කුරුණෑගල නගරයේ බුවනෙක හෝටලය නමින් පැවති කුරුණෑගල රාජසභා මණ්ඩපය යැයි කියූ ගොඩනැගිල්ලට හානි කිරීමේ සිද්ධිය සම්බන්ධයෙන් අත්අඩංගුවට ගැනීමට සෙවූ කුරුණෑගල නගරාධිපති තුෂාර සංජීව විතාරණ ජොන්ස්ටන් ප්‍රනාන්දු මහතා මහාමාර්ග අමාත්‍යංශයේ වැඩ භාර ගත් අවස්ථාවට පැමිණ ඇත.

අගෝස්තු 13 වැනිදා පැවති එම වැඩ බාරගැනීමේ අවස්ථාව ආවරණය සඳහා ගිය මාධ්‍යවේදීන් එම අවස්ථාවේ ඡායාරූප හා වීඩියෝගත කිරීම් කර ඇත. කෙසේ වෙතත් කුරුණෑගල  රාජ සභා මණ්ඩප ගොඩනැගිල්ලට හානි කිරීමේ සිද්ධිය සම්බන්ධයෙන් කුරුණෑගල නගරාධිපති ඇතුළු පස් දෙනකු අත්අඩංගුවට ගැනීමට මහේස්ත්‍රාත්වරයා නිකුත් කර ඇති වරෙන්තුව ක්‍රියාත්මක වීම අගොස්තු 24 වැනිදා තෙක් අත්හිටුවීමට අභියාචනාධිකරණය අගෝස්තු 12  දින  නියෝග කර ඇත.

එසේ  නියෝගයක් ලබා දී ඇත්තේ තමා අත්අඩංගුවට ගන්නා ලෙසට කුරුණෑගල මහේස්ත්‍රාත් අධිකරණය නිකුත් කළ වරෙන්තුව ක්‍රියාත්මක වීම බලරහිත කරන රිට් ආඥාවක් නිකුත් කරන්නැයි ඉල්ලා කුරුණෑගල නගරාධිපති, කුරුණෑගල නගර සභාවේ නාගරික ඉංජිනේරු චමින්ද බණ්ඩාර අධිකාරි යන මහත්වරුන් ඇතුළු පිරිස ගොනු කර තිබූ රිට් පෙත්සම් සලකා බැලූ අවස්ථාවේදීය.■