No menu items!
26.1 C
Sri Lanka
28 March,2024

නාවලපිටියේ ඉඩම් කොල්ලයක් දුම්රියෙන් පරීක්ෂණයක

Must read

දුම්රිය දෙපාර්තමේන්තුවට අයත් නාවලපිටිය ප්‍රදේශයේ ඉඩම් කිසියම් පිරිසක් බලහත්කාරයෙන් අල්ලාගෙන සිටින බවට පැමිණිල්ලක් ලැබුණ බවත්, ඒ සම්බන්ධයෙන් සොයාබලන ලෙස දුම්රිය ආරක්ෂක ප්‍රධානියාට දැනුම්දුන් බවත් දුම්රිය සාමාන්‍යාධිකාරී ඩිලන්ත ප්‍රනාන්දු පැවසීය. ඔහු ඒ බව පැවසුවේ දුම්රිය දෙපාර්තමේන්තුවට අයත් නාවලපිටිය අඹගමුව පාරේ පිහිටි අක්කර ගණනක විශාල ඉඩමක් මහින්දානන්ද අලුත්ගමගේ පදනම විසින් අල්ලාගෙන ඇතැයි නැගෙන චෝදනා පිළිබඳව විමසීමේදීය.

මෙහිදී අනිද්දා කළ ප්‍රශ්න කිරීම්වලදී දුම්රිය සාමාන්‍යාධිකාරීවරයා පැවසුවේ මහින්දානන්ද අලුත්ගමගේ පදනමට බදු වශයෙන් ලබාදුන් ඉඩමක් සම්බන්ධයෙන් වූ නඩුව සමථයකට පත්වූ බවත්, එම බදු දුන් ඉඩම තුළ පිහිටි දුම්රිය ස්ථානාධිපතිවරයාගේ පැරණි නිල නිවසක් දුම්රිය දෙපාර්තමේන්තුවේ අධීක්ෂණය යටතේ ඉවත්කළ බවත්ය. වෙනත් කිසිදු දුම්රිය ගොඩනැගිල්ලක් ඉවත් නොකළ බවත්ය.

එහෙත් අපගේ ආරංචි මාර්ග පවසන්නේ පසුගිය ඇඳිරි නීති සමයේදී දුම්රිය සේවක නිවාස පේළියක්ද කඩා ඉවත් කළ බවත්, මේ මුළු ඉඩම් කොටසම මහින්දානන්ද අලුත්ගමගේ පදනමේ කටයුතු සඳහා එන අයගේ වාහන නැවැත්වීම සඳහා භාවිත කරන බවත්ය. එමෙන්ම එම ඉඩම තුළ දේශපාලන කටයුතු කිරීම සඳහා විශාල ටෙන්ට් ඉදිකර ඇති බවත්ය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි