No menu items!
20.9 C
Sri Lanka
29 March,2024

රාජපක්‍ෂලාට එරෙහිව රනිල්ද? සජිත්ද? කරුද ?

Must read

එක්සත් ජාතික පක්‍ෂයට හිතැති භික්‍ෂුන් වහන්සේලා සමග සජිත් පේ‍්‍රමදාස කළ ප‍්‍රකාශයත් පක්‍ෂයේ ආරවුලට මැදිහත් වෙන්නැයි හිතවතුුන් කළ ඉල්ලීමට කරු ජයසූරිය දුන් පිළිතුරත් එජාප ආරවුල සම්බන්ධව නව ප‍්‍රවනතාවකි.


තිනියාවල පාලිත හාමුදුරුන්ට අනුව, සජිත් මන්ත‍්‍රීකමවත් නොඉල්වන තරම් අපේක්‍ෂා භංගත්වයෙන් පෙළෙන්නෙකි. 1956දී 1970දී සිදුවූ පසුබෑම් හමුවේ ඩඞ්ලි, ජේ.ආර්.ලාට සාපේක්‍ෂව සජිත් යනු එජාප සාමාජිකත්වයටවත් තරම් නොවේ. 1988දී ජනාධිපතිවරණයේදී වෙඩි කාගෙන ඡුන්දපොළට ගිය ගමේ මිනිසුන් සජිත් පේ‍්‍රමදාසට සාප කරනවා සිකුරුය. ඔහු ¥රකථන විසංධිකර ඇත්තේ ණයකාරයන්ගෙන් බේරීමට විය හැකිය. රටේ පවත්නා මර්දනයට එරෙහිව සැගවී සිටින්නේ රාජපක්‍ෂලාට බය නිසාද? ඔක්තෝබර් කුමන්ත‍්‍රණය කරු ජයසූරිය ව්‍යර්ථ නොකරන්නට හංසයා මෙවර පනස් පන්ලක්‍ෂයක් ගන්නවා බොරුය. පක්‍ෂය සමගි කරවන ලෙස ඉල්ලා සිටි හිතවතුන්ට කරු ජයසූරිය ඉදිරිපත් කළ කොන්දේසි ස්ථාවරය නිරවුල්ය. නිවැරදිය. එය බලකිරීමක් හෝ තර්ජනයක් නොවේ. විවෘත අභියෝගයකි. රනිල් සජිත් පාර්ශ්වයන් දෙකම වහා ඊට ප‍්‍රතිකි‍්‍රයා දැක්විය යුතු වේ. සජිත්ගේ ඉහත කී ප‍්‍රකාශය හරහා ගොඩනැගෙන අනුමාන දෙකකි.

(සජිත් අදටත් ඒ ප‍්‍රකාශය ප‍්‍රතික්‍ෂේප කර නැත.* පළමුවැන්න සජිත් හාමුදුරුවරුන්ට කීවේ බොරුවකි. දෙවැන්න සජිත්ට තම පිරිස පාලනය කර ගැනීමට කොන්දක් හයියක් නැත්තෙකි. පරාජය හමුවේ සජිත්ගේ හැසිරීම මොන තරම් දුර්වලද? ලජ්ජා සහගතද? නොවැම්බර් 14 වෙනිදා රාති‍්‍රයේ මරදානේ අවසන් ප‍්‍රචාරක රැුස්වීමේදී සජිත් පපුවට ගසාගෙන පලා නොයන එකම ශී‍්‍ර ලාංකිකයා තමා බව කීය. ඒ ප‍්‍රකාශය පැය 48ක් තුළ නිශේධ විය. නිල ප‍්‍රතිඵලයට පළමුව සජිත් ගැරඬි කුණක් මෙන් හැකිළී පොඩිවී ගුලිගැසිණ. දැන් සජිත් යනු අර තාත්තාගේ පුතාදැයි ඇසිය යුතුවේ. ඞී.එස්., ඩඞ්ලි, ජේ.ආර්., පේ‍්‍රමදාස, ඞී.බී.විජේතුංගලා ශක්කියක්වූ එජාපයට මේ බියගුල්ලා දෙන ආරක්‍ෂාව, නායකත්වය කුමක්ද? ජනාධිපති මැතිවරණයක් පරාද වී තනිවූ මිනිසෙකුට මෙසේ කීම සාධාරණ නැත.

එහෙත් සජිත් පේ‍්‍රමදාස අපේක්‍ෂකත්වය උදුරාගත් විලාසය මතක ඇති මිනිස්සු දෙකොනින් සිනාසෙති. නායකත්වයට බලයට කෑදර රනිල් කොන්දේසි ඉදිරිපත් කරමින් කල් මැරීය. ඒ අවස්ථාවේ සජිත් කාගෙවත් කොන්දේසිවලට යටත් වෙන්නේ නැත යැයි කීය. ඔහු රනිල් හෝ එජාපය සමග කිසිදු සම්මුතියකට නොයා, තනිව මැතිවරණය කරේ තියා ගත්තේ දිනුවේ මගේ හයියෙන් කියන්නටය. එය දුටු සමහරු සිතුවේ මෙන්න මිනිහා කියා ය. කිසිදු කොන්දේසියකට එග නැති මිනිහෙකු රටක් ඉල්ලීම මවිතයක් අරුමයක් නොව පිස්සුවකි. සජිත් ඒ රෝගයෙන් පෙළිණ. රටටම නිවාස ඇමති වී හම්බන්තොටට පමණක් රස්සා හයදහසක් බෙදා දුන් සජිත් ගැන ගමේ එජාපයට තිබුණේ සැකයකි. වෛරයකි. එකගතා කොන්දේසි කිසිවක් නැත. ඉල්ලූවේ බලය පමණකි.

සජිත්ට තිබුණේ ශී‍්‍ර මුඛයකි. තේජසකි. ආනුභාවයකි. ඔහු කතා කළේ හැසිරුණේ දෙවියන් ආවේස වූ කපුවෙකු වගේය. මේ නිසාම රන්ජිත් මද්දුම බණ්ඩාර, අජිත් පෙරේරා සමග සජිත් තනි විය. සුද්දන්ට උඩරට අත්පත් කර ගැනීමටත් ගිවිසුමකින් බැඳෙන්නට සිදුවිය. හේතුව යුද බලයෙන් උඩරට යටත් කළ නොහැකි වීමය. සජිත් පේ‍්‍රමදාස පටන් ගත්තේ මහා බි‍්‍රතාන්‍යටත් වඩා දැඩි විශ්වාසයකිනි. ඔහු කොන්දේසි නැත කියා තම නායකයා ප‍්‍රතික්‍ෂේප කළේය. උදව්කාරයන්ගේ උපදෙස් මග පෙන්වීම් අඩුපාඩු බාධා පසුබෑම් තඹේකට සැලකුවේ නැත. කොටින් කියයි නම් සජිත් පේ‍්‍රමදාස නාමයෝජනා දීමටත් පෙර සටන දිනා තිබිණ. බොහෝ දෙනා සජිත්ගේ තාත්තා, ගාමිණීලාට ලලිත්ලාට දුවන්න දුන් අතීතය සිහිපත් කර ගත්හ. ඔහුගේ මැතිවරණ සටන තුළ එජාපයක්, සේනානායක කෙනෙකු හිටියේම නැත.

තාත්තාත් තමාත් හැර වෙන කිසිවක් ඔහු දැක්කේ නැත. විරවංශ පුතාණෝ කියා ඔච්චම් කළේ ඒ නිසාය. ආර්. පේ‍්‍රමදාස ගැන දැන සිටි අය, සජිත් පේ‍්‍රමදාසට බිය වුණා මිස ආදරය කළේ නැත. කිසිවෙකු සමග එක්ව වැඩ කිරීමට කැමති නැති උද්ධච්ඡු මිනිසෙකු වේගයෙන් නිර්මාණය විය. සජිත්ට ණයට සල්ලි දුන්නේ ඔහු විශ්වාස කළ මිනිසුන්ය. මැතිවරණයේදී සජිත්ට වියදම් කළ කෙනෙකු හමුවී දැන් සජිත් පේ‍්‍රමදාස ගැන අහන්න. සජිත්ට තම ¥රකථනයත් විසංධි කර සිටින්නේ ඒවා අහන්න බැරි නිසාය.

මුදලට වඩා සජිත් විශ්වාස කළ මිනිසුන්ට පවා සජිත් පේ‍්‍රමදාස එපාවී හමාරය. මහාමාන්‍ය ඞී.එස්. සේනානායකගේ ඇවෑමෙන් ඩඞ්ලි අගමැති වීම දේශපාලන අවපාතයක් විය. එය දුටු ඩඞ්ලි වහා මහ මැතිවරණයකට යමින් තම ශක්තිිය උරගා බැලීය. ඒ මැතිවරණ ජයග‍්‍රහණය ගෙනාවේ ඒ පියාගේ පුතා යන වචන තුන සහිත පිය පුතුන් දැක්වෙන යෝධ පෝස්ටරයයි. ඩඞ්ලි, පියාට ලබාගත නොහැකි වූ ජනතා වරමක් ලැබීය. ඩඞ්ලි මියයන තෙක් තමා ඒ ඞී.එස්.ගේ පුතා බව තහවුරු කළේය. ඩඞ්ලි සත්‍යවාදි විය. අවංක විය. ජාතිමාමක විය. හොරකමට වංචාවට බිය විය. මෘදු සිත් ඇති යහපත් පාලකයෙක් විය. සිංහල විය. බෞද්ධ විය. (මේ එකම අනන්‍යතාවක් හෝ රනිල්ට සජිත්ට නැත*

ඩඞ්ලිට අවසන් කාලයේ වඩාත් හිසරදයක් වුණේ පක්‍ෂ නායකත්වය ඩැහැ ගැනීමට බලා සිටි ආර්. පේ‍්‍රමදාස ය. ඩඞ්ලිගේ මළගෙදරදී පේ‍්‍රමදාසට සෙරෙප්පු පූජාවක් ලැබුණේ ඒ නිසාය. ඩඞ්ලි මියගියේ අපි එකතු වෙන්න ඕනැ කියමිනි. ඩඞ්ලි අපේක්‍ෂා කළ, ජේ.ආර්. තහවුරු කළ එජාප එකමුතුව 16 වසරක් පැවතිණ. පේ‍්‍රමදාස නායකයා වී එක් වසරක් තුළ පක්‍ෂය භේද කළේය. ආර්. පේ‍්‍රමදාස 1991 දෙසැම්බර් 21 දින සාක් කලාපයේ නායකත්වයට පත් වූ මොහොත ජ්‍යෙෂ්ඨ මාධ්‍යවේදීන්ට හොඳින් මතක තිබිය යුතුය. ආර්. පේ‍්‍රමදාස තනතුරට පත් කිරීමේ නිවේදනය ප‍්‍රකාශ කිරීමට විනාඩි තුනකට පෙර අසුනෙන් නැගිට කෑදරකමෙන් නිවේදකයා දෙස බලා සිටියේය. ඒ වෙන කෙනෙකු නම් කරතියි වැනි බියකිනි. තනතුරක් අබියස පිස්සු වැටීම පේ‍්‍රමදාසලාගේ උපන් ගෙහි කරුමය විය හැකිය. සජිත් පැරදිණ. ගෝඨාභය ජය ගත්තේය. එජාපය තවමත් විඳවයි. නායකත්වය ලැබෙන්නක් මිස, උදුරා ගත නොහැකි ය. තාත්තා සහ පුතා දෙදෙනාම ජනාධිපති අපේක්‍ෂ්කත්වයත් උදුරාගත්හ. අවස්ථා දෙකෙහිදීම පක්‍ෂයේ කිසිවෙකු කර ඇරියේ නැත. තාත්තා ජනාධිපති වී තමන් දිනවූ සගයන් පළවා හැර අවුලක් හදාගත්තේය. පුතාණෝ පැරදිලාත් හැච්චන් බැච්චන් උසි ගන්වති. මෙය ජම්මය හෝ පුරුද්ද මිස දේශපාලනය නම් නොවේ. මෙයට සාපේක්‍ෂව කරු ජයසූරිය කීවේ කුමක්ද?

‘‘2013දී පක්‍ෂය බෙදී සිටි අවස්ථාවේ මහා සංඝරත්නය නම් කළ නායකත්ව මණ්ඩලයේ සභාපති වුණේ මම. අපි ඒ වෙලාවේ නායකත්ව මණ්ඩලය හැටියට ඌව පළාත් සභා ඡුන්ද සටන භාර ගත්තා. මැතිවරණයට පැය 72ක් තිබියදී නායකත්ව මණ්ඩලය විසුරුවා හැරියා. නායකත්ව මණ්ඩලය කළ කැප කිරීම්වලට ස්තුති කරන්නවත් කිසිවෙකුට අමතක වුණා. 2014 සෝභිත හාමුදුරුවන් එක්ක සිවිල් සමාජයට අපි නායකත්වය දුන්නා. ඒ අවස්ථාවේ කරු ජයසූරිය පොදු අපේක්‍ෂකයා විය යුතුය කියලා විශාල හඬක් නැගුවා. ඒ හඬ යටපත් කළේ එජාපය ය. මෛති‍්‍රපාල සිරිසේනට අවස්ථාව ලැබුණේ එහෙම. ඒ අවස්ථාවේ මම කිසිදු කුහකකමක් නැතිව පොදු අපේක්‍ෂකයා දිනවන්න කැප වී වැඩ කළා. පසුගිය ජනාධිපති මැතිවරණයට මගේ නම විවිධ අංශවලින් යෝජනා වුණා. නමුත් මම පැහැදිලිව කිව්වා

අපේක්‍ෂකකම අරන් පක්‍ෂය බෙදන්න මට ඕනැ නෑ කියලා. දැන් පක්‍ෂය ආයෙත් පැරදිලා. බෙදිලා. රටේ නීතිය ප‍්‍රජාතන්ත‍්‍රවාදය අනතුුරේ. ඔබතුමන්ලා මගෙන් ඉල්ලනවා පක්‍ෂය සමගි කරන්න මැදිහත් වෙන්න කියලා. එක්සත් ජාතික පෙරමුණේ සියලූ කණ්ඩායම් ඒකමතිකව කියනවා නම් මම සීමිත කාලයකට මැදිහත් වෙන්න සලකා බලන්නම්. හැබැයි කොන්දේසි ඇතිව. අවශ්‍ය ප‍්‍රතිසංස්කරණ කරන්න මට පූර්ණ බලය තියෙන්න ඕනෑ. ඒ සඳහා වර්තමාන නායකයා සහ නියෝජ්‍ය නායක දෙපලගේ කැමැත්ත, කෘත්‍යාධිකාරියේ අනුමැතිය සහ පාර්ලිමේන්තු කණ්ඩායමේ එකගත්වය අවශ්‍යයි. එසේම ප‍්‍රජාතන්ත‍්‍රවාද ලෙස පක්‍ෂ මහා සම්මේලනයේ අනුමැතියද මට උවමනාය. මේ කොන්දේසි තනතුරු ඉල්ලීමක් නොවෙයි. ලක්‍ෂ ගණනක් පාක්‍ෂිකයන් වෙනුවෙන් යම් යුතුකමක් ඉටු කිරීමට මම සූදානම්. මේ කොන්දේසිවලින් බැහැරව නම් මම කිසිදු මැදිහත්වීමකට සූදානම් නැහැ.’’


කරු ජයසූරිය මේ කියන්නේ අන්තර්කාලීන වැඩසටහනක් පිළිබඳවය. මේ ප‍්‍රකාශය නිසා එජාපයේ නායක නියෝජ්‍ය නායක සියලූ දෙනාම බිත්තියට හේත්තු වී හමාරය. නායකකම බදාගෙන ගෙන සිටින රනිල් වික‍්‍රමසිංහටත්, එය ඩැහැගන්න ද`ගලන සජිත් පේ‍්‍රමදාසටත් අවශ්‍ය නායකත්වය මිස එජාපය එකතු කිරීම නොවේ. මේ රනිල් සජිත් පරීක්‍ෂා කරන මොහොත වේ. 79 හැවිරිදි මේ පැසුණ මිනිසාට ඇති එකම චෝදනාව 17ක් සමග යාමය. එහෙත් ඔහු ආපසු පැමිණියේ එජාප නියෝජ්‍ය නායක තනතුරෙන් පුද ලබමිනි. සාමාන්‍ය එජාප අපේක්‍ෂකයෙකු ලෙස 1994දී මර්වින් සිල්වා දිනාගත් හම්බන්තොට දිනා ගැනීමට සජිත් පේ‍්‍රමදාස 19 වසරක් පුරා අසමත් විය. ආසන සංවිධායක වී එක් වසරක් තුළ තිළිණ බණ්ඩාර තෙන්නකෝන්, පාතදුම්බර දිනා ගැනීමට සමත් විය. මේ අජිත් පෙරේරාලා, රන්ජිත් මද්දුමබණ්ඩාරලා ඉල්ලන නායකයා ය.


කරු මෙන් කොන්දේසි ඉදිරිපත් කිරීමට සජිත්ට තබා රනිල්ටත්් පිට කොන්දක් නැත. රනිල් මේ යෝධ පක්‍ෂයට කළ අපරාධය සුළුපටු නොවේ. ඔහු 1994දී ආණ්ඩුව බාරදී ගියේ ප‍්‍රජාතන්ත‍්‍රවාදී නිසා නොවේ. ගාමිණි දිසානායක අගමැති වේය බියෙනි. 1994 ජනාධිපති මැතිවරණයේදී රනිල්ගේ හැසිරීම ගැන දන්නෝ දනිති. රනිල් නායකත්වය හැර යාමට සූදානම් වූ හැම විටෙකම නතර කළේ එජාප බලවේග නොවේ. සිරිකොත පාරට තාර දමා උද්ඝෝෂණ නතර කළේ රාජපක්‍ෂලාය. දුලාංජලී ප්‍රේමදාස හොර නෝට්ටු සන්තයේ තබා ගැනීමේ සිද්ධිමය කාරණාව වරදකි. ඊට සමාව ලැබුණේ නීතියෙන් නොවේ. රාජපක්‍ෂලාගෙනි.


වර්තමාන රාජපක්‍ෂ පාලනය සියලූ අයිතිවාසිකම් සමතලා කරමින් සිටියි. ප‍්‍රජාතන්ත‍්‍රවාදය මිනිස් නිදහස නීතිය වෙනුවෙන් පෙනී සිටීමට මහින්දගෙන් රැුකෙන රනිල්ට හෝ හම්බන්තොටදී රාජපක්‍ෂලාට කොටුවන සජිත්ට නොහැකිය. ඒ දෙදෙනාම රාජපක්‍ෂලාට ණය ය. 2018 ඔක්තෝබරයේදී රජපක්‍ෂලාට මුහුණ දිය හැකි අයෝමය ශක්තිය තමා බව කරු ජයසූරිය කි‍්‍රයාවෙන් ඔප්පුකර හමාරය. කරු කිසිවෙකුට ණය නැති විශිෂ්ටයෙකි. උදාවී ඇත්තේ එජාපය රැුකෙනවාද නැසෙනවාද තෝරා ගන්නා මොහොතකි. 40 වසරක ජනාධිපති ක‍්‍රමය තුළ ප‍්‍රථම වතාවට විධායක ජනාධිපති පාර්ලිමේන්තුවේ දණගැස්වූ කරු ජයසූරිය එජාපයට ආභරණයකි. අභිමානයකි. එජාපයට අවශ්‍ය වැඩිහිටි භාරකාරයෙකි. රාජපක්‍ෂලාගෙන් යැපෙන ඞීල්කාරයෝ නොවෙති.

නීතිඥ චන්ද්‍රසිරි සෙනෙවිරත්න

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි