No menu items!
27.5 C
Sri Lanka
29 March,2024

සම්බන්ධන් ඒකාබද්ධය පිළිගනියි

Must read

 

විපක්ෂ නායක ආර්. සම්බන්ධන් විසින් ව්‍යවස්ථාදායක සභාවට තමන්ගේ නියෝජිතයා ලෙස ඒකාබද්ධ විපක්ෂ පාර්ලිමේන්තු මන්ත‍්‍රී චමල් රාජපක්ෂ පත් කිරීමට හේතුව ඔහු ඒකාබද්ධ විපක්ෂ කණ්ඩායම පාර්ලිමේන්තුවේ විපක්ෂය නියෝජනය කරන කණ්ඩායමක් වශයෙන් පිළිගැනීම බව විපක්ෂ නායකවරයාට සමීප ආරංචිමාර්ග පවසයි.

එම ආරංචිමාර්ග වැඩිදුරටත් පවසන්නේ චමල් රාජපක්ෂ පත් කිරීමට පෙර මහින්ද රාජපක්ෂ සමඟ ඒ පිළිබඳව සාකච්ඡුා කිරීමටද විපක්ෂ නායකවරයා කටයුතු කළ බවයි. ඒකාබද්ධ විපක්ෂ කණ්ඩායමේ සිටින මන්ත‍්‍රීවරුන් 70ට ව්‍යවස්ථාදායක සභාවේ නියෝජනයක් නොලැබුණහොත් එය එම කණ්ඩායමට අසාධාණයක් වනු ඇතැයි සලකා බලමින් එම තීන්දුව ගෙන ඇත.

ආණ්ඩුක‍්‍රම ව්‍යවස්ථා සභාවට නිල බලයෙන් විපක්ෂ නායකවරයා ලෙස තමා පත්වෙන නිසා ප‍්‍රධාන විපක්ෂය වන දෙමළ ජාතික සන්ධානයෙන් තවත් නියෝජිතයෙකු අවශ්‍ය නොවන බවත්, පාර්ලිමේන්තුවේ සිටින වැදගත්ම කණ්ඩායමක් වන ඒකාබද්ධ විපක්ෂයෙන්ද නියෝජිතයෙකු සිටීම වැදගත් වන බවත් තම තීරණය ගැන සමීපතමයන් සමඟ අදහස් දක්වමින් ආර්. සම්බන්ධන් මහතා කියා ඇත.

ආණ්ඩුක‍්‍රම ව්‍යවස්ථා සභාවේ ජනාධිපතිවරයාගේ නියෝජිතයා ලෙස අමාත්‍ය මහින්ද සමරසිංහද, අග‍්‍රාමාත්‍යවරයාගේ නියෝජිතයා ලෙස අමාත්‍ය තලතා අතුකෝරාළද, පත්කර ඇත. අගමැතිවරයා හා විපක්ෂනායකවරයා විසින් අනුමැතිය ලබාදෙන සිවිල් නියෝජිතයන් ලෙස ආචාර්ය ජයන්ත ධනපාල, නීතිඥ ජාවිඞ් යුසුප් හා ආචාර්ය නාගනාදන් සෙල්වකුමාරන් පත්කර ඇත. පාර්ලිමේන්තුවේ සුළුතර පක්ෂවල නියෝජිතයා ලෙස ජනතා විමුක්ති පෙරමුණේ බිමල් රත්නායක මහතා පත්කර ඇත. ඊට අමතරව නිල වශයෙන් කථානායකවරයා, අගමැතිවරයා හා විපක්ෂ නායකවරයා ආණ්ඩුක‍්‍රම ව්‍යවස්ථා සභාව නියෝජනයවේ.

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි