No menu items!
20.9 C
Sri Lanka
28 March,2024

ගෝඨාගේ පුරවැසිභාවය ගැන සීඅයිඞී පරීක්ෂණ

Must read

ගෝඨාභය රාජපක්ෂ මහතාට ශ‍්‍රී ලංකාවේ පුරවැසිභාවය ලැබුණු ආකාරය පිළිබඳව සහ ලංකාවේ පුරවැසිභාවය අහිමිව තිබියදී 2005 ජනාධිපතිවරණයේදී ඡුන්දහිමියෙකු ලෙස ලියාපදිංචි වීම සහ එම මැතිවරණයේදී ඡුන්දය ප‍්‍රකාශ කළාද යන්න පිළිබඳව අපරාධ පරීක්ෂණ දෙපාර්තමේන්තුව පරීක්ෂණයක් ආරම්භ කර ඇත.

ආගමන හා විගමන පාලකවරයාගේ කාර්යාලයට ලිපියක් යොමු කරමින් අපරාධ පරීක්ෂණ දෙපාර්තමේන්තුව ඒ සඳහා අවශ්‍ය තොරතුරු ලබා දෙන්නැයි ඉල්ලීමක් කර තිබේ.

ගෝඨාභය රාජපක්ෂ මහතාගේ ඇමරිකානු පුරවැසිභාවය ඉවත් කර ඇතිදැයි සැක සංකා පවතින මොහොතක  ශ‍්‍රී ලංකා විදෙස් ගමන් බලපත‍්‍රයක් ඔහු ලබා ගත්තේ කෙසේද යන කාරණාව එම තොරතුරු මගින් පරීක්ෂා කිරීමට නියමිතය. මීට අමතරව 2005 ජනාධිපතිවරණයේදී ගෝඨාභය  රාජපක්ෂ මහතා ඡුන්දය පාවිච්චි කර ඇතිදැයි රූපවාහිනී විඩියෝ මාර්ගයෙන් සොයා බැලෙමින් ඇතැයි දැනගන්නට ලැබේ. ඉදිරියේදී මෙම සිදුවීම් දෙක සම්බන්ධයෙන් පුළුල් විමර්ශනයක් කර අධිකරණයට සහ නීතිපති දෙපාර්තමේන්තුවට කරුණු වාර්තා කරන බව අපරාධ පරීක්ෂණ දෙපාර්තමේන්තුවේ ආරංචි මාර්ගවලින් දැනගන්නට ලැබේ.

වැඩ බලන පොලිස්පතිවරයාට ලැබුණු පැමිණිලිවලට අනුව මෙම පරීක්ෂණ අපරාධ පරීක්ෂණ දෙපාර්තමේන්තුවට භාරදී ඇත.

ඡන්ද හිමි නාමලේඛනයේ ගෝඨාභය රාජපක්ෂගේ නම තිබීම පිළිබඳව පරීක්ෂණයක් කරන ලෙස අනිද්දා නියෝජ්‍ය කර්තෘවරයා මැතිවරණ කොමිෂන් සභාවට පැමිණිල්ලක් කර තිබුණි. මැතිවරණ කොමිෂන් සභාව මෙම පැමිණිල්ල පිළිබඳ සොයාබලන ලෙස පොලිස්පතිවරයාට ලිඛිතව දැනුම්දී ඇත. ඊට අමතරව ගෝඨාභය රාජපක්ෂගේ නම ඡුන්දහිමි නාමලේඛනයට ඇතුළත් කර ඇති නිවසේ ගෘහමූලිකයා ලෙස පෙනීයන චමල් රාජපක්ෂ මහතාට ඒ පිළිබඳව කරුණු දක්වන ලෙස දන්වමින් මැතිවරණ කොමිසම ලිඛිත දැනුම්දීමක් කර ඇත. x

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි