එක්සත් ජාතික පක්ෂයේ නායකත්වය නොලැබුණහොත් සජිත් පේ‍්‍රමදාස මහතා ප‍්‍රමුඛ කණ්ඩායම වෙනම පක්ෂයකින් ඉදිරි මහමැතිවරණයට ඉදිරිපත්වන බව ඔහුගේ පිළේ සමහරුන් කියන්නට පටන්ගෙන ඇත.
ජනාධිපතිවරණය සඳහා අපේක්ෂකත්වය නොදුනහොත් වෙනම තරග කරන බවට මේ ආකාරයේම වූ ප‍්‍රචාරක ව්‍යාපෘතියක් පසුගිය ජනාධිපතිවරණයට පෙර සජිත් පේ‍්‍රමදාස පාර්ශ්වය ගෙනගිය අතර අපේක්ෂකත්වය ලබාගනිමින් එය ජයග‍්‍රහණය කිරීමට ඔවුන් සමත් විය.
විපක්ෂ නායකත්ව සටනද සජිත් පාර්ශ්වය ජයග‍්‍රහණය කර ඇත. එජාප නායක රනිල් වික‍්‍රමසිංහගේ නම විපක්ෂ නායකත්වය සඳහා එහි මහලේකම් අකිල විරාජ් කාරියවසම් නම්කර කථානායක කරු ජයසූරියට යැවුවද ඊට විරුද්ධව සජිත් පිළ එජාප මන්ත‍්‍රී අත්සන් සහිත ලේඛනයක් කථානායකවරයාට යොමු කරමින් සජිත් පේ‍්‍රමදාස මහතා විපක්ෂ නායක කරන ලෙස ඉල්ලා සිටියේය.
එම සටනින්ද සජිත් පාර්ශ්වයට ජයග‍්‍රහණය දී රනිල් වික‍්‍රමසිංහ පසුබැස්සේය.
ඉදිරි පාර්ලිමේන්තු මැතිවරණයේදී අගමැති අපේක්ෂකයා තමා යැයි සජිත් පේ‍්‍රමදාස ප‍්‍රකාශ කර ඇත. ඊටද රනිල් වික‍්‍රමසිංහගෙන් කොළ එළියක් ලැබී ඇතැයි රනිල් පාර්ශ්වයේ අයම කියති.
විපක්ෂ නායකකමට සජිත් පේ‍්‍රමදාස හෝ ඔහු වෙනුවෙන් කටයුතු කරන අය අරගල කරද්දී සජිත් පේ‍්‍රමදාස කලඑළියේ දක්නට ලැබුණේ නැත. ජනාධිපතිවරණ පරාජයෙන් පසු ඔහු සිටියේ කිසිවකුට මුහුණ නොදී සැඟවීය. එම සැඟවී සිටි සමයේ ඔහු හමුවීමට ගිය සමහරුන්ට ඔහු ප‍්‍රකාශ කළා යැයි කියවුණේ විපක්ෂ නායකකමවත්, පක්ෂ නායකකමවත්, අගමැති අපේක්ෂකත්වයවත් ඔහුට වුවමනා නැති බවය. නිදහසේ පාඩුවේ ඔහුට ඉන්නට ඉඩදෙන ලෙසය. එය ඇත්තක් යැයි සිතිය හැක්කේ ජනාධිපතිවරණ පරාජයෙන් පසු ට්විටර් පණිවිඩයක් තබමින් සජිත් පේ‍්‍රමදාස කළ සඳහන නිසාය. ඔහු එයින් කීවේ ඔහුගේ ඉදිරි කාලය රටේ දිවියන්ගේ සුභසාධනය වෙනුවෙන් වැය කරන බවය.
මේ කරුණු කාරණා අනුව පෙනෙන්නේ ජනාධිපති අපේක්ෂකත්වයද, විපක්ෂ නායකකමද, අගමැති අපේක්ෂකත්වයද, පක්ෂ නායකත්වයද වඩාත් වුවමනා වී තිබුණේ හා තිබෙන්නේ සජිත් පේ‍්‍රමදාස වටේ සිටි අයට බවය. අලූත් පක්ෂ කථාවද බොහෝ විට සජිත් පේ‍්‍රමදාසගේ නොව වටේ සිටින අයගේ වුවමනාවක් විය හැකිය.
පක්ෂය හැර නොයමි යැයි සජිත් පේ‍්‍රමදාසගේ ප‍්‍රකාශයක් කියැවෙන්නේ මේ අතරවාරයේය. එය සැබෑ විය හැකිය. සජිත් පේ‍්‍රමදාස එජාපය හැර නොයනු ඇත. එජාපයෙන් පිට ඔහුට දේශපාලන අනාගතයක් නැති බව සජිත් පේ‍්‍රමදාස හොඳින්ම දන්නවා විය හැක.
මීට පෙරත් නායකත්ව අරගල කිහිපයක්ම රනිල් වික‍්‍රමසිංහට විරුද්ධව සජිත් පේ‍්‍රමදාස වටා සිටියාහු ක්රියාත්මක කළෝය. ඒවාහි අවසන් ප‍්‍රතිඵලය වූයේ එම අරගලවල නියමුවන් කිහිපදෙනෙකුට එජාපය හැරදා යන්නට සිදුවීමයි. තවත් සමහරුන්ට එජාපය තුළ කොන්වී සිටීමට සිදුවීමයි.
ඒ සෑම අවස්ථාවකදීම සජිත් පේ‍්‍රමදාස පක්ෂය හැරදා එළියට ගියේ නැත. අඩුම තරමින් පක්ෂය තුළ රැුඳුණු ඔහු වෙනුවෙන් පෙනී සිටි අය වෙන්වෙන්වත් පෙනී නොසිටියේය. සජිත් පේ‍්‍රමදාස ඉතිහාසය පුරාම පෙන්නුම් කර ඇත්තේ නායකත්වයේ අසමත්කමය. පුළුල් දැක්මක් ඔහුට නැති බවය. වෙනත් අයගේ වුවමනාවන් අනුව ඔහු කටයුතු කරන බවය.
සජිත් පේ‍්‍රමදාසට එක් සමානකමක් ඇති අයෙක් එදා ශ‍්‍රීලනිපයේ සිටියේය. ඒ මහින්ද රාජපක්ෂය. ඔහුත් ශ‍්‍රීලනිපයේ සිරිමා බණ්ඩාරනායක විරෝධී පිල නියෝජනය කළේය. සටන් පැරදී අනෙක් අය ශ‍්‍රීලනිපයෙන් එළියට යන විට ඔහු ශ‍්‍රීලනිපයේ රැුඳී සිටියේය. මහින්ද රාජපක්ෂගේ උපක‍්‍රමය වූයේ ඔහුට අභියෝගයක් විය හැකි පක්ෂ ජ්‍යෙෂ්ඨයන් හා ජනප‍්‍රිය පුද්ගලයන් පක්ෂයේ පිටමං කිරීමය. ප‍්‍රතිවාදියෙකු නැති තරගයකින් පක්ෂයේ නායකත්වය ලබාගැනීමය. විපක්ෂ නායකත්වය, අගමැති අපේක්ෂකත්වය හා ජනාධිපති අපේක්ෂකත්වය ආදි ලෙස පියවරෙන් පියවර ඔහු එය කළේය.
එහිදී අමතක නොකළ යුතු කරුණ වන්නේ මහින්ද රාජපක්ෂ හුදු හම්බන්තොටට සීමා වූ බිම් මට්ටමේ ගම් මට්ටමේ නායකයෙකු නොවී ජාතික දේශපාලනයට පිවිසි බවය. ජාතික ප‍්‍රශ්න පිළිබඳ කතාකළ බවය. එදා දකුණේ තරුණ තරුණියන් අතුරුදහන් කිරීමේ භීෂණයේ මානව හිමිකම් කොඩිය අතට ගත් බවය. ඔහුට ඒ සඳහා වාසුදේව නානායක්කාර, රාජිත සේනාරත්න වැන්නන්ගේ අතිවිශාල තල්ලූවක් ලැබුණ බව ඇත්තය.
මේ ජාතික දේශපාලනයට අවශ්‍ය තල්ලූව ලබාදීමට මංගල සමරවීර වැනි දේශපාලන සගයෝ සජිත් පේ‍්‍රමදාසට සිටිති. එහෙත් ජාතික දේශපාලනයේ න්‍යාය පත‍්‍රයවත්, ජාතික දේශපාලනයේ මාතෘකාවලටවත් සජිත් පේ‍්‍රමදාස තවමත් අතගසන බවක් පෙනෙන්නට නැත.
ඊට දැක්විය හැකි හොඳම උදාහරණය පාඨලී චම්පික රණවක මන්ත‍්‍රීවරයාට ඇප ලබාදුන් දිනයේ ඔහු අලූත්කඬේ අධිකරණය අසල සිට මාධ්‍යයට ලබාදුන් ප‍්‍රකාශයන්ය.
එහිදී සජිත් පේ‍්‍රමදාස පාඨලී චම්පික රණවකව අත්අඩංගුවට ගැනීම, අත්අඩංගුවට ගැනීමේ ක‍්‍රියාවලිය හා ඔහුට එල්ලවී ඇති චෝදනා හෙළා දැක්කේ නැත. මෙවැනි අනීතික කටයුතුවලට එරෙහිව ඔහු පෙනී සිටින බවවත් ඒ සම්බන්ධයෙන් නව ආණ්ඩුවට එරෙහිව කටයුතු කරන බවවත් කීවේ නැත. කීවේ සුපුරුදු ගම් මට්ටමේ බිම් මට්ටමේ කුඩා වේදිකා කතාවක්ය.
ඒ අනුව සජිත් පේ‍්‍රමදාස මහතා මහින්ද රාජපක්ෂ මහතා සමග සැසැª කළ කරනු ඇතැයි සිතිය හැකි එකක් වන්නේ කුමන තත්වයක් යටතේවත් එජාපය හැරදා නොයන අයෙකු බවට පත්විය හැකි බවය. ( මහින්ද රාජපක්ෂ ජනාධිපතිවරණ පරාජයෙන් පසු පොහොට්ටු පක්ෂය හැදීම මෙම කරුණට සම්බන්ධ නැත. *
