තරිඳු උඩුවරගෙදර
විදුලි සංදේශ නියාමන කොමිෂන් සභාව විසින් පොල්ගහවෙල මහේ්ස්ත‍්‍රාත් උසාවියෙන් ලබාගත් නියෝගයක් හරහා පොලීසියේ සහයෝගය ඇතිව ටී.එන්.එල්. නාලිකාවේ පොල්ගහවෙල විකාශනාගාරයේ ට‍්‍රාන්ස්මීටර් ආදි උපකරණ රැුගෙන ගොස්, විකාශනාගාරයට සීල් තබා ඇත. ඒ ටී.එන්.එල්. නාලිකාව විසින් පසුගිය දින ගණනාවකදී මෛත‍්‍රීපාල සිරිසේන ජනාධිපතිවරයා විසින් සිදුකර ඇති පැරණි ප‍්‍රකාශයන් සහ ඔහු විසින්ම දැන් සිදුකරන ප‍්‍රකාශයන් යළි යළිත් විකාශය කිරීමෙන් පසුවය. විදුලි සංදේශ නියාමන කොමිෂන් සභාව ඍජුවම ජනාධිපතිවරයාගේ යටතට පත්වෙන ආයතනයකි. එහි සභාපතිවරයා වන්නේ ජනාධිපති ලේකම්වරයාය. සිදුවීම කෙටියෙන්ම කීවොත් එසේය.
පාර්ලිමේන්තුවේදී විමල් වීරවංශ මන්ත‍්‍රීවරයා කියන අන්දමටම විදුලි සංදේශ නියාමන ආයතනය වැනි තැනකින් මාධ්‍ය ආයතනයක විකාශනාගාරයක් සීල් තැබීම වැනි තීරණයක් ගන්නේ ඉතාම සැලකිලිමත් වෙමින්ය. ජනාධිපතිවරයාගේ උපදෙස් නොපතා එවැනි දේශපාලන වැදගත්කමක් ඇති තීන්දුවක් ගත්තායැයි කියන්නේ නම් එය ජනාධිපතිවරයාගේ දුර්වලකම තහවුරු කරන කාරණයක් පමණි.
ටී.එන්.එල්. රූපවාහිනිය අයත් වන්නේ ටෙලිෂාන් නෙට්වර්ක් පෞද්ගලික සමාගමටයි. එහි සභාපතිවරයා වන්නේ ශාන් වික‍්‍රමසිංහ මහතාය. අගමැති රනිල් වික‍්‍රමසිංහ මහතාගේ සහෝදරයාය. ඔහු අප සමඟ සිදුවීම ගැන මෙසේ අදහස් දැක්වීය.
‘මේ විකාශනාගාරය සීල් තබන්නට මහේස්ත‍්‍රාත්වරයාගෙන් නියෝගය ලබාගෙන තියෙන්නෙ නාඳුනන පිරිසක් අනවසරයෙන් විකාශනාගාරයක් පවත්වාගෙන යන බව කියමින්. ඒකම බරපතළ ප්‍රෝඩාවක්. අපි අවුරුදු 25ක් තිස්සේ ටී.එන්.එල්. පවත්වාගෙන යනවා. අපි හොරු වංචාකාරයෝ නෙවෙයි. අපි සාමාන්‍යයෙන් විදුලි සංදේශ නියාමන කොමිසමට වාර්ෂිකව ගෙවිය යුතු ගෙවීම් කරනවා. සාමාන්‍යයෙන් විදුලි බිලක් කැපුවත් අපට රතු නිවේදනයක් එවනවා. ඒත් අපට අහවල් දිනට පෙර අහවල් ගෙවීම නොකළොත් විකාශනාගාරය ඉවත් කරන බව දැනුම්දීලා නෑ. මේ ගෙවීම් සම්බන්ධයෙන් විවිධ අවස්ථාවල ක‍්‍රියාකළ ආකාරය විවිධාකාරයි. අවුරුදු පහකට කලින් අපට ගුවන්විදුලිය, රූපවාහිනියේ වීඑච්එෆ් සහ යූඑච්එෆ් ආදි ලෙස වෙන වෙනම මුදල් ගෙවලා බිල් ලබාගත හැකි වුණා. දැන් අපට එකම බිලක් ලැබෙනවා. ඒ බිල් අපි ළඟ තියෙනවා. අපි 2018 දෙසැම්බර් 31 වෙනතුරු බිල් ගෙවලා තියෙනවා.’
පසුගිය ජුනි 05 වැනිදා මෙසේ පොල්ගහවෙල මහේස්ත‍්‍රාත් උසාවියෙන් නියෝගයක් ලබාගන්නේ විදුලි සංදේශ නියාමන කොමිෂන් සභාව විසින් පොල්ගහවෙල පොලීසියට කරන ලද පැමිණිල්ලක් අනුව එම පොලීසිය විසිනි. ඒ උසාවි නියෝගය රැුගෙන වහා කණ්ඩායමක් පොල්ගහවෙල විකාශනාගාරය පිහිටි ප‍්‍රදේශයට යන්නේය. විකාශනාගාරය ඇත්තේ කඳු මුදුනකය. ඒ වෙතට පයින් මඳ දුරක් යා යුතුය. මෙසේ පැමිණෙන කණ්ඩායම විකාශනාගාරයට පැමිණ ඇත්තේ කන්ද පාමුල උසාවි නියෝගයද අමතක කරමින්ය. ඒ අනුව විකාශනාගාරයේ භාණ්ඩ රැුගෙන ඔවුන් යන්නේ උසාවි නියෝගයද නොපෙන්වාය. නියෝගය පෙන්වා ඇත්තේ පසුවය.
මෙසේ නියෝග ලබන්නට ඔවුන් කඩ කර ඇත්තේ කුමන නීතියද? ඒ පිළිබඳව පැහැදිලි කළ යුත්තේ විදුලි සංදේශ නියාමන කොමිෂන් සභාවේ ප‍්‍රධානීන් විසින්ය. එහෙත් ඒ ප‍්‍රධානීන්ගෙන් මේ ගැන විමසන්නට නම් ඔවුන් අපගේ විමසුම්වලට පිළිතුරු ලබාදිය යුතුය.
ජනාධිපති ලේකම් සහ විදුලි සංදේශ නියාමන කොමිෂන් සභාවේ සභාපතිවරයා වන ඔස්ටින් ප‍්‍රනාන්දු මහතාගෙන් විමසන්නට ප‍්‍රශ්න රැුසක් අපට තිබුණි. ඔහුව ¥රකථනයෙන් සම්බන්ධ කරගැනීමට ජුනි 06 වැනිදා කිහිප වතාවක්ම අප උත්සාහ ගත් නමුත් ඔස්ටින් ප‍්‍රනාන්දු මහතා දුරකථනයට පිළිතුරු ලබා දුන්නේ නැත. දුරකථනය ක‍්‍රියා විරහිත කර ඇත.
විදුලි සංදේශ නියාමන කොමිෂන් සභාවේ අධ්‍යක්ෂ ජෙනරාල් පී.ආර්.එස්.පී. ජයතිලක මහතාද අප විසින් ලබාදුන් ඇමතුම්වලට පිළිතුරු ලබා දුන්නේ නැත. ඔහු ආයතනයේ සිටියදී ඔහුට කිහිප වතාවක් දුරකථන ඇමතුම් ලබාගත් නමුත් ඔහු සාකච්ඡුාවල සිටින බව ¥රකථනයට පිළිතුරු දුන් අය කීවා පමණි. ඒ සාකච්ඡුා අවසන් වී ඇමතුමක් ලබාදෙන ලෙස කියමින් අපේ දුරකථන අංකය ලබාදුන්නත් එසේ ඇමතුමක් ලැබුණේද නැත. ඒ වෙනුවට විදුලි සංදේශ නියාමන කොමිෂමෙන් නිවේදනයක් නිකුත් කර තිබුණි.
වී.එච්.එෆ්. 11 සහ වී.එච්.එෆ්. 03 තරංගමාලා හරහා රූපවාහිනී විකාශනය වෙනුවෙන් නියමිත බදු මුදල් ගෙවා නැති බව විදුලි සංදේශ නියාමන කොමිෂන් සභාව කියන්නේය. එසේ බදු මුදල් නොගෙවා විදුලි සංදේශ පනතේ අංක 22 වගන්තිය උල්ලංඝනය කර ඇතැයි නිවේදනයෙන් කියයි.
මෙම බලහත්කාරය පාන්නට පෙර පූර්ව දැනුම්දීමක් කර ඇතිදැයි කරන විමසීම්වලට පිළිතුරක්ද ඒ නිවේදනයෙහි ඇත. 2016 අපේ‍්‍රල් 27 වැනිදා එවැනි පූර්ව නිවේදනයක් ලිඛිතව ලබාදුන් බව එම නිවේදනයෙහි සඳහන්ය. ඒ කතාව සැබෑවක් නම් ඔවුන් රතු නිවේදනය එවා ඇත්තේ 2016 දීය. වැඩපිළිවෙළ දියත් කරන්නේ 2018 දීය. විදුලි සංදේශ නියාමන කොමිෂන් සභාවේ සිටින්නේ කුම්භකර්ණයන්දැයි අපි නොදනිමු. රතු නිවේදන නිකුත් කර අවුරුදු දෙකක් තිස්සේ ඔවුන් කළේ මොනවාදැයි අපි නොදනිමු. පොල්ගහවෙල තියෙන්නේ කොහේදැයි සොයාගන්නට බැරිවුණාදැයි නොදනිමු. රතු නිවේදනයෙන් අවුරුදු දෙකක් තිස්සේ ක්රියාත්මක වීම ප‍්‍රමාද මොන රටේදැයි ජනාධිපතිවරයාගෙන්ම විමසිය යුතුය. අනිවාර්යයෙන්ම වත්මන් ජනාධිපතිවරයා වැනි ජනාධිපතිවරුන් සිටින රටවල එසේ වෙනවා විය යුතුය.
එහෙත් මේ කිසිවක් ගැන විමසන්නට විදුලි සංදේශ නියාමන කොමිසමේ සභාපතිවරයා හෝ අධ්‍යක්ෂ ජෙනරාල්වරයා නැත. මාධ්‍ය ආයතනයක විකාශනාගාරයක් සීල් තැබීම සෙල්ලමක් ලෙස ඔවුන් සලකනවා විය හැකිය. එහෙත් අපට එය සෙල්ලමක් නොවේ. නැතිනම් හෙට ඕනෑම මාධ්‍ය ආයතනයක් අහවල් නීතිය උල්ලංඝනය ඇති බව කියමින් එයට සීල් තැබීමට අවස්ථාව සොයාගත හැකිය. එසේ සීල් තියා හැංගිමුත්තන් සෙල්ලමද කළ හැකිය. ඒවාට ඉඩ නොතැබිය යුතුය.
මාධ්‍ය නිවේදනයෙහි අන්තිමට තියෙන්නේ මෙය හුදෙක් අහවල් පනතේ අහවල් වගන්තිය උල්ලංඝනය කළ නිසා සිදුකළ ක‍්‍රියාවක් පමණක් බවයි. අන් කිසිදු අරමුණක් මෙහි නොතිබුණු බව ඒ නිවේදනයෙහි අවසානයේ සඳහන් කරයි. මෙවැනි විශේෂ සඳහන් කුමකටද? මෙහි වෙනත් අරමුණක් ඇති බව රටම විශ්වාස කරන නිසාය. අඩු තරමේ නිවේදනය ලියන පුද්ගලයා පවා මෙහි වෙනත් අරමුණක් නැතැයි විශ්වාස නොකරනවා විය හැකිය.
රාජපක්ෂ පාලන සමයේදී විදුලි සංදේශ නියාමන කොමිෂන් සභාව විසින් තහනම් කර තිබුණු වෙබ් අඩවි බොහෝ විය. මේ ආණ්ඩුව සමයේ මෛත‍්‍රීපාල සිරිසේන ජනාධිපතිවරයා දැඩිව විවේචනය කළ ලංකා ඊ නිවුස් වෙබ් අඩවියට ඇතුළු වීම විදුලි සංදේශ නියාමන කොමිෂන් සභාවේ උපදෙස් මත අන්තර්ජාල සේවා සපයන ආයතනවලින් තහනම් කර ඇත. තවමත් ලංකා ඊ නිව්ස් වෙත නිල වශයෙන් පිවිසිය නොහැකිය. (එහෙත් ජනමාධ්‍ය ඇමතිවරයාද ඇතුළු‍ව අන්තර්ජාල පරිශීලකයන් බහුතරය ලංකා ඊ නිව්ස් වෙත පිවිසෙන්නේ ප්‍රොක්සි සෙවුම් යන්ත‍්‍ර පාවිච්චි කරමින්ය.* ඊ නිව්ස් තහනම් කළේ එහි ඇති ආචාරධාර්මික නොවන භාෂා භාවිතය නිසායැයි කෙනෙකුට කිව හැකිය. එසේ භාෂා භාවිතය පාලනය කරන්නේ නම් ලංකාවේ ඇති වෙබ් අඩවි ගණනාවක් තහනම් කළ යුතුය. ජනාධිපතිවරයාව විවේචනය කරන වෙබ් අඩවියක්ම පාලනය කරන්නේ ඇයි.
මේ ආයතනය විනිවිදභාවයකින් කටයුතු කළ යුතු ආයතනයක් වුවද එය කිසිසේත්ම විනිවිදභාවයකින් යුතු නොවන බව පැහැදිලි කාරණයකි. ඒ නිසා එම ආයතනයෙන් ගන්නා තීන්දු දේශපාලන තීන්දු ලෙස සැලකීමට සිදුවෙයි.
පසුගිය දිනවල ජනාධිපතිවරයා විවේචනය කරමින් ටී.එන්.එල්. රූපවාහිනී නාලිකාව විකාශය කළ වැඩසටහන් අතර ඉදිරියෙන්ම තිබුණේ ජනාධිපති මෛත‍්‍රීපාල සිරිසේන මහතා විසින් වරින් වර සිදුකර ඇති ප‍්‍රකාශවල පරස්පරතාවන් පෙන්වාදීමයි. 2014 දෙසැම්බර් 09 වැනිදා ජනාධිපතිවරයා විහාරමහාදේවී උද්‍යානයේදී දින 100 වැඩසටහන ක්රියාත්මක කරන බවට ප‍්‍රතිඥා දෙමින් කළ ප‍්‍රකාශය ටී.එන්.එල්. නාලිකාව විකාශය කළේය. තමන් විසින් මහින්ද රාජපක්ෂ මහතාට යෑමට හෙලිකොප්ටර් ලබාදුන් බව 2016 අපේ‍්‍රල් 09 වැනිදා ජනාධිපතිවරයා කළ ප‍්‍රකාශයක් සහ 2018 මැයි 30 වැනිදා පදනම් ආයතයේදී මහින්ද රාජපක්ෂ මහතාට හෙළිකොප්ටර් ලබාදුන්නේ කවුදැයි එදින තමන් ගුවන් හමුදාපතිවරයාගෙන් විමසු බව ඔහු විසින්ම සිදුකළ ප‍්‍රකාශයක් ටී.එන්.එල්. හරහා විකාශය විය. ඊට අමතරව සෝභිත හිමියන් ප‍්‍රමුඛව සිවිල් සංවිධාන නායකයන් විසින් පොදු අපේක්ෂකයා විධායක ජනාධිපති ක‍්‍රමය අහෝසි කොට අලූ‍ත් ව්‍යවස්ථාවක් සම්මත කළයුතු බවට කරන ප‍්‍රකාශයන් යළි යළිත් විකාශය විය. එසේ විධායක ජනාධිපති ක‍්‍රමය අහෝසි කරන බවට වූ පොරොන්දු ඉටු නොකළොත් ජනාධිපතිවරයා සම්බන්ධයෙන් ජනතාව පියවරක් ගනු ඇතැයි සෝභිත හිමියන් විසින් කළ ප‍්‍රකාශයක් විකාශය විය. ඒ පොරොන්දු ඉටු කරන බවට ජනාධිපතිවරයා පොරොන්දු දුන් අයුරු යළි යළිත් විකාශය විය. වසර දෙකකට කලින් ටී.එන්.එල්. වෙත යැවූ රතු නිවේදනයක් විදුලි සංදේශ නියාමන කොමිසමට සිහිවී ඇත්තේ ඔය අස්සේය.
ටී.එන්.එල්. හරහා විකාශය වූ ප‍්‍රකාශයන් යළිත් අකුරු කරන්නට අපි උත්සාහ නොකරන්නෙමු. ජනාධිපතිවරයා කළ ප‍්‍රකාශයන් හාරා ඇවිස්සීම අලින්ට වීණා වැයීමක් බවට පත්ව හමාරය. ජනාධිපතිවරයා තමන්ගේ පොරොන්දු කඩ කිරීමෙන් එහා ගොස් ඒ පොරොන්දුවලින් ගැලවෙන්නට පාවිච්චි කළ උපක‍්‍රම සම්බන්ධයෙන් අපකීර්තියට පත්වී හමාරය. ජනාධිපතිවරයාට ඒවා සම්බන්ධයෙන් ලජ්ජාවක් නැතිනම් ඔහුගේ ධුර කාලය පසුවන තුරු වෙනත් දේශපාලන කරුණු කාරණා ගැන සොයා බලා ඒවාට මැදිහත්වීම කිරීම හැර අපට වෙන විකල්පයක් නැත. x
