No menu items!
27.5 C
Sri Lanka
29 March,2024

මැතිවරණ කොමිසම ශ්‍රේෂ්ඨාධිකරණයට

Must read



පෙබරවාරි මාසය අවසන් වීමට පෙර පළාත් සභා මැතිවරණය පැවැත්වීම පිළිබඳව ජනාධිපතිවරයාගෙන් හෝ පාර්ලිමේන්තුවෙන් හෝ ශ්‍රේෂ්ඨාධිකරණයෙන් නිශ්චිත තීරණයක් නොලැබුණහොත් මැතිවරණ කොමිෂන් සභාව ශ්‍රේෂ්ඨාධිකරණයට යෑමට තීරණය කර ඇතැයි වාර්තා වෙයි.
පෙබරවාරි 07 වැනිදා පැවති මැතිවරණ කොමිෂන් සභාවේ සාකච්ඡාවකදී එම තීරණය ගෙන ඇතැයි මැතිවරණ කොමිෂන් සභාවේ ආරංචි මාර්ග පවසයි.
පළාත් සභා සඳහා මිශ්‍ර මැතිවරණ ක්‍රමයක් 2017 සැප්තැම්බර් මාසයේ පාර්ලිමේන්තුවදී සම්මත කරගත් නමුත්, එම මැතිවරණ ක්‍රමය සඳහා සීමා නිර්ණය සම්පූර්ණ කර නොමැති වීම නිසා මැතිවරණය කල් ගොස් තිබේ.
මැතිවරණ කොමිෂන් සභාවට මැතිවරණ පැවැත්වීමේ වගකීම පැවරී තිබෙන බවත්, එම වගකීම ඉටුකිරීම සඳහා පහසුකම් සැපයීමේ වගකීම ජනාධිපතිවරයා සතු බවත් අවධාරණය කරමින් ජනාධිපති මෛත්‍රීපාල සිරිසේන වෙත ලිපියක් යැවීමටද මැතිවරණ කොමිෂන් සභාව විසින් එදින තීරණයක් ගෙන තිබේ. අවශ්‍ය නම්, මැතිවරණ පනතෙහි ගැටලු පිළිබඳව ශ්‍රේෂ්ඨාධිකරණයේ මතය විමසීමේ බලය ජනාධිපතිවරයා සතු බවද එම ලිපිය මඟින් පෙන්වාදීමට නියමිතය.
මේ පිළිබඳව කළ විමසීමකදී මැතිවරණ කොමිසමේ සභාපති මහින්ද දේශප්‍රිය ප්‍රකාශ කළේ කොමිෂන් සභාවේ තීන්දු පිළිබඳව මේ මොහොතේ ප්‍රකාශ කළ නොහැකි බවයි. කෙසේවෙතත් ඉදිරියේදී මැතිවරණ කොමිෂන් සභාව විශේෂ ක්‍රියාමාර්ග කිහිපයක් ගැනීමට බලාපොරොත්තු වන බව ඔහු කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි