No menu items!
22.3 C
Sri Lanka
29 March,2024

විමල් ප‍්‍රශ්න කළ යුතුය

Must read

ශ‍්‍රී ලංකා පොදුජන පෙරමුණේ අපේක්ෂක ගෝඨාභය රාජපක්ෂට එරෙහි මාධ්‍ය ආයතනයකට ප‍්‍රහාරයක් එල්ල කර එහි වගකීම තම පිල වෙත පැටවීමේ විරුද්ධ පාක්ෂික උත්සාහයක් පවතින බව විමල් වීරවංශ මන්ත‍්‍රීවරයා පවසා ඇත.


ඔහු මේ බව පවසා ඇත්තේ ශ‍්‍රී ලංකා පොදුජන පෙරමුණේ ප‍්‍රවෘත්ති සාකච්ඡුාවක් අමතමින්ය.


ශ‍්‍රී ලංකා පොදුජන පෙරමුණ මේ දිනවල සමහරවිට දිනකට කිහිප වතාවක් පවා ප‍්‍රවෘත්ති සාකච්ඡුා පවත්වමින් රටට කියන්නේ එම පෙරමුණේ ජනාධිපති අපේක්ෂක ගෝඨාභය රාජපක්ෂට එරෙහි විවිධ ප‍්‍රචාරක හා අනෙකුත් කුමන්ත‍්‍රණ විරුද්ධවාදීන් ක‍්‍රියාත්මක කිරීමට නියමිත බවයි.


පාස්කු ඉරිදා ප‍්‍රහාරයට ගෝඨාභය රාජපක්ෂ වගකිවයුතු බවට මඩ වීඩියෝවක් නිර්මාණය කරන බව හා එය නිකුත් කිරීමට නියමිත බව පොදුජන පෙරමුණේ නියෝජිතයන් මීට පෙර කීවේ විරුද්ධවාදීන්ගේ අනාගත ක‍්‍රියාකාරකම් පිළිබඳ අනාවැකි පළකරමින්ය.


මේ අනාවැකි පිළිබඳ නිවැරදි හා නිශ්චිත තොරතුරු ඇත්නම් ප‍්‍රවෘත්ති සාකච්ඡුා තියනවාට අමතරව පොදුජන පෙරමුණේ නියෝජිතයන් පොලීසියට මැතිවරණ කොමිෂන් සභාවට හෝ නිරීක්ෂණ සංවිධානවලට පැමිණිලි කළ යුතුය. එසේත් නැත්නම් පොදු මහජනතාවට දැන ගැනීම සඳහා එම තොරතුරු ප‍්‍රසිද්ධියට පත්කළ යුතුය.


විමල් වීරවංශගේ මේ චෝදනාව නම් මඩ වීඩියෝවට වඩා බරපතල චෝදනාවකි. ප‍්‍රහාරයක් එල්ල කරනවායැයි කියන්නේ මාධ්‍ය ආයතනයකටය. මාධ්‍ය ආයතනයකට හෝ වෙන කිසිම තැනකට ප‍්‍රහාරයක් එල්ලකිරීම වූ කලී අපරාධයකි.


මේ අපරාධය ගැන විමල් වීරංවශ මන්ත‍්‍රීවරයාා දන්නා තොරතුරු වහාම පොලීසියට ඉදිරිපත් කළ යුතුය. පොලීසියද වහාම ඒ ගැන ඔහුගෙන් ප‍්‍රශ්න කළ යුතුය. එවැනි අපරාධයක් සිදුවීමට නියමිත නම් එය වළක්වාගත යුතුය.


විමල් වීරවංශ මන්ත‍්‍රීවරයා කළේ ප‍්‍රහාරයක් ගැන කියා රට ගිනිතැබීම නම් ඒ ගැනද ඔහුට එරෙහිව පොලීසිය පියවරක් ගත යුතුය.
මෙහිදී ලියුම්කරුට මතක් වන්නේ විමල් වීරවංශ මන්ත‍්‍රීවරයාගේ ජනාධිපති අපේක්ෂක, ගෝඨාභය රාජපක්ෂ සිරස මාධ්‍ය ආයතනයේ දෙපානම මැදිරි සංකීර්ණයට ආයුධ සන්නද්ධ කණ්ඩායමක් ප‍්‍රහාරයක් එල්ලකළ අවස්ථාවේ කී දෙයකි. ගෝඨාභය රාජපක්ෂ එවක ආරක්ෂක අමාත්‍යාංශයේ ලේකම්වරයා වශයෙන් කටයුතු කරමින් කීවේ එම ප‍්‍රහාරය සිරස විසින් සිරසට එල්ලකරගත් ප‍්‍රහාරයක් බවය.


සිරස මාධ්‍ය ආයතනයට ප‍්‍රහාර එල්ලකිරීම සම්බන්ධයෙන් රාජපක්ෂ ආණ්ඩුවට චෝදනා එල්ලවෙද්දීත් එයින් බේරීම සඳහා ගෝඨාභය රාජපක්ෂ එම දන්නා දේ ගැන පරීක්ෂණයක් සිදුකළේ නම් නැත. ඒ ඇයි? කරුණු තේරුම්ගත හැකි අයට එය අමුතුවෙන් කිව යුතු නැත.
විමල් වීරවංශ මන්ත‍්‍රීවරයාගේ වත්මන් පිටපත ගෝඨාභය රාජපක්ෂගේ එදා පිටපතේම දිගුවක්ද?

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි