No menu items!
21.8 C
Sri Lanka
28 March,2024

ත්‍රිපුද්ගල මහාධිකරණය අකර්මණ්‍ය කිරීමේ සැලසුමක්

Must read

ත්‍රිපුද්ගල විශේෂ මහාධිකරණයේ අරමුණ වන මහා පරිමාණ අපරාධ නඩු ඉක්මනින් විමසා අවසන් කිරීම වෙනුවට, වෙනත් නඩු භාර දී එම අධිකරණයේ කාර්යභාරය අකර්මණ්‍ය කිරීමේ සැලසුමක් ආණ්ඩුව ක්‍රියාත්මක කිරීමට සැරසෙන බව අධිකරණ අමාත්‍යාංශයේ ආරංචි මාර්ගවලින් වාර්තාවේ.
අධිකරණ අමාත්‍යාංශයේ උපදේශකවරයකු වන ජනාධිපති නීතිඥ යූ.ආර්. ද සිල්වා පසුගිය සතියේ නිලධාරීන් පිරිසක් සමඟ විශේෂ ත්‍රිපුද්ගල මහාධිකරණය වෙත ගොස් ඒ පිළිබඳ සාකච්ඡා කර ඇත.
ඒ පිළිබඳ විමසීමකදී ජනාධිපති නීතිඥ යූ.ආර්. ද සිල්වා ප්‍රකාශ කළේ දැනට පවතින නඩු නතර කිරීමේ කිසිදු සූදානමක් නොමැති බවය. එහෙත්, එම නඩු කල්යෑමේදී සහ ඉදිරි දින ලබාදීමේදී ත්‍රිපුද්ගල මහාධිකරණයේ මානව සහ භෞතික සම්පත් අපතේ යන බව ඔහු කීය. ඒ අනුව එම ගොඩනැගිල්ල සහ විනිසුරුවරුන් යොදවා වෙනත් සාමාන්‍ය නඩු විමසීම සඳහා වැඩපිළිවෙළක් සකස් කරන බව ඔහු කීය. ඉදිරියේදී විශේෂ ත්‍රිපුද්ගල මහාධිකරණයේ කාර්යභාරයට ගැළපෙන නඩු ලැබෙන තෙක් වෙනත් නඩු විමසීම් කළ හැකි බව ඔහු පැවසීය. මේ ගැන අනිද්දා කළ විමසීමකදී අදහස් දක්වමින් හිටපු අධිකරණ අමාත්‍ය තලතා අතුකෝරාළ ප්‍රකාශ කළේ විශේෂ ත්‍රිපුද්ගල මහාධිකරණය දුර්වල කිරීමේ උත්සාහයක් ගැන තමන්ට අධිකරණ අමාත්‍යාංශයේ සම්බන්ධතාවලින් දැනගන්නට ලැබී තිබෙන බවයි. විශේෂ ත්‍රිපුද්ගල මහාධිකරණය මහා පරිමාණ වංචා දූෂණවලට සම්බන්ධ බලවත් චරිතවලට අදාළ චෝදනා ඉක්මනින් විභාග කර තීන්දු ලබාදීම සඳහා පිහිටුවූ අධිකරණයක් බවත්, එම අධිකරණයේ විභාග කිරීමට ඒ වර්ගයේ නඩු ඕනෑ තරම් තිබෙන බවත් ඇය කීවාය.
ඇය වැඩිදුරටත් පෙන්වාදුන්නේ එම අධිකරණය පාර්ලිමේන්තුවෙන් පත් කළ එකක් නිසා, පාර්ලිමේන්තුවේ අනුමැතියක් නොමැතිව අහෝසි කළ නොහැකි බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි