂ මාරු කිරීමට එරෙහි පනත සම්මත කරගන්න  ඕනෑ. ඒ කාරණා විධායක ජනාධිපති ක‍්‍රමය අහෝසි කරගැනීමට මාවත විවෘත කරගැනීම සඳහා වැදගත්. මැදිහත්වීම්වලට සහ බාධාකිරීම්වලට එරෙහිව අපේ ප‍්‍රජාතන්ත‍්‍රීය ආයතනවලට සටන් කළ හැකි බව තහවුරු කරගන්න  ඕනෑ. මේ ආණ්ඩුව ඒ කටයුත්ත පටන්ගත්තා. ඒත් තව බොහෝ දේ කරන්න තියෙනවා. අප සියලූදෙනා ඒ කටයුත්තට කැපවුණොත් ඒ සඳහා දීර්ඝ කාලයක් ගතවෙන්නේ නැහැ. ඒ කටයුත්තෙන් පස්සේ අපට පුලූවන් ව්‍යවස්ථා සංශෝධනයකින් විධායක ජනාධිපති ක‍්‍රමය අහෝසි කරන්නට. පාර්ලිමේන්තුවේ තුනෙන් දෙකක බහුතරයකින් එම සංශෝධනය සම්මත කර ජනමත විචාරණයකදී ජනතාවගේ සහයෝගය දිනා ගැනීම සඳහා සම්මුතියක් ගොඩනඟාගැනීමට අපට සිදුවෙනවා. ඒ ක‍්‍රියාවලිය සඳහා ජනාධිපතිවරයා අත්‍යාවශ්‍යයි. අපි දැක්කා 19 වැනි සංශෝධනය සම්මත කරගැනීම සඳහා කළ අරගලය. ජනාධිපති මෛත‍්‍රීපාල සිරිසේන මහතා පෞද්ගලිකවම සාකච්ඡුා සඳහ මැදිහත්වෙලා එය ඉදිරිඅයට ගත්තා. ඒ තමයි ඔහුගේ පුරාවෘත්තය. ඔහු අපට පෙන්නුවා ජනාධිපතිවරයා තමන්ගේම බලතල කප්පාදු කරගැනීමට යෝජනා කරද්දී එයට බාධාවක් වීම වෙනත් පාර්ශ්වයන්ට අසීරු බව.  එවැනි තත්වයක් යටතේ සියලූ දෙනාගේම කැමැත්ත අරගෙන පාර්ලිමේන්තුව විසුරුවිය හැකියි. පාර්ලිමේන්තු මැතිවරණය සමඟම විධායක ජනාධිපති ක‍්‍රමය අහෝසි කිරීමට අදාල ජනමතවිචාරණය පැවැත්විය හැකියි.