No menu items!
26.1 C
Sri Lanka
28 March,2024

ගැටුමකට ඉඩ නෑ: සජිත් කියලා

Must read

 

හදිසි ජනාධිපතිවරණයක් කැඳවුවහොත් තමන් ජනාධිපතිවරණ අපේක්ෂකයා බවට පත්වීමට බලාපොරොත්තු නොවන බවත්, අපේක්ෂකත්වය සම්බන්ධයෙන් පක්ෂ අභ්‍යන්තරයේ ගැටුම් ඇතිවීමට ඉඩ නොතබන බවත් පක්ෂයේ කණ්ඩායම් රැස්වීම් කිහිපයකදීම එක්සත් ජාතික පක්ෂයේ නියෝජ්‍ය නායක සජිත් ප්‍රේමදාස ප්‍රකාශ කර ඇතැයි එක්සත් ජාතික පක්ෂයේ අභ්‍යන්තර ආරංචි මාර්ග පවසයි.

ජනාධිපතිවරණයක් කැඳවුවහොත් ජනාධිපති අපේක්ෂකයා පිළිබඳව එක්සත් ජාතික පක්ෂය අභ්‍යන්තරයේ නායකත්ව ගැටුමක් ඇතිවිය හැකි බවත් එය ජනාධිපතිවරණයේදී ජයග්‍රහණය කිරීම සඳහා හේතුවනු ඇති බවත් මහින්ද රාජපක්ෂ සහ මෛත්‍රීපාල සිරිසේන පාර්ශ්වයේ මතය වී ඇතත් එවැනි තත්ත්වයක් ඇතිවීමට ඉඩ නොතබන බව සජිත් ප්‍රේමදාස මහතා ප්‍රකාශ කර ඇත.

අනිද්දා සමග අදහස් දැක්වූ එක්සත් ජාතික පක්ෂයේ ජ්‍යෙෂ්ඨ සාමාජිකයන් කිහිපදෙනෙකු ප්‍රකාශ කළේ පක්ෂ නායකත්වය සම්බන්ධයෙන් ගැටුම් ඇති නොවන අන්දමින් කටයුතු කිරීම සඳහා මේ වනවිට සාකච්ඡා වට රැසක්ම පවත්වා තිබෙන බවත්, එක්සත් ජාතික පක්ෂයට වාසිදායක දේශපාලන මොහොතක අභ්‍යන්තර ගැටුම් ඇති නොවන ලෙස කටයුතු කිරීම සම්බන්ධයෙන් සජිත් ප්‍රේමදාස එකඟතාවක සිටින බවත්ය.

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි