No menu items!
19.9 C
Sri Lanka
29 March,2024

තුවක්කුව හිසට එල්ලවෙද්දී අගය තේරෙයි

Must read


කරුණාරත්න පරණවිතාන – ප‍්‍රජාතන්ත‍්‍රවාදී ජාතික පෙරමුණ


ජනාධිපතිවරණයට සතියක් තිබියදී මිලේනියම් චැලේන්ජ් කෝපරේෂන් ගිවිසුම ගැන ආණ්ඩුවට දැවැන්ත චෝදනාවක් විපක්ෂයෙන් එල්ලවුණා..
එම්සීසී ආධාර මුදල ලබාගැනීම ගැන අන්තිම බොරු මතවාදයක් පොහොට්ටු කණ්ඩායම මතු කරනවා. මැතිවරණය අස්සේ බොරු අමෙරිකන් විරෝධයක් මතු කරලා මැතිවරණ වාසියක් ගන්නයි උත්සාහ කරන්නේ. අන්තිම බොරු කතා කියලා, හාමුදුරුවරුන්ව උපවාසවලට වාඩි කරවලා සුපුරුදු අලජ්ජී වැඩ ටික කරමින් ඉන්නවා. අවිචාරවත් ඡුන්දදායකයන්ව තමයි ඔවුන් ඉලක්ක කරන්නේ. එයාලා හිතනවා අවිචාර මිනිහා දිගින් දිගටම ඉන්න එක තමන්ගේ බලය පවත්වාගෙන යන්නට වාසියක් කියලා. අපි ගෝඨාභය රාජපක්ෂ මහතාට අභියෝග කරනවා, ඔහු මිලේනියම් චැලේන්ජ් කෝපරේෂන් ගිවිසුම ගන්නවාද නැද්ද කියලා කියන්න කියලා. තමන් හැංගිලා වාචාලයන්ව දාලා රටේ මිනිස්සුන්ව රවටලා පලක් නැහැනේ.


කෙසේ වෙතත් අවිචාරවත් ඡන්දදායකයන්ව ඉලක්ක කිරීම ගැන සජිත් පේ‍්‍රමදාස මහතාටත් චෝදනා එල්ලවෙනවා නේද?
සජිත් පේ‍්‍රමදාස මහතා කතාකරන්නේ සමාජ සාධාරණත්වය පිළිබඳව. අපේ සමාජයේ පීඩිත ජනකොටස වැඩියි. ඔවුන්ට සාධාරණයක් ඉටු නොකර ලබාගන්න දියුණුව අංශභාග දියුණුවක්. ඒවා ගැන කතාකිරීම ඔහු එදා ඉඳලාම කළා. එහෙත් ඔහු මේ වගේ මිනිස්සුන්ට බොරු කියන්නේ නැහැ. අවිචාරය යැයි කීවේ බොරුව මත පදනම් වූ දේශපාලනයට. ජාතිවාදය, වර්ගවාදය අවුස්සන්න කුමන්ත‍්‍රණ න්‍යායක් සජිත් පේ‍්‍රමදාස මහතා ගෙනාවේ නැහැ. ඔහු ජනතාව පල් මෝඩයන්, රිලා මොටයි ගාණට දාන්නේ නැහැ.


ප‍්‍රජාතන්ත‍්‍රවාදය හා සංවර්ධනය එකට යන්නේ නැති නිසා, ටිකක් ඒකාධිපති පාලනයකින් රට සංවර්ධනය වෙලා ජාතික ආරක්ෂාවත් තහවුරු වේයැයි හිතන අයත් ඉන්නවා නේද?
ඒකාධිපතියෙකුට යටත් වෙලා මාස හයකින් තේරෙයි ඒකේ රඟ. අපේ වගේ රටවල සංවර්ධනය ප‍්‍රජාතන්ත‍්‍රවාදය එක්ක සමගාමීව සිද්ධවෙන්න ඕනෑ. ජාතික ආරක්ෂාව වගේ දේවල් ¥ෂිතයන්ට තහවුරු කරන්න බැහැ. හමුදාවල් තිබූ පමණින් ජාතික ආරක්ෂාව තහවුරු වෙන්නේ නැහැ. ඒක ඊට වැඩිය සංයුක්ත වැඩපිළිවෙළකින් ලබාගන්න ප‍්‍රතිඵලයක් හැටියටයි සැලකෙන්නේ.
ජාතික ආරක්ෂාව පිළිබඳ ප‍්‍රශ්නය විවිධ අවස්ථාවල විවිධ මුහුණුවර ගන්නවා. ගෝඨාභය රාජපක්ෂ මහතා මීට කලිනුත් ජාතික ආරක්ෂාව තහවුරු කළේ නැහැ. ජාතික ආරක්ෂාව රැුකපු මිනිස්සුව ඔහු හිරේ දැම්මා. අනෙක් පැත්තෙන් ඔවුන් පෙන්නූ සංවර්ධනය මොකක්ද? ඒක ඇස්බැන්¥ සංවර්ධනයක්. නාගරික පීඩිතයන්ව එළවලා කරන සංවර්ධනය මොකක්ද? ඔවුන්ට බාරදුන් හැම රාජ්‍ය ආයතනයක්ම පාඩු පිට පාඩු කරලා ජාතිය ණය කෙරෙව්වා. ඒ නිසා ඔය තර්කයත් මුල් බැසගත් වැරදි තර්කයක්. ප‍්‍රජාතන්ත‍්‍රවාදය අතට අහුවෙන දෙයක් නෙවෙයි. ඒක භුක්ති විඳින දෙයක්. එතකොට ඒකේ අගය නැතිවෙලා යනවා. නැවත තුවක්කුව හිසට එල්ලවෙද්දී අගය තේරෙයි. ඔය අදහස් අවිචාරවත් පුරවැසියන්ට ලේසියෙන් ඒත්තු ගන්නන් පුළුවන් ඒවා. ඒත් අපි ඒවාට විරුද්ධව කතාකරනවා.


කුසලතාතන්ත‍්‍රවාදය නම් වචනය නිතර හෙළ උරුමය පාවිච්චි කළා. සජිත් පේ‍්‍රමදාස මහතා ජනාධිපති වුණොත් එවැනි සංකල්ප පිළිගනිමින් ඔබ, ඉරාන් වික‍්‍රමරත්න, හර්ෂ ද සිල්වා වැනි උගත් දේශපාලනඥයන්ට වැඩි අවස්ථා ලබාදෙනු ඇතැයි සිතනවාද?
ඔහු කුසලතාතන්ත‍්‍රවාදය විශ්වාස කරනු ඇතැයි අපට විශ්වාසයක් තියෙනවා. සජිත් පේ‍්‍රමදාස මැතිතුමා තමයි පළවැනි වතාවට ඒ අදහස තම ප‍්‍රතිපත්ති ප‍්‍රකාශයකට දැම්මේ. ඔහු පාවිච්චි කරලා තිබුණේ කෞශල්‍යතන්ත‍්‍රවාදය කියන බර වචනය. එතුමා ඒ ගැන නිතර සඳහන් කරන බවත් පෙනෙනවා. හොරු ළඟ තියාගන්නේ නැති බවත් ඔහු කියනවා. ඒ වචන ගැන විශ්වාසයක් අපට තියෙනවා. අපි බලාපොරොත්තු වෙන්නේ ලංකාවේ ප‍්‍රජාතන්ත‍්‍රවාදී හැකියාතන්ත‍්‍රවාදයක් ඇති කරන්නයි. සමහර හැකියාතන්ත‍්‍රවාදයන් හැදිලා තියෙන්නේ ප‍්‍රජාතන්ත‍්‍රවාදය නැතිව. උදාහරණයක් විදියට සිංගප්පූරුවේ තිබුණේ ප‍්‍රජාතන්ත‍්‍රවාදය නැතිව. ඒත් ඒවා අපේ රටට සුදුසු බව විශ්වාස කරන්නේ නැහැ. ඒ අදහස දැන් ඉන්න අපේක්ෂකයන් අතරින් සජිත් පේ‍්‍රමදාස මහතා ග‍්‍රහණය කරගෙන ඉන්න බව පෙනෙනවා.


සජිත් පේ‍්‍රමදාස මහතාගේ ප‍්‍රතිපත්ති ප‍්‍රකාශයට ජනමාධ්‍ය ක්ෂේත‍්‍රයට අදාළව මාධ්‍ය සංවිධාන කාලයක් තිස්සේ කළ ඉල්ලීම් කිහිපයක් ඇතුළත් කර තිබෙන බව පෙනෙනවා නේද?
අවාසනාවකට අද සජිත් පේ‍්‍රමදාස මහතාට අවලාද එල්ලකරන අන්තිම දුෂ්ට ජනමාධ්‍ය භාවිතාවක් මාධ්‍ය ආයතන ගණනාවක් ක‍්‍රියාත්මක කරනවා. ඒ මාධ්‍ය ආයතන කර මත තියාගෙන යන්නේ මාධ්‍යවේදීන්ට පහරදීපු අයව. නින්දා සහගත මර්දනයෙන් අත්මිදෙන්න ඕනෑ බව මාධ්‍ය සමාජයට තේරුම් ගන්න පුළුවන් සජිත් පේ‍්‍රමදාස මහතාගේ ප‍්‍රතිපත්ති ප‍්‍රකාශයෙන්. ජනමාධ්‍යවලට හිතකර කවුද කියලා ඒකෙන්ම පෙනෙන්න තියෙනවා. මාධ්‍ය ක්ෂේත‍්‍රයේ හිටපු අය විදියට ඒ වගේ ප‍්‍රතිපත්ති ඇතුළත් කරගැනීම ගැන අපටත් සතුටක් තියෙනවා. ඒත් ලංකාවේ ගොඩක් ජනමාධ්‍යකරුවන් එහි තියෙන සංකල්ප, ප‍්‍රකාශන ආදිය ගැන දන්නේත් නැතිව ඇති. ලංකාවේ මාධ්‍යකරුවන් ජනමාධ්‍ය නිදහස කියන්නේ මොකක්ද කියලාවත් දන්නේ නැහැනේ.


සජිත් පේ‍්‍රමදාස මහතාට ජනාධිපතිවරණ අපේක්ෂකත්වය ලබාදීමට පෙර ඒ ගැන විවේචන රැුසක් තිබුණා. ඔහුට අපේක්ෂකත්වය ලැබුණාම ඒවා කළමනාකරණය කරගත්තේ කෙලෙසද?
අපට විවිධ මත තියෙනවා. ඔහු ගැනත් විවිධ අනවබෝධයන් තිබුණා. එහෙත් හැම කණ්ඩායමක් සමඟම සාකච්ඡුා කරන්න තරම් ඔහු නම්‍යශීලී වුණා. සාකච්ඡුා කරනකොට කාටත් පැහැදිලි වුණා ඔහු ඉදිරිගාමී දර්ශනයක් තියෙන, වැඩ කරන්න වුවමනාවක් තියෙන කෑදර, මජර ගති නැති කෙනෙක් බව. මේ සන්ධානය හදනකොටත් ඔහුගේ නමන්‍යශීලීත්වයක් තියෙන බව පෙනුණා. ඔහු දැඩිව සිටින තැනුත් තියෙනවා. සමහර තැන්වලදී දැඩි වීම රටට හොඳයි. එහෙත් සමස්තයක් විදියට ඔහු සියලූ පාර්ශ්වයන් එකතු කරගැනීමට බලාපොරොත්තු වෙනවා. දැනට ඉදිරිපත් කළ ප‍්‍රතිපත්ති ප‍්‍රකාශයට අමතරව එහි කරුණු ගැන වැඩිදුර විස්තර සහිත තවත් ප‍්‍රකාශන තුනක් අපි ඉදිරිපත් කරනවා. කාන්තා ප‍්‍රඥප්තිය, තරුණ ප‍්‍රඥප්තිය හා සංස්කෘතික ප‍්‍රඥප්තිය කියන තුන ඉදිරිපත් කරනවා. ඒවායිනුත් පැහැදිලි වේවි ඔහු හැම ක්ෂේත‍්‍රයක් ගැනම හිතන්න පුළුවන් නායකයෙක් බව.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි