No menu items!
27.4 C
Sri Lanka
29 March,2024

පාසල් ඇරීමේ 50%ක ඉඩක්

Must read

කාදිනල් හිමි

කතෝලික පෞද්ගලික පාසල් මැයි මස 14 දින ආරම්භ කිරිමේ සියයට පනහක පමණ ඉඩක් පවතින බව කොළඹ අගරදගුරු මැල්කම් කාදිනල් රංජිත් හිමියන් ඇතුළු රදගුරු මණ්ඩලය ප්‍රකාශ කර ඇත. මැයි 09 වැනිදා පෙරවරුවේ කොළඹ බැල්කොම් පෙදෙසේ අගරදගුරු නිල නිවසේ පැවති මාධ්‍ය සාකච්ඡාවකට එක්වෙමින් ඒ බව ප්‍රකාශ කර ඇත. එමෙන්ම ප්‍රශ්නගත මඩකළපුව ශරියා විශ්වවිද්‍යාලය රජයේ අධීක්ෂණය යටතට ගත යුතු බවට එහිදී ඔවුන් ප්‍රකාශ කර ඇත. මෙම මාධ්‍ය සාකච්ඡාව දැනුම් දුන් වේලාවට වඩා ප්‍රමාදවී ආරම්භ වී ඇති අතර එයට හේතුව වී ඇත්තේ ජනාධිපතිවරයා කාදිනල් හිමියන් හමුවීම සඳහා එහි පැමිණ සාකච්ඡා කිරීමය.

කාදිනල් හිමියන් සමඟ ජනාධිපතිවරයා පැයකට අධික කාලයක් සාකච්ඡා කර ඇති අතර එම සාකච්ඡාවේ කරුණු මාධ්‍ය හමුවේදී හෙළිකර නැත. ජනාධිපතිවරයා එකඟවූ වේලාව පසුවී කාදිනල් හිමියන් සමඟ සාකච්ඡාවට පැමිණ ඇත. ජනාධිපති පුතුගේ විවාහ උත්සවය පෙරවරුවේ කොළඹ හිල්ටන් හෝටලයේ පැවතීම ඊට හේතුවී ඇත. කාදිනල්වරයා ඇතුළු රදගුරු මණ්ඩලය ප්‍රකාශ කිරීමට නියමිතව තිබූ බොහෝ කරුණු ජනාධිපතිවරයා සමඟ පැවැත්වූ සාකච්ඡාවෙන් පසු හකුළා ගන්නට ඇතැයි එය ආවරණයට ගිය මාධ්‍යවේදීන්ගේ මතය වී ඇත. ඊට හේතුව විශේෂ යමක් කාදිනල්වරයා ඇතුළු රදගුරු මණ්ඩලය මාධ්‍ය හමුවේදී ප්‍රකාශ නොකිරීමයි.

විදේශීය  ආරංචි මාර්ගයකට අනුව ලැබුණු තොරතුරක් මත අපෝස්තලික සේවා ආයතනයකට හා කතෝලික දෙව්මැදුරකට පහරදීම් සිදු වීමට ඉඩකඩ ඇති බැවින් කතෝලික පාසල් හා සැලසුම්කර ඇති දේව මෙහෙයන් නොපවත්වන ලෙස මැල්කම් කාදිනල් රංජිත් හිමියන් මැයි 02 වන දින නිකුත් කරන ලද ලිපියකින් දැනුම් දී ඇත. එම ලිපිය පිළිබඳව කොළඔ අගරදගුරු හිමියන්ගේ සම්බන්ධීකාරක ලේකම් ඩැනිස්ටර් පියනමගෙන් අනිද්දා කළ විමසීමකදී ඔහු පැවසුවේ අදාල ලිපිය පෞද්ගලිකව ක්‍රිස්තියානි දෙව්මැදුරුවලට යැවූ ලිපියක් බවයි. එහිදී කිසියම් පියනමක් ලිපිය මාධ්‍යයට ලබා දී ඇති බවත්,  ලිපිය පෞද්ගලිකව නිකුත් කරනු ලැබූවක්  බැවින් ලිපියේ අඩංගු කරුණු පිළිබදව ආරක්ෂක අංශ දැනුවත් නොකළ බවත් ඔහු වැඩිදුරටත් කීය. ■

ලසන්ත රුහුණගේ / රේඛා නිලුක්ෂි හේරත්

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි