No menu items!
26.1 C
Sri Lanka
28 March,2024

කොළේ ඉරාගෙන ඇෙඟ් හලා ගැනීම

Must read

මහාචාර්ය සරත් විජේසූරිය

මෛතී‍්‍රපාල සිරිසේන ජනාධිපතිවරයා දිනපතාම කථා පවත්්වන්නේය. එ් කතාවලින් ගම්‍ය වන්නේ එතුමා ආණ්ඩුවේ තව දුරටත් ප‍්‍රධානියා නොවන බවය. ජනාධිපතිවරයාගේ අඬෝවැඩියාවන් දැන් දැන් අසා සිටීමටද අසීරුය.
අපමණ අපේක්ෂා නීති ගරුක පුරවැසියන් තුළ දල්වමින් ගෞරවයට පාත‍්‍ර වූ ජනාධිපතිවරයා තෙවසරක් ඇවෑමෙන් සෑම තරාතිරමකම පුද්ගලයන්ගේ අවඥාවට ලක්වී සිටීම කනගාටුදායකය.
ජනාධිපතිවරයා රටේ නායකයා ලෙස තමාට නොතරම් වැඩ මේ වන විට අපමණව සිදු කර ඇත. තව තවත් සිදු කරන බව ද පැහැදිලිය.
රනිල් වික‍්‍රමසිංහ මහතාගේ චරිතය ගැන හා එජාපයේ දේශපාලනය ගැන මෛතී‍්‍රපාල සිරිසේන මහතා නොදැන සිටියා විය නොහැකිය. දැනුවත්භාවයක් ඇතිවමය දෙදෙනා එක්ව රාජ්‍ය පාලනයට පියවර තබන්නේ. එහෙත් වැඩ වරද්දා ගන්නේ දෙදෙනා එක මේසයක වාඩි වී තීරණ නොගැනීම නිසාය. එ් තත්වයට ජනාධිපතිවරයා පත් වන්නේ ශී‍්‍රලනිපයේ සභාපති පදවිය භාරගෙන පක්ෂයේ බලය තහවුරුකර ගැනීමට අසමත්වීම ඔස්සේය. පක්ෂයේ සභාපති පදවිය භාර ගැනීම යුක්ති යුක්ත කිරීමට ජනාධිපතිවරයා අද කෙස් පැළෙන තර්ක ගෙනහැර පෑව ද සියල්ල අවුලෙන් අවුලට පත් වන්නේ එ් අමනෝඥ පිළිවෙත නිසාය. මෛතී‍්‍රපාල සිරිසේන මහතා අතින් සිදු වන්නේ පක්ෂයට ද අනර්ථයකි. පක්ෂයේ නිල නායකයා නොවුණත් මහින්ද රාජපක්ෂට වෙනත් පක්ෂයක් ඔස්සේ ජනාධිපතිවරයා බෙලසුන් කිරීමට හැකි බව පෙන්වීය. ජනතාව ජනාධිපතිවරයා ප‍්‍රතික්ෂේප කරන්නේ එතුමා තමාගේ නොහැකියාව වසා ගැනීමට බොරු කියන බව දිගින් දිගටම සනාථ වීම නිසාය. එ් ගැන විවාදයක් නැත.
මහින්ද රාජපක්ෂ මහතා ශී‍්‍රලනිපයට එරෙහිව මැතිවරණයකට මුහුණ දී මෛතී‍්‍රපාල සිරිසේන මහතා නන්නත්තාර කිරීමට සමත් වන්නේය. මහින්ද රාජපක්ෂ මහතා අලූත් පක්ෂයකට නායකත්වය ලබා දී ශී‍්‍රලනිපයට බරපතළ අනර්ථයක් ද සිදු කරන්නේය. එහෙත් තව දුරටත් පක්ෂයේ අනුශාසකවරයෙකු බවට එතුමා පත් කර ගැනීමට මෛතී‍්‍රපාල සිරිසේන මහතා දීන වී සිටින්නේය. දීන තත්වයකට ජනාධිපතිවරයා තල්ලූ කර දමා තිබෙන්නේ තමාට එදා එරෙහි වූ අය අද තමා ඔවුන්ගේ ග‍්‍රහණයට නතු කරගෙන, ඔවුන්ගේ අණසකට යටත් කරගෙන සිටින බැවිනි. එ් විලි ලැජ්ජා නැති තත්වය කියාපාන්නේ කොළේ ඉරාගෙන ඇෙඟ් හළා ගෙන සිටින බව නොවේ ද?
මයික‍්‍රෆෝනයක් ඉදිරිපිට ලැබෙන චිත්ත ධෛර්යෙන් ජනාධිපතිවරයා තොරතෝංචියක් නැති දේවල් ෙදාඩවයි. එ් හැම දෙඩවිල්ලකින්ම කොළේ ඉරාගෙන ඇෙඟ් හළා ගැනීමය කරන්නේ. ඉදිරියටත් සිත් සේ එ් පිළිවෙතේම පිහිටා කටයුතු කරනු ඇත.

මං මුළා වී සිටීම
සම්මුතිවාදී ආණ්ඩුව නිර්මාණය වන්නේ ජනාධිපතිවරයාගේ පූර්ණ දායකත්වයෙනි. එහෙත් මුල සිටම ජනාධිපතිවරයාගේ හිතෛෂීන් එජාපය සමඟ කටයුතු කරන්නේ විරසක ඇති කර ගැනීමේ උවමනාවෙනි. මේ නොමනා තත්වය සමනය කිරීමට ජනාධිපතිවරයා අසමත්වන්නේය. තවත් පැත්තකින් දෙපාර්ශ්වය අතර ගැටුම් උග‍්‍රකරලීමට ජනාධිපතිවරයා උඩ ගෙඩි දීම ද සිදු කරන්නේය. එය රාජ්‍ය නායකයෙකුට නොතරම්ය. මේ මුග්ධ කි‍්‍රයා කලාපය හේතුවෙන් රාජ්‍ය පාලනය ව්‍යාකූලවීමත් ජනතාවගේ අපේක්ෂා භංග වීමත් සිදු වන්නේය. අද වන විට තත්වය ඉතා අසාධ්‍ය වී තිබෙන්නේය.
රට වැසියන් අබිමුව ආණ්ඩුවේ දුබලතා, විශේෂයෙන්ම අගමැතිවරයාගේ පාර්ශ්වයේ දුබලතා, පැවසීමේ තේරුම කුමක් ද? රටේ නායකයාගේ වගකීම ප‍්‍රශ්න විසඳීම ද? ප‍්‍රශ්න තව තවත් ව්‍යාකූල කිරීම ද? ජනාධිපතිවරයාගේ හැසිරීමෙන් විශද වන්නේ තමන්ට ජනාධිපති පදවිය ඔරොත්තු නොදෙන බව ද? බොක්සිං කී‍්‍රඩාව කළ යුත්තේ බොක්සිං වළල්ල තුළ දීය.
ජනාධිපතිවරයාගේ හැසිරීම වූ කලි; සුක්කානම හැසිරවීමට නිසි පුහුණුවක් නැති පුද්්ගලයෙකු රියදුරු අසුනේ වාඩි වී රිය පැදවීමට නොහැකිව කෝපයෙන් සලිතව රිය තුළ වාඩි වී සිටින උදවියට ෙදාස් නඟන්නා වැනි කටයුත්තකි.
ජනාධිපතිවරයා අවිනීත අන්දමට වහසි බස් දෙඩවීමට එරෙහිව එජාපයේ පසුපෙළ මන්තී‍්‍රවරු පිරිසක් ජනාධිපතිවරයා සම්බන්ධයෙන් අප‍්‍රසාදය ප‍්‍රසිද්ධියේ පළ කළහ. ඉන් කෝප වූ ජනාධිපතිවරයා ප‍්‍රසිද්ධ රැුස්වීමක් අමතන විට පවසා සිටියේ, ”මාව විවේචනය කරන අයට මං කියන්නෙ කොළේ ඉරාගෙන ඇෙඟ් හලා ගන්න එපා” යන්නය.
උත්ප‍්‍රාසය නම් එ් කියමන ජනාධිපතිවරයාට නියමාකාරව අදාළ වී තිබීමය.
ජනාධිපතිවරයා දිනපතාම වාගේ කොළේ ඉරාගෙන ඇෙඟ් හලා ගනිමින් සිටින අන්දම ඛේදයකි. එය නම් දෛවයේ සරදමකි.
සෝභිත හිමියන්ගේ හැත්තෑහය වෙනි ජන්ම දින සැමරුමට සහභාගි වූ ජනාධිපතිවරයා, තමාට එ් සඳහා ආරාධනා නොකළ බව පැවසීම අසත්‍යයකි. දින සියයේ වැඩ සටහන ගැන තමා නොදන්නා බව පැවසීම ද අසත්‍යයකි. ජනාධිපතිවරයා අඳුරක මංමුළා වී සිටිනු පෙනේ. තව තවත් ලූහු බඳින්නේ අඳුරය. මේ අවාසනාවන්ත තත්වයට මුල් වී තිබෙන්නේ අකෘතඥතාව හා අ¥රදර්ශී කි‍්‍රයා කලාපය බව ඉමහත් කම්පාවෙන් හා දැඩි වේදනාවෙන් පැවසීමට සිදුව තිබේ.

අකෘතඥ වීමේ අවසන් ඉරණම
සෝභිත හිමියන් රටට පැවසුවේ නිර්පාක්ෂික පොදු අපේක්ෂකයෙකු ජනාධිපතිවරණයට ඉදිරිපත් කරන බවයි. මෛතී‍්‍රපාල සිරිසේන මහතා ශී‍්‍රලනිපය හැරදමා පැමිණියේ නිර්පාක්ෂික පොදු අපේක්ෂකයා ලෙස තරග කිරීමට විවෘත ප‍්‍රතිඥාවක් ලබා දෙමිනි. එහෙත් ජනාධිපතිවරණයෙන් ජය ලබා නිර්පාක්ෂික භූමිකාව එතුමා තනි කැමැත්තට අත් හරින්නේය. එ් වූ කලි සෝභිත හිමියන්ට පිටුපෑමකි. එ් අන්දමින් සෝභිත හිමියන්ට පිටුපෑම අකෘතඥතාව හැර අන් කිසිවක් නොවේ.
බල තණ්හාවට ශී‍්‍රලනිපයේ සභාපති පදවිය භාර ගත්ත ද පක්ෂයට නිසි නායකත්වයක් ලබා දීමට ජනාධිපතිවරයා අසමත් වන්නේය. එහි එක් ප‍්‍රතිඵලයක් වන්නේ පක්ෂයේ ලේකම්ගේ හා සන්ධානයේ ලේකම්ගේ අණට කීකරුව පරාජයට පත් කළ පුද්ගලයාට මැතිවරණයට තරග කිරීමට නාම යෝජනා බාරදීමට තරම් ඉතිහාසයේ ප‍්‍රථම වරට විධායක ජනාධිපතිවරයෙකු නිහීන තත්වයට ඇද වැටීමය.
ජනාධිපතිවරයා කොළේ ඉරාගෙන ඇගේ හලා ගන්නට පටන් ගන්නේ එතැන් සිටය.
ලේකම්වරුන් ඉවත් කිරීම, මධ්‍යම කාරක සභාව රැුස් කිරීමට විරුද්ධව ප‍්‍රසන්න සෝලංගආරච්චි උසාවි යැවීම, මැතිවරණයට පෙරාතුව මහින්ද රාජපක්ෂ මහතාට ලිපියක් ලිවීම යනාදිය විශද කරන්නේ කොළේ ඉරාගෙන ඇෙඟ් හලා ගත් සැටිය.
පළාත් පාලන මැතිවරණය දිගින් දිගටම කල් දම්මවමින් පක්ෂයේ බලය තහවුරු කර ගැනීමේ අරමුණින් උඩුගං බලා පිහිනුව ද ජනාධිපතිවරයාට සිදු වන්නේ අවසන බැසිල් රාජපක්ෂටත් බාල්දු වීමටය. එය ද කොළේ ඉරාගෙන ඇගේ හලා ගැනීමේ ආනිශංසයකි. පළාත් පාලන මැතිවරණයේ දී ජනාධිපතිවරයා එජාපයට ප‍්‍රහාර එල්ල කරමින් වාසියක් ලබා ගැනීමට කල්පනා කරන්නේය. එහෙත් එය බූමරංගයක් බවට පත් වන්නේය. එය ද කොළේ ඉරාගෙන ඇෙඟ් හළා ගැනීමකි. දැන් ජනාධිපතිවරයාට මහින්ද රාජපක්ෂගේ හා බැසිල් රාජපක්ෂගේ සරණ හැර අන් සරණක් නැති සේය. නැග්ග ඉනි මඟට පයින් ගැසීම නම් වූ අකෘතඥතාවට විපාක විඳින්නට ජනාධිපතිවරයාට ඉදිරියේ දී නිසැකවම සිදු වනු ඇත.

