No menu items!
26.1 C
Sri Lanka
28 March,2024

මනුෂ්‍යත්වයේ පහළම අත්දැකීම් ඔවුහු විඳිති

Must read

මා බෙහෙවින් ආසා කරන්නේ උපසංස්කෘතික හැසිරීම්වලටය. 1996-7 කාලයේ මා ජීවත්වූ නෝර්වේ රටේ එන්කේආර් 2 චැනලයේ විකාශයවූ උපසංස්කෘතින් පිළිබඳ වැඩසටහන මගේ මේ පිළිබඳ අද පවතින ආසාව මුවහත් කළ නිමිත්තයි. උපසංස්කෘතීන් පිළිබඳ මා තුළ තවත් කුහුලක් ඇතිකළේ භද්‍රජි මහින්ද ජයතිලක විසින් රචිත ‘සුරදූත පුර’ නවකතාවයි. ලොස් ඇන්ජලිස්හි හිස්පැනික් (ලතින් ඈමරිකානු සම්භවයක් සහිත ජනතාව* තරුණ කණ්ඩායම්හි හැසිරීම්, ඔවුන්ගේ ස්පේ‍්‍ර ගන් බිතුසිතුවම් කලාව හා කණ්ඩායම් අතර ඇතිවන බිහිසුණු ගැටුම් එහි විෂයයි.
වාණිජ ලිංගික සේවා සපයන්නන් හා සපයන්නියන් බොහෝ කලෙක සිට මගේ සැලකිල්ලට පාත‍්‍රවූ කණ්ඩායමකි. පසුකාලීනව මම ඔවුනට නීතිඥ සේවා සපයන හා ඔවුන් වෙනුවෙන් කතාකරන කෙනෙකු බවට පත්වුණෙමි.


මා හොංකොං රටේ ජීවත්වුණු සමයේ ලොව පුරා වෙසෙන එවැනි සේවා සපයන්නියන්ගේ මහා සම්මේලනයකට සහභාගිවුණේ මහත් අභිරුචියකිනි. එය මා බොහෝ කලක් සිට බලපොරොත්තුවුණු අවස්ථාවකි. හොංකොං පොලිටෙක්නික් විශ්වවිද්‍යාලයේ තිබුණු එම රැුස්වීමේ මමද ආරාධිතයෙකි. ’ස ඔැබට ලිංගික සේවා සපයන්නියන් හා කටයුතු කරන සංවිධානයකි. ඔවුහු හොංකොං හා වෙනත් රටවලද කටයුතු කරති.


එම රැස්වීමේදී සම්පත්දායකයන් වූයේ ලිංගික සේවා සපයන්නියන්මය. ලංකාවේදී නම් අපගේ අවඥාවට ලක්වුණද, මෙහිදී ඔවුන් ඉතා දැනුමැ’ති පුද්ගලයන් බව ඔප්පු කළේ තමන්ගේ වෘත්තීය සුදුසුකම් ඉදිරිපත් කිරීමේදීය. සමහරුන් ගුරුවරුන් වුණු අතර සමහරු උපාධිධාරීහු වූහ. ඔවුන් කතාකළ එකම දෙය නම්, තමන්ට තම කාර්යය කරගෙන යාමට ඇති අයිතිය තහවුරු කරගැනීමයි. වෙන කෙනෙකුගේ වහලකු නොවී, වෙන කෙනෙකුට කප්පම් නොගෙවා තම ශරීරය අලෙවිකර මුදල් ලබා ගැනීමට ඇති අයිතියයි.


කෙනෙකු ලිංගික සේවා සපයන්නියක හෝ සපයන්නෙකු වන්නේ කෙසේද යන්නට පොදු පිළිතුරු නැත. විවිධ හේතු මත ඔවුහු මෙම වෘත්තිය තෝරාගනිති. මට නෝර්වේහිදී හමුවුණු මාරියා පෘතු ගීසි භාෂාව මනා ලෙස හසුරුවන ඉතා රූමත් කාන්තාවකි. දකුණු අප‍්‍රිකානු ජාතික ඈ ඇපාතයිඞ් සමයේදී ලිංගික සේවා සපයන්නියක් වූවාය. ඇය කියූ පරිදි එය ඉතා දුෂ්කර, වේදනාකාරී හා අසීරු රැුකියාවකි. එතුළ ඇය කිසිදු විඳීමක් ලබා නැත්තේය. ඇගේ වර්ග කිරීමට අනුව, කිසිදු ආකාරයකට තමා නැවත තෝරානොගන්නා රැකියාවකි. ඇය එයින් ඉවත්ව භාෂා පරිවර්තිකාවක වී ඇත. ‘මිදීමට නොහැකි රැුකියාවක්’ යන දුර්මතය නිෂ්ප‍්‍රභ කොට, ඇය විවාහවී දරුවන් ලබා වෙනස් ආරක රැුකියාවක් කරන්නීය.


‘එම්පවර්’ තායිලන්තයේ බැංකොක් නගරය මූලික කරගත් සංවිධානයකි. මගේ මිත‍්‍ර මැක්ස් එඩිගර් එහි සමාරම්භකයෙකි. ඔවුහු, බැංකොක් නගරයේ අවන්හල්, ගො ගො බාර් ( Go Go Bar )* හා වෙනත් ස්ථානවල රැකියා කරන ලිංගික සේවා සපයන්නියන් සංවිධානය කර, උසස් අධ්‍යාපනය, වෘත්තීය පුහුණුව හා භාෂා ප‍්‍රවීණතාව ලබාදී, ඔවුන් එම පසුගාමී තත්ත්වයෙන් මුදවා ගනිති. විශේෂත්වය වන්නේ මෙහි සියලූ සංවිධාන ව්‍යුහයන් එම සේවා සපයන්නියන් විසින්ම කිරීමයි. තවද, ඔවුන් තම ජීවිත වෙනස් කරගන්නා තුරුම මෙම රැුකියාව කිරීමයි. එමෙන්ම ගො ගො බාර් හා සේවා සපයන ආයතන හිමියන්ද මෙම කාර්යයට ඔවුන්ගේ එකඟතාව ලබාදීමයි.
ඔවුහු විවිධ සංවිධාන හා පුද්ගලයන්ට තම ව්‍යාපාරය ගැන කියාදෙති. ඒවා කියා දෙන්නට පෑමිණෙන්නේද සේවා සපයන්නියන්මය. සමහර විට එම සම්මන්ත‍්‍රණ තුළද මුදලට තම සේවාදායකයන් සොයාගන්නට ඔවුන් කටයුතු කරන්නේ එම සම්මන්ත‍්‍රණ තුළද කටේ කෙළ හළමින් සිටින්නන් බහුල නිසාය. ප‍්‍රශ්නය ඔවුන්ගේ නොව සේවාදායකයාගේය.


වරෙක මැක්ස්ගේ මිතුරෙකුට අනාවරණ වැඩසටහනක ( Exposure Programme ) එම සංවිධානයට සම්බන්ධ පිරිස් සමග ගතකිරීමට අවශ්‍ය විය. මැක්ස් සම්බන්ධීකරණය කර දුන් අතර, එම කණ්ඩායම මැක්ස්ට පවසා සිටියේ තමන් මිතුරාට ඉතා ඉහළින් සැලකූ බවය. සිදුවී තිබුණේ එම මිතුරා මැක්ස්ගේ අනුග‍්‍රහය හේතුවෙන් ඉතා හොඳ ලිංගික අනුග‍්‍රහයක් ලබා තිබීමය. මන්ද ඔවුන්ගේ සැලකිල්ල ඔවුන්ගේ ආකාරයටය. එහි තෝරාගැනීම හා අධ්‍යාත්මය සතුවිය යුත්තේ සම්බන්ධවන අයටය. ලංකාවේ මෙවැනි සංවිධානයක් ඇරඹුමට මා බොහෝ උත්සාහ කළ අතර, එවැනි සමහර උත්සාහයන්ට දායකවීමටද හැකිවිය. ඔවුන් සමග පෙනීසිටීමද, ඔවුන් පිළිගැනීමද, ඔවුන් හා උරෙනුර ගැටී සිටීමද ඔවුන්ට දක්වන මහත් පිළිගැනීමකි, ගෞරවයකි.
පිරිමි සේවා සපයන්නන්ගේ කතාව මීට වඩා භයංකර විය හැක.

මන්ද ඔවුන් බහුතරය සංක‍්‍රාන්ති ලිංගිකයන් හෝ සමලිංගිකයන් වීමය. පිළිගැනීමක් ඇත්තේම නැත. රාත‍්‍රියේදී වීදියක හමුවුවොත් අපහරණයට ලක්වෙති. නිලදරුවන් අතින්ද අපහරණයට ලක්වෙති. ගෙදරින්ද පලවා හැර ඇත. ගමෙන්ද එලවා දමයි. ඔවුන්ට නැවත සමාජගත වන්නට, සමාජයේ පළමු පන්තියේ පුරවැසියන් ලෙස පිළි ගැනීමක් ලබාගන්නට හැකිවේද? පෙර කලෙක ලංකාවේ සංවිධානාත්මක වීදි සේවා සපයන්නියන් සිටියද ආරක්ෂක හේතු මත ඔවුන් වීදියෙන් ඉවත්ව ගොසිනි. පිටකොටුවේ හෝ වෙනත් තදාසන්න නගරවල ඔවුහු සුළු වශයෙන් සිටිති.
ලිංගික සේවා සෑපයීම පහසු කරුණක්ද? මචං චිත‍්‍රපටයේ පිරිමි සේවා සපයන්නා තම සේවාව සපයා කාමරයෙන් එළියට පැමිණ වෙහෙස නිසාම බිත්තිය දිගේ රූටා වැටෙන ආකාරය මට අදද මතකය. ගැහැනියකට පිරිමින් බර ගණනක් ඇසුරු කිරීමට බලකෙරුණද, පිරිමියකුට එසේ සේවා සපයන්නකු ලෙස ගැහැනුන් බර ගණනක් සංතර්පණය කළ හැකිද? ලිංගික මිථ්‍යාද සමාජයේ බහුලය.


ලෝකයේ ලිංගික සේවා සපයන නගර ඇති අතර ඉන් කිහිපයක් බැලීමට මා ගොස් ඇත. බැංකොක් නගරයේ පැට්පොන්ග්, කව්බෝයි හා වෙනත් වීථිද, පිලිපීනයේ මකිනි වීථියද, ඉන්දියාවේ බොම්බායේ කාමටිපුර ඒවායින් විශාලතම ඒවාය. ඉන්දුනීසියාවේ ජකාර්තා නුවර, දිල්ලි නුවර හා සිංගප්පූරුවේ ගේලෑන් ප‍්‍රදේශයද මතක තබා ගනු වටී. ලෝකයේ වෙනත් බොහෝ තැන්වලද මෙවැනි සංගෘහිත ප‍්‍රදේශ ඈත. ලිංගික සේවා සපයන ආයතන මෙන්ම විවිධ රටවල ලිංගික සේවා සැපයීම සම්බන්ධ වෙබ් පිටුද ඇත. ලිංගික සේවා භාෂාවද සුවිශේෂය.


ලංකාවේ කූට්ටනය සිදුවේද? ලංකාවේ අතිමහත්වූ (3000කට ආසන්න* ස්පා ආයතනවල වැඩකරන ලාංකීය කාන්තාවන්ට එම්පවර් වැනි අත්දැකීමක් ලබාගැනීමට අවස්ථාව නැද්ද? ඇත්තටම ඔවුන් එම රස්සාව කරන්නේ මගේ දකුණු අප‍්‍රිකානු මිතුරිය සේ තෝරාගැනීමක් සහිතවද? නැත්නම් කූට්ටනය වීම තුළද? මැද මාවතේ සිනමාකරු එච්ඞී පේ‍්‍රමරත්න, කිනිහිරියා මල් තුළින් කී කථාව අපට ග‍්‍රහණය වුණේද? ලංකාදීප පුවත්පතේ ලහිපිටේ රැුකියා (විවිධ) තීරයේ රුපියල් 2,00,000 සිට මාසික වැටුප් ලැබෙන රැුකියා දැන්වීම්, අප සලකන්නේ කූට්ටනය ලෙස නොවේද? එහි රැුවටීම නැද්ද? ඔබම කියවා බලන්න. මහා පරිනිබ්බාණ සූත‍්‍රය හා පවුකාර ස්ත‍්‍රිය කතාවන්හි සේවා සපයන්නියන් දෙස ආගමික ශාස්තෲවරුන් කෙසේ බලා ඇද්දැයි ඔබටම සොයාගත හැක.


මනුෂ්‍යත්වයේ පහළම අත්දැකීම් ඔවුහු විඳිති. ඒ ගැන කියන්නට ඔවුන්ට කෙනෙකු නැත. අසන්නට වේලාවක් අපටද නැත. ඒවා කියන චිත‍්‍රපට පමණක් අපි බලන්නට පුරුදුව සිටිමු, වීඑෆ්එම් සේවයේ ශාන් විජේතුංග මෙහෙයවන වැඩසටහනකදී එවැනි සේවා සපයන්නියක සමග සම්මුඛ සාකච්ඡුාවකට සහභාගි වී, මට ලැබුණු ප‍්‍රතිචාර විවිධය. ඇයට තම දරුවාගේ පාසලද අහිමි විය.x

ලක්ෂාන් ඩයස්

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි