No menu items!
26.2 C
Sri Lanka
28 March,2024

ශ්‍රීලනිපයට ප්‍රචාරය නැතිනම් විනය පියවර

Must read

ඉදිරි මැතිවරණ ප්‍රචාරක කටයුතුවලදී ශ්‍රීලනිපයේ අපේක්ෂකයන්ට සහයෝගය නොදී, සන්ධානගත වෙනත් පක්ෂවල පුද්ගලයන්ට සහාය ලබාදෙන පක්ෂයේ ක්‍රියාකාරීන්ට එරෙහිව විනය පියවර ගැනීමට කටයුතු කරන බව ශ්‍රීලනිප මහලේකම් දයාසිරි ජයසේකර පැවසීය.

හිටපු මන්ත්‍රී මහින්ද සමරසිංහ පක්ෂයෙන් ඉවත් කිරීමට හේතු වුයේ ශ්‍රීලනිපය කළුතර දිස්ත්‍රික්කයෙන් වෙනම ලැයිස්තුවක් තිබියදීත්, ඔහු ශ්‍රී ලංකා පොදුජන පෙරමුණේ අපේක්ෂක ලැයිස්තුවේ සාමාජිකයෙකු ලෙස කටයුතු කිරීම නිසා බවද දයාසිරි ජයසේකර මහතා පෙන්වාදුන්නේය. යම් ක්‍රියාකාරිකයෙකු මැතිවරණයට ඉදිරිපත් නොවුණත්, පක්ෂයේ මැතිවරණ ප්‍රචාරක කටයුතුවලට සහයෝගය දැක්විය යුතු බව ඔහු පෙන්වාදුන්නේය.

ශ්‍රීලනිපය දිස්ත්‍රික්ක හතරක හැර අනෙක්දිස්ත්‍රික්කවලට ශ්‍රී ලංකා පොදුජන පෙරමුණ යටතේ මැතිවරණයට ඉදිරිපත් වන අතර, දිස්ත්‍රික්ක හතරක තනිවම මැතිවරණයට ඉදිරිපත් වේ. වාර්තාවන ආකාරයට පොදුජන පෙරමුණ සමඟ සන්ධානගත වන දිස්ත්‍රික්කවල පවා ශ්‍රීලනිප අපේක්ෂකයෝ වෙනම ප්‍රචාරක කටයුතු කරමින් සිටිති.

යම් පුද්ගලයෙකු මැතිවරණයට ඉදිරිපත් නොවුණත්, ශ්‍රීලනිපයේ අපේක්ෂකයන් ජයග්‍රහණය කරවීම සඳහා ප්‍රචාරක කටයුතුවලට සහයෝගය ලබාදිය යුතු බව ඔහු කීය. එසේ නොවන පුද්ගලයන්ගෙන් පක්ෂයට ප්‍රයෝජනයක් නොමැති බවද ශ්‍රීලනිප මහලේකම්වරයා පෙන්වාදුන්නේය.

ශ්‍රීලනිපයේ නායකයන්ගෙන් ශ්‍රීලනිපයට සහයෝගය පළකරන බවත්, ඔවුන් ශ්‍රීලනිපයේ විනය නීතිවලට අනුකූලව කටයුතු කරන බවත් පක්ෂයේ මධ්‍යම කාරක සභාව ගනු ලබන තීන්දුවලට එකඟ වෙන බවත්, ශ්‍රීලනිපයේ විනය පරීක්ෂණවලට මුහුණදෙන බවත් සඳහන් කරමින් ලිපි ලබා දුන් බව ඔහු කීය. එසේ ලිපි ලබා ගැනීම වෙනත් පක්ෂයක් යටතේ මැතිවරණයකට ඉදිරිපත් වන දේශපාලන පක්ෂවලද සම්ප්‍රදායක් බව ඔහු කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි