No menu items!
22.3 C
Sri Lanka
29 March,2024

වත ඊයම් කළ මහරැජිණ

Must read

පළවැනි එළිසබෙත් රැුජිණ (1558-1603* ලෝක ඉතිහාසයේ ප‍්‍රසිද්ධම රැුජිණක්. කන්‍යා රැුජිණ, ග්ලෝරියානා වැනි නම් ගණනාවකින් ඇයව හැඳින්වුණා. ඇය රූපවාහිනී හා සිනමා තිරවල ප‍්‍රතිනිර්මාණය වූ අවස්ථාත්, ඉතිහාසයේ ඇයට හිමි තැනත් ඇය ගැන ඇති කතාන්දරත් සැලකූ කල ඇය දෙවැනි වනු ඇත්තේ ක්ලියෝපැට්රා රැුජිණට පමණයි. ඒ තරම් ඇය ඓතිහාසිකයි. කොටින්ම කීවොත් ඇය නොසිටියානම් ලංකාවේ ඉතිහාසයත් මීට වඩා වෙනස් වෙන්නට ඉඩ තිබුණා. බි‍්‍රතාන්‍යයන් ලංකාවට එන්නට පදනම වූ බි‍්‍රතාන්‍ය දේශ ගවේෂණයේ වැදගත්ම අවස්ථා රැුසක් උදාවුණේ එළිසබෙත් රැුජිණගේ කාලයේදීයි.


ඇය ඓතිහාසිකව සුවිශේෂී රැුජිණක් වන්නේ ඇය ලැබූ ජයග‍්‍රහණ නිසායි. 1588 දී එවකට යුරෝපයේ ශක්තිමත්ම නාවික බලය හෙබවූ ස්පාඤ්ඤයේ නාවික හමුදාව හෙවත් ආමාඩාව එංගලන්තය ආක‍්‍රමණය කරන්නට එද්දී ස්පාඤ්ඤ ආමාඩාව මුහුදේදී පරාජය කරන්නට බි‍්‍රතාන්‍ය නාවික හමුදාව සමත්වුණා. 17 වැනි සියවස වෙද්දී ස්පාඤ්ඤය පරාජය කරමින් නාවික හමුදාවේ මෙන්ම දේශ ගවේෂණයේ බලවත්ම යුරෝපීය රාජ්‍යය බවට පත්වෙන්නට සංකේතාත්මකව පදනම වැටුණේ ඒ යුද ජයග‍්‍රහණය නිසායි.
ඇගේ පාලන සමයේදී බි‍්‍රතාන්‍යය ලද ජයග‍්‍රහණ එතැනින් සීමා වන්නේ නැහැ. දේශ ගවේෂණය පැත්තෙන්, සාහිත්‍යය පැත්තෙන් මෙන්ම ආර්ථික අතින්ද බි‍්‍රතාන්‍යයට ජයග‍්‍රහණ රැුසක් ලබාදෙන්නට පළමු එළිසබෙත් රැුජිණ සමත්වුණා.


එහෙත් මේ සටහනේදි එළිසබෙත් රැුජිණ ගැන කතාකරන්නට හේතුව වුණේ ඇය රාජ්‍ය පාලිකාවක වශයෙන් ලද ජයග‍්‍රහණ ගැන කතාකරන්නට නොවෙයි. ඇගේ ඒ රාජ්‍ය පාලනය සඳහා ඇගේ කැරිස්මාව, ඇගේ පෙනුම හා ඇගේ ඇඳුම් පැළඳුම් ඉවහල් වුණා. ලොව ඕනෑම තැනක රාජාණ්ඩු පාලනයක් තියෙනවා නම් රජුගේ හෝ රැුජිණගේ පෙනුම රාජ්‍ය පාලනයට වැදගත්. රාජ්‍ය පාලනය පැත්තකින් තබමු. ඕනෑම ඒකාධිපති පාලකයෙක් වුව තමන්ගේ පෙනුම හා තමන්ගේ ප‍්‍රතිරූපය ගැන දැඩිව කල්පනා කරනවා. ඒකාධිපති පාලනය පැත්තකින් තබමින් ප‍්‍රජාතන්ත‍්‍රවාදී පාලනයක් ගැන කල්පනා කළත් රාජ්‍ය නායකයෙකුගේ පෙනුම, ඇඳුම් පැළඳුම් හා ඔහු සාමාන්‍ය ජනතාව ඉදිරියේ ගොඩනඟාගන්නා ප‍්‍රතිරූපය ඒ පාලකයාගේ සාර්ථක අසාර්ථකභාවය කියාපානවා. අපේ රටේ සිටින රනිල් වික‍්‍රමසිංහ වැනි පාලකයෙක් පුරවැසියන්ගේ ජනප‍්‍රියත්වය පැත්තෙන් අසාර්ථක වන්නටත්, මහින්ද රාජපක්ෂ වැනි පාලකයෙකු සාපේක්ෂව සාර්ථක වන්නටත් අන්න ඒ ප‍්‍රතිරූපය පිළිබඳ කාරණය බලපානවා. එළිසබෙත් රැුජිණ මුළු ලෝක ඉතිහාසයේ ශ්‍රේෂ්ඨතම රැුජිණක් වෙන්නට ඇය පාලක පැලැන්තිය හා මහජනයා ඉදිරියේ මැවූ ප‍්‍රතිරූපය හේතුවුණා.


එහෙත් තම ප‍්‍රතිරූපය වෙනුවෙන් ඇය කළ කැපකිරීම් බොහොමයි. ඇය දිනකට පැය දෙකතුනක් ඇඳුම් ඇඳීමට වැය කළාලූ. ඇගේ අවසාන කාලය වනවිට ඇගේ මුහුණේ ආලේපනය කළ ආලේපන නිසා මස් දියවී ගොස් තිබුණාලූ. ඇගේ කොණ්ඩය සම්පූර්ණයෙන් නැතිව ගොස් තට්ටයක් පමණක් ඉතිරි වුණාලූ. එහෙත් අවසානයේදී ඒ කැපකිරීම් මත ඇයට සුවිශේෂ පෙනුමක් උරුම වී තිබුණා. අප මෙවර කතාකරන්නේ ඇගේ සුවිශේෂ පෙනුම හා ඒ වෙනුවෙන් ඇය කළ කැපකිරීම් ගැනයි.

අවිවාහක රැුජිණ


එළිසබෙත් රැුජිණ තමන්ගේ මුළු ජීවිත කාලයම ගතකළේ අවිවාහකවයි. තමන්ට විවාහවීම සඳහා සිදුකළ ආරාධනා රැුසක් ඇය ප‍්‍රතික්ෂේප කළ බව කියනවා. ඒ විවාහ යෝජනා එද්දී, තමන් රට සමඟ විවාහ වී සිටින බව ඇය ප‍්‍රකාශ කළාලූ. තමන්ගේ විවාහ ජීවිතයකට වැයවෙන කාලය හා වෙහෙස සම්පූර්ණයෙන්ම රාජ්‍යය වෙනුවෙන් කැපකරන බව ඇය කීවාලූ. ඒ නිසා ඇය රාජ්‍යයෙහි මනාලිය වුණා. කන්‍යා රැුජිණ වුණා. ඉතා තරුණ වියේදී රාජ්‍යත්වය උරුම කරගත් ඇයට සිය සුන්දර පෙනුම මනාව සිය යටත්වැසියන් ඉදිරියේ පෙන්වන්නට අවශ්‍ය වී තිබුණා. ඒ අනුව ඇය තමන්ගේ ඓතිහාසික පෙනුම සකසාගත්තා.


විලාසිතා ඉතිහාසය ගැන විශේෂඥවරියක් වන ඇම්බර් බුචාර්ට් හා රූපලාවණ්‍ය ශිල්පිනියක් වන රෙබෙකා බටර්වර්ත් යන දෙදෙනා මෑතකදී එළිසබෙත් රැුජිණගේ ඓතිහාසික පෙනුම විවරණයට ලක්කළා.


පළවැනි එළිසබෙත් රැුජිණගේ ඓතිහාසික පෙනුමට ප‍්‍රධාන කොටස් තුනක් තියෙන බව රෙබෙකා බටර්වර්ත් කියනවා. පළවැනිම ලක්ෂණය ඇගේ මුහුණේ තිබුණු අසාමාන්‍ය තනි සුදු පැහැය. මේ සුදුපැහැය සාමාන්‍ය සුදුපැහැයෙන් එහා ගොස් සුදුහුණුවලට ආසන්න සුදු පැහැයක් වූ බව කියනවා. දෙවැන්න රෝස පැහැ කම්මුල්. අනෙක් අතර සුන්දර ලේ රතු පැහැ සිහින් ඉරකින් වර්ණවත් වුණ දෙතොල්.


පළවැනි එළිසබෙත් රැුජිණ සිහින් ලෙස දෙතොල් පාට කරන්නට කැමැත්තක් දැක්වුවා. සිහින් ලෙස දෙතොල් පාට කරද්දී දෙනෙත් විශාලව පෙනීම එයට හේතුව වූ බව බටර්වර්ත් කියනවා. ඒ අනුව ඇගේ දෙනෙත්වලට වැඩි බලයක් ලැබෙනවා.


ඇගේ රතුපැහැ කොණ්ඩයත් ඇගේ ඓතිහාසික පෙනුමට වැදගත්කමක් එකතුකළා. ඒ කොණ්ඩය මැද්දෙන් මුතුපොටක් තිබුණා. කොණ්ඩයේ තැනින් තැන මුතු අමුණා තිබුණා. ඒ මුතුවලින් ඇගේ කන්‍යාභාවය සංකේතවත් කළ බව කියනවා. උඩු අතට රතුපැහැ කොණ්ඩය හැඩගන්වා තිබුණා. ඇගේ ජීවිතයේ අවසාන කාලයේදී කොණ්ඩය නොතිබුණු නිසා ඇය රතුපැහැ බොරු කොණ්ඩයක් පැළැන්දා.


ඇගේ ඇසිපිය රූපලාවණ්‍යමය වෙනසකට ලක් කර තිබුණේ නැහැ. එහෙත් ඇසිපියන් උඩු අතට හැරී තිබුණේ ඇගේ බලය පෙන්වන්නට මෙන්. ඒ දෙනෙත් ඇය බොහෝවිට ඇගේ දැඩි බලය පෙන්වන්නට පාවිච්චි කරන්න ඇති. තරුණ කාලය ඉක්මවද්දී එළිසබෙත් රැුජිණ බොහෝවිට මුව විවර නොකර සිටින්නට උත්සාහ කළ බව කියනවා.


මේ පෙනුමට අමතරව මාල ආදියත්, ඇඳුම් පැළඳුම් ආදියත් ඇයටම සුවිශේෂ වුණා. එකල එංගලන්ත සමාජයෙහි ඇඳුම් යනු යම් පුද්ගලයෙකුගේ තත්වය පෙන්වන සංකේතයක්. පිරිමි හා ගැහැනු යන දෙපාර්ශ්වයටම එය පොදු වුණා. ඒ අනුව එළිසබෙත් රැුජිණ සිය රාජකීයත්වය පෙන්වන්නට ඒ ඇඳුම් උපරිමයෙන්ම පාවිච්චි කළා. ඇයට පැය දෙකකට වඩා ඇඳුම් අඳින්නට ගතවෙන්නට ඇත්තේ ඒ රාජකීයත්වය ඉස්මතු කරන්නටම විය යුතුයි.
ඇය තමන්ගේ රාජකීයත්වය පෙන්වන්නට තමන්ගේ ඇඳුම්වල විශේෂත්වය විතරක්ම පාවිච්චි කළේ නැහැ. එතැනිනුත් එහා ගොස් ඇය ඉහළම දේශපාලන පැළැන්තියේ කාන්තාවන් අඳින පළඳින ආකාරයටත් බලපෑම් කළ බව ඇතැම් ඉතිහාසඥයන් කියනවා. ඒ අනුව ඇගේ සුන්දරත්වය හා විශේෂත්වය ඉස්මතු කරන්නට අනෙක් කාන්තාවන්ට දීප්තියෙන් අඩු ඇඳුම් අඳින්නයැයි ඇය බලපෑම් කළාලූ.


මේ සියල්ල සමඟ පළවැනි එළිසබෙත් රැුජිණට දැවැන්ත ආකර්ෂණයක් හා අවධානයක් දිනාගත හැකි තරම් විශේෂ පෙනුමක් තිබුණාලූ. දේශපාලනයේදී මේ පෙනුම ඉතාම වැදගත්. ඒ නිසාම කැමරා නොතිබුණු ඒ යුගයේ ඇයව නිරූපණය කරන්නට ඇගේ චිත‍්‍ර අඳින අය ඇගේ සුවිශේෂී පෙනුම ඉස්මතු කරන්නට උත්සාහ කළා.


ඇගේ ශරීරය, ඇගේ ගමන බිමන හා ඇගේ ඇඳුම් පැළඳුම්වලින් පවා ඇගේ පාලන බලය හා ශක්තිය නිරූපණය වෙන බව ඇය හොඳින්ම දැන සිටියා. සිරුරෙහි පෙනුම හා දීප්තිය දුර්වල වෙන තරමට පාලන බලය ගිලිහෙන බවත් ඇයට වැටහුණා. ඒ නිසා දීප්තිමත් පෙනුමක් රඳවාගන්නට උපරිමයෙන්ම උත්සාහ කළා. මේ උත්සාහය ඇගේ ජීවිතයට නොසිතූ ලෙස බලපෑවා.

මැකෙන රූසිරිය


ඇය වයස අවුරුදු විසිගණන්වලදී රාජ්‍යත්වයට පත්වූ කාන්තාවක්. ඒ කාලයේදීම ඇයට රෝගයක් වැළඳීම නිසා ඇගේ මුහුණෙහි වළවල් ඇතිවී තිබුණා. ඇයට ඒ වළවල් වසා ගැනීමේ දැඩි වුවමනාවක් තිබුණු නිසා ඇගේ මුහුණෙහි නිතරම ගනකම් මේකප් තට්ටුවක් තැවරුවා. ඒ මේකප් තට්ටුව විෂ සහිත මූලද්‍රව්‍ය ගණනාවකින් සමන්විත වුණා. අද අප ඒ මූලද්‍රව්‍ය විෂ සහිත බව දැන සිටියත් එදා ඒවා විෂ සහිත බවට දැනුමක් තිබුණේ නැහැ.


ඇගේ මුහුණ වර්ණ ගන්වන්නට පාවිච්චි කළ සුදුපැහැ ආලේපනය වන්නේ සෙරූස් නම් ආලේපනයයි. එය එකල බොහෝ ධනවත් කාන්තාවන් අතර ප‍්‍රසිද්ධව තිබුණා. ඒ ආලේපනයෙහි සුදුපැහැ ඊයම් හා විනාකිරි අඩංගු වී තිබුණා. එය පැහැදිළිවම විෂ සහිතයි. මේ ලෙඞ්වලට මුහුණේ දහදිය එකතුවී එකිනෙක ප‍්‍රතික‍්‍රියා කොට මුහුණේ මස් දිය කර දමනවා. කල් යද්දී මුහුණේ වළවල් හා තුවාල තව තවත් වැඩිවෙද්දී ඒවා වසා දමන්නට තව තවත් ආලේපන තවරන්නට සිදුවී තිබුණා. අවසාන කාලයේදී ඇය අඟලක පමණ ඊයම් මේකප් තට්ටුවක් තවරාගෙන සිටි බව ඇතැම් ඉතිහාසඥයන් කියනවා. එය පෝසිලේන් තට්ටුවක් මුහුණ මත තබාගෙන සිටීමක් බඳුයි.


මුහුණේ බැරලෝහ ආලේප කිරීම ඊයම්වලට සීමා වුණේ නැහැ. ඇගේ දෙතොල්වල ආලේපනය කළේ රසදිය මිශ‍්‍ර කළ රතුපැහැ ආලේපනයක්. ඒ ආලේපනයද මුහුණේ ප‍්‍රතික‍්‍රියා කර තිබුණා. ඒ නිසාම ඇගේ සිරුරට බරපතළ හානි සිදුවෙන්නට ඇති.


ඊයම්, රසදිය ආදි බැරලෝහවල බලපෑම පුද්ගලයන්ගේ මතකය අහිමි කරන්නට හේතුවන බවත් හිසකේ ඉවත් කරන්නට හේතුවුණ බවත් විද්‍යාත්මකව පිළිගැනෙනවා. මතකය අහිමිවීම මොනතරම් ඇයට බලපාන්නට ඇතිදැයි සිතාගත නොහැකියි. එහෙත් අවසාන කාලය වෙද්දී ඇගේ හිසකේ සම්පූර්ණයෙන්ම පාහේ ගිලිහී ගොස් තට්ටය ඉතිරිවූ බව කියනවා.


ඇගේ මුහුණට ඇගේ ආලේපන පුරුදු බලපාද්දී ඇගේ දත්වලට බලපෑවේ ඇගේ නරක ආහාර පුරුද්දක්. ඇත්තෙන්ම එකල සමාජයේ පැණි රස රසකැවිලි ආහාරයට ගැනීම ඉහළ පැළැන්තියේ පුද්ගලයන්ට පමණක් සීමා වූ මිල අධික ආහාර පුරුද්දක් වුණා. ඉතින් ඇය රැුජිණක් ලෙස ඉතා අධික ලෙස පැණි රස ආහාරයට ගත් බවත්, ඒ නිසාම ඇගේ දත් කළුපැහැ ගැන්වී තිබුණු බවත් කියනවා. ඒ නිසාම ඇය සිනහවෙද්දීත් දත් නිරාවරණය නොකර දෙතොල්වලින් සිනහවුණා.

ණන්වලදී රාජ්‍යත්වයට පත්වූ කාන්තාවක්. ඒ කාලයේදීම ඇයට රෝගයක් වැළඳීම නිසා ඇගේ මුහුණෙහි වළවල් ඇතිවී තිබුණා. ඇයට ඒ වළවල් වසා ගැනීමේ දැඩි වුවමනාවක් තිබුණු නිසා ඇගේ මුහුණෙහි නිතරම ගනකම් මේකප් තට්ටුවක් තැවරුවා. ඒ මේකප් තට්ටුව විෂ සහිත මූලද්‍රව්‍ය ගණනාවකින් සමන්විත වුණා. අද අප ඒ මූලද්‍රව්‍ය විෂ සහිත බව දැන සිටියත් එදා ඒවා විෂ සහිත බවට දැනුමක් තිබුණේ නැහැ.


ඇගේ මුහුණ වර්ණ ගන්වන්නට පාවිච්චි කළ සුදුපැහැ ආලේපනය වන්නේ සෙරූස් නම් ආලේපනයයි. එය එකල බොහෝ ධනවත් කාන්තාවන් අතර ප‍්‍රසිද්ධව තිබුණා. ඒ ආලේපනයෙහි සුදුපැහැ ඊයම් හා විනාකිරි අඩංගු වී තිබුණා. එය පැහැදිළිවම විෂ සහිතයි. මේ ලෙඞ්වලට මුහුණේ දහදිය එකතුවී එකිනෙක ප‍්‍රතික‍්‍රියා කොට මුහුණේ මස් දිය කර දමනවා. කල් යද්දී මුහුණේ වළවල් හා තුවාල තව තවත් වැඩිවෙද්දී ඒවා වසා දමන්නට තව තවත් ආලේපන තවරන්නට සිදුවී තිබුණා. අවසාන කාලයේදී ඇය අඟලක පමණ ඊයම් මේකප් තට්ටුවක් තවරාගෙන සිටි බව ඇතැම් ඉතිහාසඥයන් කියනවා. එය පෝසිලේන් තට්ටුවක් මුහුණ මත තබාගෙන සිටීමක් බඳුයි.


මුහුණේ බැරලෝහ ආලේප කිරීම ඊයම්වලට සීමා වුණේ නැහැ. ඇගේ දෙතොල්වල ආලේපනය කළේ රසදිය මිශ‍්‍ර කළ රතුපැහැ ආලේපනයක්. ඒ ආලේපනයද මුහුණේ ප‍්‍රතික‍්‍රියා කර තිබුණා. ඒ නිසාම ඇගේ සිරුරට බරපතළ හානි සිදුවෙන්නට ඇති.


ඊයම්, රසදිය ආදි බැරලෝහවල බලපෑම පුද්ගලයන්ගේ මතකය අහිමි කරන්නට හේතුවන බවත් හිසකේ ඉවත් කරන්නට හේතුවුණ බවත් විද්‍යාත්මකව පිළිගැනෙනවා. මතකය අහිමිවීම මොනතරම් ඇයට බලපාන්නට ඇතිදැයි සිතාගත නොහැකියි. එහෙත් අවසාන කාලය වෙද්දී ඇගේ හිසකේ සම්පූර්ණයෙන්ම පාහේ ගිලිහී ගොස් තට්ටය ඉතිරිවූ බව කියනවා.


ඇගේ මුහුණට ඇගේ ආලේපන පුරුදු බලපාද්දී ඇගේ දත්වලට බලපෑවේ ඇගේ නරක ආහාර පුරුද්දක්. ඇත්තෙන්ම එකල සමාජයේ පැණි රස රසකැවිලි ආහාරයට ගැනීම ඉහළ පැළැන්තියේ පුද්ගලයන්ට පමණක් සීමා වූ මිල අධික ආහාර පුරුද්දක් වුණා. ඉතින් ඇය රැුජිණක් ලෙස ඉතා අධික ලෙස පැණි රස ආහාරයට ගත් බවත්, ඒ නිසාම ඇගේ දත් කළුපැහැ ගැන්වී තිබුණු බවත් කියනවා. ඒ නිසාම ඇය සිනහවෙද්දීත් දත් නිරාවරණය නොකර දෙතොල්වලින් සිනහවුණා.

අතිශයෝක්තිය


මේ සියලූ හේතු නිසා අවසාන කාලය වෙද්දී එළිසබෙත් රැුජිණගේ පෙනුම මෙන්ම සෞඛ්‍ය තත්වයද එතරම් යහපත් වුණේ නැහැ. ඇය මරණයට පත්වුණේ වයස අවුරුදු 69දීයි. ඒ වෙද්දී ඇගේ පෙනුමේ විශාල වෙනස්කම් සිදුව තිබෙන්නට ඇති.


එහෙත් රාජ්‍ය නායිකාවක් ලෙස ඇගේ ජයග‍්‍රහණ රැුසක් ඒ වෙද්දීත් ලැබී තිබුණා. බි‍්‍රතාන්‍යය 17 වැනි සියවසට හෙවත් එක්දහස් හයසියගණන්වලට රැුගෙන ගියේ ඇය. 17 වැනි සියවසේදී හා ඉන්පසුව බි‍්‍රතාන්‍යය ලද ජයග‍්‍රහණ ගැන අප සියල්ලෝම දන්නවා. අමුතුවෙන් විස්තර කරන්නට ඕනෑ නැහැ. ඒ ජයග‍්‍රහණ සියල්ලට පාර කපන්නට ඇගේ දීප්තිමත් පාලන සමය හේතුවුණා. ඒ නිසා ඇය රූපයට පමණක් අවධානය යොමුකළ දුර්වල නායිකාවක් නොවෙයි. එමෙන්ම නිකන්ම මැකෙන රූසිරියට මුක්කු ගැසූ කාන්තාවක්ද නොවෙයි. ඇය තම පෙනුම ගැන හිතන්නට ප‍්‍රධානම හේතුව වන්නට ඇත්තේ අප ඉහතින්ද කී පරිදි, ඇගේ බලය පවත්වාගෙන යන්නට සිරුර බලපෑ නිසායි.


එහෙත් පසුකාලීනව පළවැනි එළිසබෙත් රැුජිණගේ අවසාන කාලයේ පෙනුම අතිශයෝක්තියට නඟමින්, ඇය විකෘති කාන්තාවක් ලෙස මවාපෙන්වන්නට ඇතැම් අය උත්සාහ කරනවා. පළවැනි එළිසබෙත් රැුජිණගේ චරිතය සිනමා තිරයට, රූපවාහිනී කතාමාලාවලට ගෙන ආ අවස්ථා විශාල ප‍්‍රමාණයක් අතර සැලකිය යුතු වාර ගණනකදී ඇයව දුටු විට බිය නැගෙන විකෘති කාන්තාවක් ලෙස ප‍්‍රතිනිර්මාණය කර තිබුණා. ඇය පාවිච්චි කළ රූපලාවණ්‍ය තාක්ෂණය නිසා ඇගේ මුහුණට හානි වී තිබෙන්නට ඇති. ඒ කාරණය ඇත්තක්. එහෙත් ඇයව සීමාව ඉක්මවා විකෘති කිරීමට ඇය කාන්තාවක් වීම බලපෑ බව ඇතැම් ඉතිහාසඥයන් පෙන්වනවා.


මෑත කාලයේදීත් දේශපාලනයේ සිටින කාන්තාවන්ට අපහාස කිරීම සඳහා පාවිච්චි කරන බාල උපක‍්‍රම ගැන අප දන්නවා. එවැනි කාන්තාවකගේ ස්ත‍්‍රීත්වය හෑල්ලූවට ලක් කරන අන්දමේ කුමන හෝ තර්කයක් ගොඩනඟාගන්න පුලූවන්. එක්කෝ ඇය අඳින පළඳින විදිය. නැත්නම් ඇයට තිබුණායැයි කියන කුමන හෝ රහස් සම්බන්ධයක්. එසේත් නැතිනම් ඇය මත්පැන් පානය කරන බව. මෙවැනි කුමන හෝ කටයුත්තකින් ඇගේ ‘ස්ත‍්‍රීත්වය‘ ප‍්‍රශ්න කරන්නට විචාරකයන් ආදි අය පෙළඹෙනවා. ඇතැම්විට එවැනි කතා සමාජගත වෙන්නේ ඇගේ දුර්වලතාවක් නිසාම නොවෙයි.
2016 ඇමෙරිකානු ජනාධිපතිවරණයේදී හිලරි ක්ලින්ටන්ට එරෙහිව ඩොනල්ඞ් ට‍්‍රම්ප් පාවිච්චි කළ පහත් උපක‍්‍රම ගැන අප දන්නවා. ලංකාවේ හිටපු ජනාධිපතිවරියක වන චන්ද්‍රිකා බණ්ඩාරනායකට පහරදීම සඳහාත් එවැනි උපක‍්‍රම පාවිච්චි වෙනවා. පිරිමින්ට එරෙහිව කිසිදා පාවිච්චි නොවෙන අපහාස උපක‍්‍රම කාන්තා පාලකයන්ට එරෙහිව පාවිච්චි වෙනවා.


පළවැනි එළිසබෙත් රැුජිණට අදාලවත් එවැනි කටකතා බොහොමයක් තිබුණා. ඇය කාන්තාවක ලෙස පෙනී සිටි පිරිමියෙකු බව කියන පිරිසකුත් හිටියා. ඒ සියල්ල අතරින් අදටත් ඇගේ ශ්‍රේෂ්ඨත්වයට පරහක් ලෙස ඉදිරියට දමන්නේ ඇගේ වියපත් පෙනුමයි.


එහෙත් සැබෑ කාරණය වන්නේ ඇගේ පෙනුම ඇගේ ශ්‍රේෂ්ඨත්වය තවත් නංවන්නට මිසක, ඇගේ ශ්‍රේෂ්ඨත්වය නැති කරන්නට හේතු නොවූ බවයි. x

x අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි