ලංකා සතොස ආයතනයේ මුදල් අවභාවිතා කලා යැයි චෝදනා ලබා සිටි කුරුණැගල දිස්ත‍්‍රික් පාර්ලිමේන්තු පන්ත‍්‍රි ජොන්ස්ටන් ප‍්‍රනාන්දු ඇතුළු තිදෙනෙකු නිදොස් කොට නිදහස් කරමින් කුරුණෑඝල මහාධිකරණය විසින් ලබා දුන් තීන්දුවට එරෙහිව නීතීපතිවරයා විසින් අභියාචනාධිකරණය හමුවේ අභියාචනයක් ගොනු කිරිමට නියමිත බව වාර්තා වේ.
සතොස මුදල් අවභාවිත කළැයි චෝදනාවකට ලක්ව සිටි කුරුණෑගල දිස්ත‍්‍රික් පාර්ලිමේන්තු මන්ත‍්‍රී ජොන්ස්ටන් ප‍්‍රනාන්දු මහතා ඇතුළු තිදෙනකුට පවරා ඇති නඩුව ඔක්තෝමබර් 17 වන දින විභාගයට ගත් අවස්ථාවේදී විත්තියේ සාක්කි නොකැඳවාම මන්ත‍්‍රීවරයා ඇතුළු තිදෙනා නිදොස් කොට නිදහස් කිරීමට කුරුණෑගල මහාධිකරණ විනිසුරු මේනකා විජේසුන්දර මහත්මිය නියෝග කළාය.
ජොන්සටන් ප‍්‍රනාන්දු, ඔහුගේ පෞද්ගලික ලේකම්වරයා සහ සතොස හිටපු සභාපති නලීන් ප‍්‍රනාන්දු යන තිදෙනා මෙසේ සියලූ චෝදනා වලින් නිදොස් කොට නිදහස් කෙරිණි. වයඹ පළාත් සභා මැතිවරණ සමයේදී සතොස මුදල් අවභාවිත කරමින් දේශපාලන සංග‍්‍රහයේ යෙදුණැයි මොවුන්ට එරෙහිව චෝදනා එල්ලවී තිබුණි.
හංසි මානවඩු