සෝභිත හිමියන්ට පිටු පෑම
සෝභිත හිමියන් රෝහල්ගත වීමට සෑහෙන කලකට මත්තෙන් ජනාධිපතිවරයා සම්බන්ධ නිවැරදි තීන්දුවකට පැමිණ සිටියේය. එ් බව උන් වහන්සේ පළ කළේ, ”මේ මනුස්සයා කිසි දෙයක් කරන් නෑ, මහා දුරුවල මනුස්සයෙක්” යන ප‍්‍රකාශයෙනි. එනමුත් කවුරුත් වෙර දැරුවේ ජනවාරි 08 ප‍්‍රතිඥා වෙනුවෙන් ජනාධිපතිවරයා දිරිමත් කිරීමටය. තතු කෙසේ වුව සෝභිත හිමියන් අපවත් වන තුරුම තමන් ලබා දුන් පොරොන්දු ඉටු කළ යුතුය යන අදහස ජනාධිපතිවරයාගේ හිතේ තිබුණා විය හැකිය. සෝභිත හිමියන්ගේ ආදාහනෝත්සවයේ දී ජනාධිපතිවරයා කතා කළේ හිතට එකඟව යයි සිතමි. එහෙත් එදිනෙන් පසු ජනාධිපතිවරයාට උපදෙස් දෙන කේවට්ටයන්ට අවනතව සෝභිත හිමියන්ට පිටු පා කටයුතු කරන තැනකට ජනාධිපතිවරයා තල්ලූ වන්නේය.
සෝභිත හිමියන්ගේ අභාවයෙන් පසුව නාග විහාරයේ දී පවත්වන ලද ප‍්‍රථම ජනවාරි 08 සැමරුමට ජනාධිපතිවරයා පැමිණියේය. එහිදී මහනායක ඉත්තෑපානේ ධම්මාලංකාර හිමියෝ සිය අනුසාසනාවෙන් පසුව ජනාධිපතිවරයාට සභාව ඇමතීමට ආරාධනා කළහ. ඊට හේතුව වූයේ ජනාධිපතිවරයා එ් සභාව අමතන්නේ නැතිව ආපසු යන බව ආරක්ෂක අංශ දන්වා තිබුණ හෙයිනි. එය සුදුසු නැති බව මහනායක හිමියන්ගේ අදහස වී තිබිණි. ජනාධිපතිවරයා සභාව ඇමතීමට භාවිත කරන ‘පෝඩියම්’ එක ද එ් අවස්ථාවේ ගෙනැවිත් තබා තිබුණි. එහෙත් ජනාධිපතිවරයා සභාව ඇමතීමට අදිමදි කළේය. මහනායක හිමියන් උන් වහන්සේ අත තිබුණ මයික‍්‍රෆෝනය ජනාධිපතිවරයා අතට දී වචන දෙක තුනක් කියන්නැයි පැවසූ විට ජනාධිපතිවරයා කළේ මයික‍්‍රෆෝනය ආරක්ෂක අංශයේ කෙනෙකුට දී සිටි තැනම සිටගෙන ඉතා සෙමින් වචන කිහිපයක් මිමිණීමය. එය සියල්ලන් විමතියට පත් කළ හා කිසිවෙකු අපේක්ෂා නොකළ කටයුත්තක් විය. ජනාධිපතිවරයාට සභාව ඇමතීමට ආරාධනා කිරීම ගැන ජනාධිපති ආරක්ෂක අංශයේ නිලධාරියෙකු පැමිණ මට ආවේගයෙන් ෙදා්ෂාරෝපණය කළේය. මේ අවස්ථාවට සහභාගිවීමට පැමිණ සිටි ජනවාරි 08 ජයග‍්‍රහණයට දායකවූවන් ඍජුවම පවසා සිටියේ ජනාධිපතිවරයා ”හරිම අකෘතඥයි” යන්නය. ජනාධිපතිවරයා එ් වන විටත් තමන්ට නොතරම් උත්සව සභා අමතමින් කොලේ ඉරා ගන්නා තත්වයකට අවතීර්ණව සිටියේය.
මේ සිද්ධිය මා මෙහි සිහිපත් කළේ ජනාධිපතිවරයා සෝභිත හිමියන්ට නිල වශයෙන් පිටු පෑ දවස හා පිටුපෑමට තීරණය කර සිටි බව පෙන්වා දීමටය. මේ දිනයෙන් පසුව ජනාධිපතිවරයා සෝභිත හිමියන් සමඟ අත්සන් කළ ගිවිසුම ඔස්සේ රටට ලබා දුන් ප‍්‍රතිඥා ඉටු කරන බව පැවසීම අත්හරින ලදි. සෝභිත හිමියන්ගේ ප‍්‍රථම ගුණ සැමරුම හා දෙවන ගුණ සැමරුම වෙනුවෙන් ජනාධිපතිවරයා පැමිණිය ද සෝභිත හිමියන් සමඟ ගිවිසුමක් අත්සන් කරමින් රටට ලබා දුන් ප‍්‍රතිඥා ඉටු කරන බව නොපැවසීමට හොඳින්ම වග බලා ගත්තේය. මේ වූ කලි එතුමා ජනාධිපතිවරණයේ දී පරාජයට පත් කිරීමට කැපවූ, සෝභිත හිමියන්ට වස කුප්පි ගෙනෙන ලද්දන් සමඟ එකගෙයි කෑමට පටන් ගැනීමෙන් පසුව සිදුවුණ විපරියාසයක් විය යුතුය.
2015 ජනාධිපතිවරණයෙන් පොදු අපේක්ෂකයා පරාද කිරීමට දිවි හිමියෙන් කැපවුණ පුද්ගලයෝ් අද හොර පාරෙන් ජනාධිපතිවරයාට ළංවී ඔහු නැත්තටම නැති කර දැමීමට සමත්ව සිටිති. එහි ප‍්‍රතිඵලය වී තිබෙන්නේ හැමදාම ජනාධිපතිවරයා ජනතාව අබිමුව කොළේ ඉරාගෙන ඇෙඟ් හලා ගැනීමය. ජනාධිපති පදවියට තමා පත් කිරීමට කැපවුණ පුද්ගලයන් සම්පූර්ණයෙන්ම බැහැර කොට රාජපක්ෂ කඳවුර සමඟ එකතු වී යළි බලයට පත්වීමට මාන බලන ජනාධිපතිවරයාට අත්ව තිබෙන ඉරණම විදහා පාන්නේ කුමක් ද? ශී‍්‍රලනිපයේ සභාපති පදවිය භාරගෙන පක්ෂයේ නායකයන් හා පක්ෂය දිනා ගැනීම නොව, තමා පක්ෂයේ නායකයන්ගේ අතවැස්සෙකු බවට අද පත්ව පක්ෂයේ පිළිකුලට භාජනය වී සිටීමය. මේ ඉරණම ජනාධිපතිවරයාට අත්වන බව සෝභිත හිමියන් පැවසුවේ ශී‍්‍රලනිපයේ සභාපති පදවිය භාර ගත් මුල් දවස්වලදීමය.

මහ දවල් බොරුකීම
ජනාධිපතිවරයා කායිකව නූතන ලෝකයේ සම්පත් භුක්ති විඳිමින් ජීවත් වුවත්, නූතන ලෝකය ගැන කතා කළත්, මනසින් තවමත් ජීවත් වන්නේ තාක්ෂණයේ පහස යන්තමින් හෝ නොලද අසරණ දුගී ගම්මානයක බව පෙනේ. අවසිහියෙන් මෙන් ප‍්‍රසිද්ධියේ බොරු කියන්නේ එ් නිසා විය යුතුය. එ් බොරු හෙළිදරව් වන විට සමාජ මාධ්‍යවලටත් ජන මාධ්‍යවලටත් එරෙහිව අවි අමෝරන තත්වයට ජනාධිපතිවරයා පත්ව සිටිනු පෙනේ. මේ කි‍්‍රයා කලාපයෙන් පෙන්නුම් කරන්නේ තමාගේ වළ තමා අතින් කපා ගැනීමට ද සැරසී සිටින බවය.
ජනාධිපතිවරයා බොරුකාරයෙකු බව සමාජ මාධ්‍ය ඔස්සේ සාධක සහිතව විවිධ පුද්ගලයන් මේ වන විට සනාථ කර හමාරය. එහෙත් ජනාධිපතිවරයා තව තවත් ඉදිරියට අපමණ බොරු කියනු ඇත. ජනාධිපතිවරයා පවසන බොරුවල අභ්‍යන්තරයෙන් මතුවන ඛේදය විශද කර සිටින්නේ රාජ්‍ය පාලනයට තමන් සතු නොහැකියාව මිස අන් කිසිවක් නොවේ. එ් ගැන කතා කිරීමට මත්තෙන් එතුමා විදහාපාන පෞද්ගලික ව්‍යාකුලතාව ගැන යමක් කිව යුතුව ඇත.
සෝභිත හිමියන්ගේ ජන්ම දින සැමරුමට තමන්ට ආරාධනා නොකළ බව පැවසීම එහෙම පිටින්ම මුසාවාදයකි. මේ මුසාවාදය පවසන්නේ කුමට ද? මට සෝභිත හිමියන් අමතක නෑ, එ්කයි මං අද අනාරාධිතවත් මෙතනට ආවෙ යන්න සමාජගත කිරීමටය.
අදාළ ජන්ම දින සැමරුමට අදාළ සාකච්ඡුාවන් සිදු කෙරුණේ කතානායකතුමාගේ ප‍්‍රධානත්වයෙනි. සාකච්ඡුා වට තුනක් පැවැත්විණි. පළමු සාකච්ඡුා වටයේදී මා යෝජනා කළේ ජනාධිපතිවරයාට හා අගමැතිවරයාට ආරාධනා නොකළ යුතු බවය. එහෙත් කතානායකතුමා එ් යෝජනාවට එකඟ වූයේ නැත. එ් අනුව ජනාධිපතිවරයාට සහ අගමැතිවරයාට ආරාධනා කිරීමේ වගකීම කතානායකතුමාට කමිටුවෙන් පැවරිණි. දෙවන සාකච්ඡුා වටයේදී කතානායකතුමා පවසා සිටියේ තමා ජනාධිපතිවරයාටත් අගමැතිවරයාටත් ආරාධනා කළ බවය. එ් අනුව නිල වශයෙන් අරාධනා ලිපි භාරදීම කමිටුවේ ලේකම් පාලිත ළිහිණියකුමාර මහතාට පැවරිණි. තෙවෙනි සාකච්ඡුා වටයේ දී පාලිත ළිහිණියකුමාර මහතා සභාවට වාර්තා කළේ නිල ආරාධනා ලියුම් භාර දුන් බවය. ජනාධිපතිවරයාගේ ආරාධනාව ජනාධිපති නිල නිවසටත්, ජනාධිපති කාර්යාලයටත්, ජනාධිපති මාධ්‍ය අධ්‍යක්ෂටත් භාර දුන් බවය සඳහන් කෙරුණේ.

ඇත්ත කුමක් ද?
සෝභිත හිමි සැමරුමට නොපැමිණීමට ජනාධිපතිවරයා තීරණය කර සිටියේය. එහෙත් අගමැතිවරයා සහභාගි නොවන බව දැන ගත් පසුව ජනාධිපතිවරයා පැමිණීමට තීරණය කර ඇත. එසේ පැමිණීමට හේතුව සහභාගි නොවුණහොත් විවේචනයට ලක්වේ යයි යන කරුණ කිසිවෙකු විසින් ජනාධිපතිවරයාට පවසා තිබීමය. මෙහිදී ද විශද වන්නේ අගමැතිවරයා සමඟ මුහුණට මුහුණ සටනක් කිරීමට ජනාධිපතිවරයා අසමත් බවය. පාළු ගෙයි වළං බිඳීම පළ කරන්නේ කුමක් ද?

දින සියයේ වැඩ සටහන
සෝභිත හිමියන් විධායක ජනාධිපති පදවිය අහෝසි කිරීමට පූර්ව සූදානමකින් දින එකසිය අසූවකින් සම්පූර්ණ කිරීමට වැඩසටහනක් සම්පාදනය කරන ලදි. මේ වැඩ සටහන නිර්මාණය කරන විට ජනාධිපතිවරණයකට දින නියමව නොතිබිණි. සෝභිත හිමියන්ගේ සමාජ ව්‍යාපාරයට රනිල් වික‍්‍රමසිංහ මහතා එකතුවීමෙන් අනතුරුව ද පොදු අපේක්ෂකයා යන මාතෘකාව සෝභිත හිමියෝ බැහැර නොකළහ. මුලදීම කාගේත් අවධානය යොමුව තිබුණේ දේශපාලන පක්ෂයක් නියෝජනය නොකරන්නෙකු පොදු අපේක්ෂකයා විය යුතු බවය. විවිධ මට්ටම්වල ගණන් බැලීම් අවසන් වන්නේ මෛතී‍්‍රපාල සිරිසේන මහතා පොදු අපේක්ෂකයා ලෙසට තෝරා ගනිමිනි. පොදු අපේක්ෂකයා ලෙස කරළියට පැමිණි පසුව මෛතී‍්‍රපාල සිරිසේන මහතාගේ ද දායකත්වය ඇතිව සෝභිත හිමියන් දින එකසිය අසූවකින් ඉටු කිරීමට සැලසුම් කළ වැඩ සටහන දින සියයක වැඩ සටහනක් බවට පත් වන්නේය.
මෛතී‍්‍රපාල සිරිසේන මහතා පොදු අපේක්ෂකයා ලෙස තරග කිරීමට පැමිණෙන්නේ එජාපයේ සහයෝගය තමාට ලබා දීමට රනිල් වික‍්‍රමසිංහ මහතාගේ කැමැත්ත ලැබෙන බව දැනගත් පසුවය. තතු කෙසේ වුව ජනාධිපතිවරණයේ ප‍්‍රචාරක කටයුතු මහින්ද රාජපක්ෂගේ පාර්ශ්වය විධිමත්ව සංවිධානය කොට තිබුණි. ඊට මුහුණ දීමට හිස් අතින් පැමිණි මෛතී‍්‍රපාල සිරිසේන මහතාට සැබවින්ම හැකියාවක් නැත. දැවැන්ත මැතිවරණයකට අවශ්‍ය යන්ත‍්‍රණයක් තිබුණේ එජාපයටයි. එජාපය ජනාධිපතිවරණයේ දී අවධානය යොමු කරන්නේ පොදු අපේක්ෂකයාගේ ජයග‍්‍රහණයටයි.
දින සියයේ වැඩ සටහන සකස් කිරීම සාමූහික කටයුත්තකි. එම කෙටුම්පත අවසන් වතාවට සාකච්ඡුාවට බඳුන් වන්නේ විපක්ෂ නායක කාර්යාලයේ දීය. ඊට සහභාගි වූ පිරිස අතර එජාපයෙන් රනිල් වික‍්‍රමසිංහ, සජිත් ප්‍රේමදාස, මංගල සමරවීර, රවි කරුණානායක ප‍්‍රධානය. චන්ද්‍රිකා බණ්ඩාරනායක මැතිනියත් මෛතී‍්‍රපාල සිරිසේන මහතාත් එ් අවස්ථාවට සහභාගි වෙති. සියලූ දෙනාගේ අදහස් ලබා ගෙන වැඩ සටහන සකස් වේ. සකස් කළ දින සියයේ වැඩසටහන වාක්‍යයක් වාක්‍යයක් පාසා කියවමින් නැවතත් පිරිසගේ අදහස් ලබා ගෙන තිබෙන්නේ ජනාධිපති නීතිඥ ජයම්පති වික‍්‍රමරත්න මහතාය.
මේ හා සම්බන්ධ වාර්තා නිරීක්ෂණය කරන විට සක්සුදක් සේ පැහැදිලි වන දෙයක් වන්නේ දින සියයේ වැඩ සටහන සකස් කිරීමට පොදු අපේක්ෂකයා ලෙස මෛතී‍්‍රපාල සිරිසේන මහතා ද සහභාගි වී තිබෙන බවයි. එ් වැඩ සටහන එතුමා විසින්ද අනුමත කරන ලද බවයි.

හෙලිකොප්ටර් ලබා දීම
2015 ජනාධිපතිවරණයෙන් පරාද වුණ මහින්ද රාජපක්ෂ මහතාට මැදමූලන යන්නට හෙළිකොප්ටර් ලබා දීම රනිල් වික‍්‍රමසිංහගේ කටයුත්තක් බවට සැකයක් නැත. එහෙත් පසු අවස්ථාවක මහජන රැුස්වීමක දී ජනාධිපතිවරයා මහ හ`ඩින් පවසන්නේ හෙළිකොප්ටර් ලබා දීම කළේ තමා බවය. මේ කතාව කියන්නේ තමාට ලකුණු දමා ගැනීමට බව පැහැදිලිය. එ් ජනාධිපතිවරයාගේ විලාසයයි. එ් වූ කලි අ¥රදර්ශී ලෙස කතා පැවැත්වීමේ දී විදහාපාන ව්‍යාකූලතාව විනා අන් කිසිවක් නොවේ. තමාගේ ප‍්‍රතිරූපය ගොඩ නඟා ගැනීම උදෙසා හිතට එන දේවල් අවිචාරයෙන් කියාපෑම ඔහුගේ සොබාවය වන්නේය. නායකයෙකු නිතර නිතර මහජන රැුස්වීම් ඇමතීම සුදුසු නැත. පූර්ව සූදානමකින් තොරව අදාළ අවස්ථාවට නොගැළපෙන දේ කතා කිරීම ද සුදුසු නැත. මේ වූ කලි නායකයෙකු සතුව තිබිය යුතු විනයකි. එ් විනය ජනාධිපතිවරයාට ඇත්තේම නැත. තමා දක්ෂ කථිකයෙකුය යන අධිමානයෙන් පෙළෙන ජනාධිපතිවරයා කල්පනා කරන්නේ තමා පවසන ඕනෑ දෙයක් ජනතාව ඉස්මුදුනින් පිළිගන්නා බවය. මේ තත්වයට ජනාධිපතිවරයා තව තවත් තල්ලූ කරන්නේ ඔහු අසල ගැවසෙන කේවට්ටරාළලාය. ජනාධිපතිවරයා පවසන දේවල් සම්බන්ධයෙන් මුරුංගා අත්තේ තැබීම මඟින් ජනාධිපතිවරයා තමා වැටී සිටින මඩ වල තව තවත් විශාල කර ගන්නා ඉරණමකට අද ගොදුරුව සිටියි.

අනුවණ ලෙස නිරුවත් වීම
ජනාධිපතිවරයා ඇතැම් දේවල් අවිචාරවත් ලෙස තමාගේ ගිණුමට බැර කර ගැනීමට උත්සුක වී ඇත. එසේම ජනාධිපතිවරයා බොහෝ දේවල් වෙනත් අයගේ ගිණුම්වලට බැර කිරීමට උත්සුක වන අන්දම ද කැපී පෙනේ. උදාහරණයක් ලෙස දේශපාලන ප‍්‍රතිසංස්කරණ කි‍්‍රයාවලියේ දී ජනාධිපතිවරයාගේ නිහඬතාව ගැන සිවිල් සමාජය විමසන හැම විටම ජනාධිපතිවරයා පවසන්නේ, ”කිසි දේකට මගෙ විරුද්ධත්වයක් නෑ, එ්ත් මට කරන්න දෙයක් නෑ, පක්ෂයට කැමති තීරණයක් ගන්න මම ඉඩ දීලයි තියෙන්නෙ.” යන්නය. පක්ෂයේ අදාළ පුද්ගලයන් විමසන විට ඔවුන් පවසන්නේ තමන් කටයුතු කරන්නේ ජනාධිපතිවරයාගේ සිතැඟි අනුව බවයි. සිරිසේන ජනාධිපතිවරයා කොන්ද පණ නැති නායකයෙකුය යන ප‍්‍රවාදය නිර්මාණය වන්නේ ඉතා තීරණාත්මක කටයුතුවලදී ඔහු පෙන්වන මේ දුර්වල හා චංචල තත්වය නිසාය.
මං කිසි දෙයක් දන්නෙ නෑ. මං දැක්කෙ පත්තරෙන්. මට කිසි දෙයක් කියන්නෙ නෑ. යනුවෙන් ජනාධිපතිවරයා නිතරම මහජනයා ඉදිරියේ දී පවසයි. එ් කුමට ද?
රටේ නායකයා අසරණ ප‍්‍රකාශ කිරීම කිසිසේත් සුදුසු නැත. වගකීම් විරහිතභාවය භයානකය. එ් ප‍්‍රකාශවලින් තමා දුර්වලයෙකු බව නොවේද ජනාධිපතිවරයා රටට විදහා පාන්නේ? ආණ්ඩුව තුළ තමාව නොසලකා හැර ඇති බවක් නොවේ ද ඉන් ගම්‍ය වන්නේ. කෙනෙකු තමා ඇඳ සිටින සරම කඩාගෙන මුහුණ වසා ගත් විට කාටත් පෙනේනේ සෙළුව නොවේ ද?
ජනාධිපති පදවියේ දිව්රුම් දුන් පසුව ¥ෂිතයන් සහ අපරාධකාරයන් හා සම්බන්ධව නීතිය කි‍්‍රයාත්මක වීමේ මන්දගාමීභාවය ගැන විමසන විට මාස ගාණක් තිස්සේ ජනාධිපතිවරයා පැවසුවේ මම මගේ බලතල පාවිච්චි කළේ නෑ යන්නය. ආර්ථිකය සම්බන්ධයෙන් ද වාදනය කළේ එ් තැටියමය. නිතරම පැවසුවේ එ් එ් උදවියට මං වගකීම් පවරලයි තියෙන්නෙ යන්නය.
සමාජයෙන් විවේචන එල්ල වන විට ජනාධිපතිවරයා මහජන රැුස්වීම් අමතමින් පවසා සිටියේ මොනවා ද?
”සමහරු කියනවා, මිනිහට බෑ කියලා, මිනිහට පණ නෑ කියලා, මිනිහා දුර්වලයි කියලා” යනාදියයි.
රටේ නායකයා උජාරුවෙන් පවසා සිටි මේ හිඟන කතාවලින් තව තවත් සනාථ කළේ ජනාධිපතිවරයාගේ අසාර්ථකභාවය මිස අන් කිසිවක් නොවේ.

සැඟවුණ බිය
සතුරා සමඟ සටන් කළ යුත්තේ සටන් බිමේ දීය. සටන් බිමේ දී සතුරා සමඟ සටන මඟහැර පාළු ගෙදරක වළං බිඳින්නා සේ් හිස් අවකාශයක මරහඬ තැලීම විදහා පාන්නේ කවරෙකුගේ වුව සැඟවුණ බියයි. පිටි පස්සෙන් ඇවිත් පිහියෙන් අනින්නන් යනුවෙන් ගැමියන් හඳුන්වන්නේ මෙවැන්නවුන්ය. ඔවුන්ට මුහුණට මුහුණ සටන් නොහැකිය.
මෛතී‍්‍රපාල සිරිසේන මහතා රටේ ජනාධිපති පදවිය දරන්නේ චන්ද්‍රිකා මැතිනියගේ මැදිහත්වීම නිසා බව කිව යුතු නැත. හැට දෙලක්ෂයකට වැඩි ඡුන්ද ප‍්‍රමාණයක් මෛතී‍්‍රපාල සිරිසේන මහතා ලබන්නේ තමා සිටි පක්ෂයේ තමන්ට සමීපව සිටි සියලූ දෙනා එක පෙළට සිට ගෙන තමාට අවමන් කරමින් පහර දෙන විට එජාපය සමඟ සිවිල් සමාජය ජයග‍්‍රහණය වෙනුවෙන් කැපවුණ බැවිනි.
අවසන් ප‍්‍රතිඵලය කුමක් ද?
ජනාධිපතිවරයා චන්ද්‍රිකා මැතිනිය සමඟ අමනාප වන්නේය. රනිල් වික‍්‍රමසිංහ මහතා සමඟ අමනාප වන්නේය. තමා වෙනුවෙන් කැපවුණ අදීන සිවිල් සංවිධාන සමඟ අමනාප වන්නේය.
ජනාධිපතිවරයා දීර්ඝ කාලයක් චන්ද්‍රිකා මැතිනියට යටත්ව දේශපාලනය කළේය. ඉන්පසුව මහින්ද රාජපක්ෂට සහ බැසිල් රාජපක්ෂට යටත්ව දේශපාලනය කළේය. දේශපාලන වැඩ බිම තුළ රනිල් සිරිසේනට සමකාලිකයෙකු නොව ”සර්” කෙනෙකි. එය ද යටත්භාවයකි. අද ජනාධිපති පදවිය ලබා සිටියත් යට කී සියලූ චරිත කෙරේ ජනාධිපතිවරයාට තිබෙන්නේ සැඟවුණ බියකි.
යා දෙක නොරත රත සමඟ පෑහීමක් නැත.
රනිල් වික‍්‍රමසිංහ අගමැතිව පමණක් නොව ඔහුගේ ගජමිතුරන් පවා අදාළ අවකාශය තුළ මෙල්ල කිරීමට ජනාධිපතිවරයා අසමත්ය. මේ පීඩනය ඔහු තුනී කර ගන්නේ අන් අය ලවා අවලාද නැඟීමෙනි. දුර්වලයෙකු තමා වෙනුවෙන් තමන්ට සටන් කළ නොහැකි බව වටහා ගත් විට ප‍්‍රතිවාදීන්ට ප‍්‍රහාර එල්ල කිරීමට කිහිළිකරු සෙවීම සොබාවයයි. මෙය රාජ්‍ය නායකයෙකු සම්බන්ධව පැහැදිලිවම ඛේදයකි.
ජනාධිපතිවරයා තමන් අකමැති පුද්ගලයන්ට අන්‍යයන් ලවා පහර දීම ප‍්‍රිය කරන බව පැහැදිලිය. එසේ පහර දෙන්නන් තමන්ට ආරක්ෂාව සපයන්නන් ලෙස වැටහා ගෙන සිටින බව ද පැහැදිලිය. එ් නිසා ඔවුන්ට ණය ගැති බවක් ද පෙන්නුම් කරයි ඊට නිදසුනක් ලෙස, ඩිලාන් පෙරේරාගේ අණට කීකරුව දුමින්ද දිසානායක මහ ලේකම් පදවියෙන් ඉවත් කිරීම දැක්විය හැකිය.
ගෝඨාභය රාජපක්ෂව අධිකරණයට කැඳවූ නිසා කෝපාවිෂ්ඨව ජනාධිපතිවරයා අල්ලස් දුෂණ විමර්ශන කොමිෂන් සභාවේ අධ්‍යක්ෂ ජනරාල් පදවිය දැරූ දිල්රුක්ෂි ඩයස් වික‍්‍රමසිංහ ගෙදර යැව්වේය. ගෝඨාභය රාජපක්ෂ අපරාධ හා දුෂණ ගණනාවකට වග කිව යුත්තෙකු වී සිටියත් ඔහු අත්අඩංගුවට ගන්නට ජනාධිපතිවරයා ඉඩ නොදෙන්නේය. මනුෂ්‍ය ඝාතනවලට වගකිව යුත්තෙකුට කමාන්ඩෝ භට කණ්ඩායම් දෙකක් ලබා දීමට පවා නිවට වීම පළ කරන්නේ ජනාධිපතිවරයා අදටත් ගෝඨාභය සම්බන්ධව පවතින බිය විය යුතුය.

රාජපක්ෂවරුන් සරණයාම
රාජපක්ෂවරුන් සමඟ දේශපාලනය කළ කවුරුත් වහලූන් සේය කටයුතු කළේ. ජනාධිපතිවරයා ඉන් නිදහස ලැබුව ද, ඔහුට එ් නිදහස භුක්ති විඳින්නට අපහසු බවය දැන් දැන් පෙනී යන්නේ. මහින්ද රාජපක්ෂ ජනාධිපති ලෙස පක්ෂයේ සියලූ දෙනා සිය අණසකට යටත් කරගෙන කටයුතු කළ අන්දම ජනාධිපතිවරයාට සිහිනෙන් පවා පෙනෙනවා ඇත. තමාට එ් පෞරුෂය නැතිකම නිසා කල්පනා කරන්නේ යාප්පුවෙන් සියලූ දේ කර ගැනීමටය. එ් ගති සොබාවය සියලූ දෙනාම වටහා ගෙන සිටින බැවින් ජනාධිපතිවරයා දැන් නියමාකාරව රූකඩයක් වී හමාරය. හැම කෙනෙකුම ජනාධිපතිවරයා නැති තැන ඔහු ගැන කතා කරන්නේ දෙකේ කොළේට දමා බව සත්‍යයකි.
ජනාධිපතිවරයා ළඟ ඉතිරිව සිටින පිරිස ද ඉක්මනින් මහින්ද රාජපක්ෂට සමීප වනු ඇත. ජනාධිපතිවරයාටද ඉතිරිව තිබෙන්නේ රාජපක්ෂවරුන්ගේ රැුකවරණය ලැබීමයයි දැන් සිතන බව පෙනේ.
ජනාධිපතිවරණයට ඉදිරිපත් වුණ සිරිසේන මහතා පරාද කිරීමට කැපවුණ පුද්ගලයෝ එදා අසාර්ථක වූහ. එහෙත් ඔවුහු ජනාධිපති පදවියට පත්වුණ සිරිසේන මහතා පාරජය කිරීමට සමත්ව සිටිති. ඔවුන් අතැති කෙවිටට දැන් ජනාධිපතිවරයා අවනත බව ද පෙනේ.
දුමින්ද දිසානායක මහලේකම් පදවියෙන් ඉවත් කරන බව ඩිලාන් පෙරේරා ප‍්‍රසිද්ධියේ කැට තබා පැවසීය. ඉවත් කළ පසු තම ප‍්‍රථම සටන ජයගත් බව ද උජාරුවෙන් පැවසීය. දුමින්ද දිසානායක ඉවත් කිරීමෙන් හා රෝහණ ලක්ෂමන් පියදාසට මහ ලේකම් පදවිය ප‍්‍රදානය කිරීමෙන් රාජපක්ෂවරුන් සතුටු කර තිබේ. දයාන් ජයතිලකට රුසියාවේ තානාපති පදවිය ලබා දීමෙන්ද රාජපක්ෂවරුන් සතුටු කර තිබේ. තව දුරටත් බොහෝ දේ සිදු කරනු ඇත. අවසන ජනාධිපතිවරයා නතර වෙන්නේ මහින්ද රාජපක්ෂගේ පා සෙවණේ බව ද නොඅනුමානය.
දැන් ජනාධිපතිවරයා කොළේ ඉරාගෙන ඇෙඟ් හළා ගෙන හමාරය. තව දුරටත් විමසා බලන්නට කිසිවක් නැත. ජනාධිපතිවරයාට තිබෙන්නේ කල් මැන සිත සන්සුන් කරගෙන බුලත් අත් දෙකක් ගෙන මහින්ද රාජපක්ෂව සහ බැසිල් රාජපක්ෂ බැහැ දැකීමය. ඉන් අනතුරුව වියත් මඟ රැස්වීමක ඉදිරි පෙළ අසුනක වාඩි වී ”ගෝඨා සරණං ගච්ඡුාමි” කියා ප‍්‍රසිද්ධියේම දෝත් මුදුන් තබා සිතැඟි පැවසීමටය.x

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි