No menu items!
27.5 C
Sri Lanka
29 March,2024

හමුදා පාලනයට යන රටේ පාලනය

Must read


අගමැති මහින්ද රාජපක්ෂගේ පොරොන්දු බොරුවක් බවට පත් කරමින් නව රේගුු අධ්‍යක්ෂ ජෙනරාල්වරයා ලෙස විශ‍්‍රාමික මේජර් ජෙනරාල් විජිත රවිප‍්‍රිය වැඩ බාරගත්තේය.
විශ‍්‍රාමික මේජර් ජෙනරාල්වරයාව රේගු අධ්‍යක්ෂ ජෙනරාල් ලෙස පත් කරන බව දැනුම්දුන් විටම ඊට විරෝධය එල්ල විය. එම එක් විරෝධතාවයක් රේගු නිලධාරීන්ගේ සංගමය, රේගු මාණ්ඩලික නිලධාරීන්ගේ සංගමය හා රේගු අධිකාරීවරුන්ගේ සංගමය එක්ව ඉදිරිපත් කර තිබුණි. අනෙක් විරෝධතාව පරිපාලන නිලධාරීන්ගේ සංගමය ඉදිරිපත් කර තිබුණි. එම විරෝධතා ලිපි යොමුකර තිබුණේ ජනාධිපතිවරයාට හා අගමැතිවරයාටය.


ඒ අනුව අගමැති මහින්ද රාජපක්ෂ පසුගිය සතියේ පරිපලන නිලධාරීන්ගේ සංගමයට සාකච්ඡුාවක් ලබාදී තිබුණි. එහිදී අගමැතිවරයා පරිපාලන නිලධාරීන්ගේ සංගමයට කියා තිබුණේ රේගු අධ්‍යක්ෂ ජෙනරාල් ධුරය සදහා වූ විශ‍්‍රාමික මේජර් ජෙනරාල්වරයාගේ පත්වීම අත්හිටවූ බවය. හමුදා නිලධාරියෙකු රේගුවට පත් නොකරන බවය. පරිපාලන නිලධාරීන්ගේ සංගමයද අගමැතිවරයාට පැහැදිළි කර තිබුණේ රේගු අධ්‍යක්ෂ ජෙනරාල් ධුරය පරිපාලන සේවයේ විශේෂ තනතුරක් බවය. ජනාධිපති ගෝඨාභය රාජපක්ෂගේ මැතිවරණ ප‍්‍රකාශනයේ සදහන් සුදුස්සන් පත් කිරීමේ පොරොන්දුව මෙම පත්කිරීම මගින් බොරුවක් වන බවය.


රේගු අධ්‍යක්ෂ ජෙනරාල්වරයා ලෙස විශ‍්‍රාමික මේජර් ජෙනරාල් විජිත රවිප‍්‍රිය වැඩ බාරගත්තද විරෝධය පළ කළ රේගු වෘත්තීය සමිති මෙන්ම පරිපාලන නිලධාරීන්ගේ සංගමයද මෙතෙක් ප‍්‍රසිද්ධියේ ඒ ගැන කිසිවක් කියා නැත.


නමුදු මේ රේගු හා පරිපාලන සමිති පසුගිය යහපාලන සමයේදී රේගුවට විශ‍්‍රාමික රියර් අද්මිරාල් ශමල් ප‍්‍රනාන්දු පත් කිරීමට ගිය විට දැඩි විරෝධයක් පළ කරනු ලැබීය. ඉන් නොනැවතී වෘත්තීය ක‍්‍රියාමාර්ග මගින් රේගුව මෙන්ම පරිපාලනයද අඩපණ කරන බව පැවසූහ. ඒ නිසාම ඒ පත්වීම එදා සිදුවුණේ නැත. අද නම් මේ සමිති තවම නින්දේය.


රටේ යුධමය වාතාවරණයකදී යුධ පිටියේ හෝ එම යුධ කටයුතු වලත්, රටේ අත්‍යාවශ්‍ය සේවා බිදවැටුණ විට ඒවා පවත්වාගෙන යෑමට සහාය දීම සදහාත් කැදවිය යුතු ත‍්‍රිවිධ හමුදා දැන් රටේ පරිපාලන කටයුතු සදහා හා සාමාන්‍ය සිවිල් පරිපාලන කටයුතු සදහාත් යොදා ගැනීම අලූත්ම රාජ්‍ය පරිපාලන ක‍්‍රමවේදය බවට පත්වී ඇත. ඊට අලූතින්ම එකතු වූයේ පොලිස් රථවාහන හැසිරවීමේ කටයුතු සදහා මිලිටරි පොලීසිය හෙවත් යුධ හමුදා පොලීසිය සහ නාවික හා ගුවන් හමුදා පොලීසිද කැදවීමය. පොලිස් ආඥා පනත අනුව රථවාහන හැසිරවීමේ කටයුතු හා ඊට අදාල වැරදි සම්බන්ධයෙන් කටයුතු කිරීමේ බලය ඇත්තේ පොලීසියට පමණය. එය යුධ හමුදාාවේවත්, ගුවන් හමුදාවේවත්, නාවික හමුදාවේවත් පොලීසි වලට කළ හැක්කක් නොවේ. ත‍්‍රිවිධ හමුදාවලට අයත් එම පොලීසි තිබෙන්නේ එම හමුදාවන්ට අදාල විනය කටයුතු සිදුකිරීම සදහාය.


ත‍්‍රිවිධ හමුදා සාමාජිකයන්ව දේශපාලන කටයුතු සදහා අප‍්‍රසිද්ධියේ මෙන්ම ප‍්‍රසිද්ධියේම යොදාගත් පසුගිය මහින්ද රාජපක්ෂ පාලන කාලයේ සිදුවීම් ගැන අවධානය යොමු කිරීමේදී මේ හමුදා පොලීසිවලට අවශ්‍ය නම් සිදුකිරීමට ඕනෑ තරම් විනය පිළිබද රාජකාරී කටයුතු තිබේ. එහෙත් එම කටයුතු එසමයේ ‘අණ’ මගින් මෙහෙයවූ ඒවා නිසා ඒ ගැන විනය පියවර තබා විනය පරීක්ෂණවත් ආරම්භ නොකරන බව සහතිකය.


කෙසේ වෙතත් රථවාහන මෙහෙයවීම සදහා හන්දිවලට කැදවා ඇති මේ ත‍්‍රිවිධ හමුදා පොලිසි සාමාජිකයන්ට සිදුකළ හැකි එකම දෙය වන්නේ වාහනවලට අතින් සංඥා කිරීම් සිදුකිරීම පමණය. ඒද එම ස්ථානවල සිටින පොලිස් නිලධාරියාගේ මෙහෙයවීම මතය. මන්ද එක් එක් අවස්ථාවේ එක් එක් ස්ථානවල රථවාහන හැසිරවිය යුත්තේ කෙසේද යන්න දන්නේ පොලිස් නිළධාරීන් පමණක් වන නිසාය. එමෙන්ම එම අවස්ථාවල රථවාහන හැසිරවීමේ රාජකාරියේ වෙනත් ස්ථානවල සිටින පොලිස් නිලධාරීන්ගේ පණිවිඩ ලැබෙන්නේද පොලිස් නිලධාරීන්ට නිසාය. ප‍්‍රභූ ගමනයක් සම්බන්ධයෙන් මංතීරු තදබද ඉවත් කිරීම් පිළිබද පණිවිඩ ලැබෙන්නේද පොලිස් නිලධාරීන්ට පමණක් නිසාය. මේ හමුදා පොලීසිවල සාමාජිකන්ට පොලිස් නිලධාරීන්ගේ සහායට හන්දිවලට දැමුවා යැයි කියා අප ගමන් ගන්නා මාර්ගවල රථවාහන ගමනාගමනයේ වෙනසක් නම් සිදුවී නැත. එසේ හමුදා සාමාජිකයන් දැමූ පසු වෙනදාට වඩා රථවාහන තදබදයක් තිබෙන වත් දිස්වීමට පටන්ගෙන ඇත.

ස්වයංක‍්‍රීය මාර්ග සංඥා නැවතී අතින් සංඥා සිදුකරන තත්වයට ප‍්‍රධාන මංසන්ධි පත්වී ඇත. සමහරවිට එය ත‍්‍රිවිධ හමුදා පොලීසිය පොලීසියේ කටයුතුවලට යෙදවීමට විරෝධය පළකිරීමක් වශයෙන් පොලීසිය හිතාමතාම සිදුකරන එකක් බවට සැක සිතේ. කෙසේ වෙතත් වෙනත් මහජනයාට වුවමනා වන්නේ මහමගට බැසීමෙන් පසු ඉතා ඉක්මනින් සිය ගමනාන්තය දක්වා යෑමටය. පොලිස් හමුදා ගැටුම් ඔවුන්ට අවශ්‍ය නැත. අනෙකුත් රාජ්‍ය ආයතනයන් සම්බන්ධයෙන් ගත් කළද තත්වය එයමය. හමුදා පාලනයත් සාමාන්‍ය පරිපාලනයත් අතර ගැටුම් එම ආයතනවලින් සේවය ලබාගන්නට පැමිණෙන අයට අවශ්‍ය නැත. අවශ්‍ය වන්නේ සිය කාර්යය ඉක්මනින් කරවා ගැනීමය. මේ ආකාරයට හිටපු හමුදා නිළධාරීන් රාජ්‍ය ආයතන ප‍්‍රධානීන් වශයෙන් සහ විදේශ සේවයේ තානාපති හෝ මහකොමසාරිස්වරුන් ලෙස පත් කරමින් යන ගමන රටකට නම් සුභදායක නැත. පළමුව සාමාන්‍ය රාජ්‍ය පරිපාලනයත්, මේ හමුදා ප‍්‍රධානීනුත් අතර ගැටුම් ඇතිවිය හැක.

එම ගැටුමේ අනිවාර්ය ප‍්‍රතිඵලය විය හැක්කේ මේ දෙපාර්ශ්වයේ එක් පාර්ශ්වයක් ජය ගැනීමය. රාජ්‍ය ආයතන ප‍්‍රධානියා හමුදා සාමාජිකයෙකු නිසාත්, සාමාන්‍ය මහජන සිතුවිල්ල තුළ රාජ්‍ය ආයතන ගැන ඇත්තේ නොපහන් බවක් නිසාත්, හමුදාව යනු සියල්ලටම පිළිතුර ලෙස ඔවුන් මේ මොහොතේ දකින නිසාත් මේ ගැටුමේ ජයග‍්‍රහණයා වනු ඇත්තේ බොහෝ විට හමුදා ප‍්‍රධානියාය. ඊට ශක්තියක් වීමට හිටපු හමුදා නිලධාරියෙකු ජනාධිපතිවරයා ලෙස සිටින නිසාත්, ඔහුගේ අභිලාෂය ඔහුට හිතවත් හමුදා නිලධාරින්ගෙන් රාජ්‍ය ආයතන තනතුරු හා විදේශ ¥ත සේවා තනතුරු පුරවා රට කරවීම නිසාත් නිල නොවන හමුදා පාලනයකට නතුවූ රටක් අපට ඉතිරිවනු ඇති බවට කරුණු සිදුවන ආකාරයෙන් පෙනේ.

අධිකරණය තිබෙන්නේ විධායකයේ කටයුතුවලට එරෙහි වීමට නොවන බවට ජාතික නිදහස් දින උත්සවයෙන් පසු කොළයක ලියා නොගත් කථාවකදී ජනාධිපතිවරයා කියන්නේ විධායකයේ නිවටකමක් නොවන බවට ජනාධිපතිවරයා අවධාරණය කර අතනතුරු හගවන්නේත් රට යා හැකි අත පිළිබද අපට ඇගිල්ලෙන් අනිමින්ය. වැඩිදුර යා නොදී මේ බව තේරුම් ගැනීම අපට කෙසේ වෙතත් රට ගැන බොහෝ විදග්ධ සුන්දර සිහිනවල නිමග්න වී සිටි අති බහුතර පිරිසකට නම් ගුණදායකය.

හමුදා සාමාජිකයන්ගේ පත්වීම්


විශ‍්‍රාමික මේජර් ජෙනරාල් කමල් ගුණරත්න – ලේකම්, ආරක්ෂක අමාත්‍යාංශය, සභාපති, විදුලි සංදේශ නියාමන කොමිසම
ජෙනරාල් දයා රත්නායක – සභාපති, ශ‍්‍රී ලංකා වරාය අධිකාරිය
විශ‍්‍රාමික මේජර් ජෙනරාල් ජී.ඒ. චන්ද්‍රසිරි – සභාපති, ගුවන් තොටුපොල හා ගුවන් සේවා සමාගම
විශ‍්‍රාමික මේජර් ජෙනරාල් සුදන්ත රණසිංහ – අධ්‍යක්ෂ ජෙනරාල්, ආපදා කළමණාකරණ මධ්‍යස්ථානය
වයිස් අද්මිරාල් මොහාන් විජේවික‍්‍රම – මහකොමසාරිස්, පාකිස්ථානය
විශ‍්‍රාමික මේජර් ජෙනරාල් විජිත රවිප‍්‍රිය – අධ්‍යකක්ෂ ජෙනරාල්, ශ‍්‍රී ලංකා රේගුව
විශ‍්‍රාමික මේජර් ජෙනරාල් එස්.ඩබ්.එල්. දවුලගල – සභාපති, ලංකා ධීවර සංස්ථාව
විශ‍්‍රාමික මේජර් ජෙනරාල් ඞී.එස්.එස්. දිසානායක – සභාපති, පාරිභෝගික පිළිබද අධිකාරිය අද්මිරාල් ජයනාත් කොළඹගේ - විදේශ කටයුතු පිළිබද ජනාධිපති අතිරේක ලේකම්
විශ‍්‍රාමික මේජර් නන්ද මල්ලවආරච්චි – අධ්‍යක්ෂ ජෙනරාල්, බහුකාර්ය සංවර්ධන කාර්ය සාධක බලකාය
විශ‍්‍රාමික මේජර් ජෙනරාල් සුමේධ පෙරේරා – සාමාජික, දිළි`දුකම පිටුදැකීමේ ජනාධිපති කාර්ය සාධක බලකාය
රියර් අද්මිරාල් ආනන්ද පීරිස් – අධ්‍යක්ෂ ජෙනරාල්, සිවිල් ආරක්ෂක දෙපාර්තමේන්තුව
විශ‍්‍රාමික මේජර් ජෙනරාල් ජගත් අල්විස් – ජාතික බුද්ධි ප‍්‍රධානී ( මෙම තනතුරේද පසුගිය ආණ්ඩු සමයේ කටයුතු කළේ විශ‍්‍රාමික පොලිස් නිලධාරියෙකි. *
බි‍්‍රගේඩියර් සුරේෂ් සලේ – ප‍්‍රධානී, රාජ්‍ය බුද්ධි සේවය ( එස්.අයි.එස්. * ( මෙය පොලිස් දෙපාර්තමේන්තුවේ තනතුරකි. *

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි