අරුණ ජයවර්ධන
පාර්ලිමේන්තුවේ උසස් නිලතල පිළිබද කාරක සභාව අගෝස්තු 9වැනිදා රැුස් වුණු විට ආචාර්ය දයාන් ජයතිලක රුසියානු තානාපති හැටියට යැවීම සම්බන්ධයෙන් විරෝධය ප‍්‍රකාශ කරමින් සිවිල් සමාජයේ තැනැත්තන් 99 දෙනකු සහ සංවිධාන 15ක් විසින් ඉදිරිපත් කර ඇති පෙත්සම ගැන තවදුරටත් සාකච්ඡුාවට ගනු ලැබීය.
දෙමළ ජාතික සන්ධානය නියෝජනය කරමින් කමිටුවේ සිටි එම්ඒ සුමන්තිරන් හා ජනතා විමුක්ති පෙරමුණ නියෝජනය කරමින් සිටි විජිත හේරත් යන මන්ත‍්‍රීවරු දැඩි ලෙස දයාන් ජයතිලක පත්කිරීමට විරුද්ධත්වය ප‍්‍රකාශ කළහ. ඔවුන් කීවේ, දයාන් ජයතිලක ලංකාවේ වර්තමාන අවශ්‍යතාවන් වෙනුවෙන් ලෝකයා ඉදිරියේ පෙනීසිටීමට තරම් සුදුස්සකු නොවන බවයි.
කමිටුවේ සෙසු සාමාජිකයන්ගෙන් මිශ‍්‍ර ප‍්‍රතිචාරයක් ලැබුණු අතර, සමහරුන් කීවේ, මෙය ජනාධිපතිවරයාට වුවමනා නිසා කරන පත්වීමක් බැවින් ඊට ඉඩ දිය යුතු බවයි. එහෙත් ජෝන් අමරතුංග ඇමතිවරයා, පත්වීම සම්බන්ධයෙන් ජවිපෙ සහ දෙමළ සන්ධානය දක්වන විරෝධතාව සලකා බැලිය යුතු බව කීවේය.
ජවිපෙ සහ දෙමළ සන්ධානය දැක්වූ බරපතළ විරෝධය හමුවේ කේන්ති ගත් ඇමති විජේදාස, දයාන්ගේ පත්වීම සාධාරණය කරමින් දිගින් දිගටම කතා කරන්නට විය. තමාගේ පක්‍ෂයේ නායකයා වන අගමැතිවරයාට, උදේ හවස සිරස නාලිකාව හරහා බැනවදිමින් සිටින දයාන් ගැන විජේදාස රාජපක්‍ෂට තිබුණේ පුදුම ඇල්මකි.
‘මේ කොමිටියට නියෝග දෙන්න බැහැ. කරන්න පුළුවන් නිර්දේශ විතරයි. එනිසා කොමිටියේ නිර්දේශ ලැබුණත් එකයි, නැතත් එකයි.’ විජේදාස රාජපක්ෂ කීවේය. එපමණක් නොවේ. දයාන්ට එරෙහිව ඉදිරිපත් කළ පෙත්සමේ අත්සන් කළවුන් කිහිප දෙනකුගේ නම් විශේෂයෙන් කියමින් එන්ජී ඕකාරයන් හැටියට ඔවුන් හඳුන්වමින්, දෙවියන් නැති තැන පිනුම් ගසන්නට පටන් ගත්තේය.
‘කොමිටියේ නිර්දේශවලින් වැඩක් නැත්නම් මහජන මුදල් වැයකරගෙන මේ කොමිටිය රැුස්වෙන්නේ, විරෝධතා එවන්න කියලා මහජනයාට දැන්වීම් දාන්නේ මොකටදැ’යි අනෙක් පැත්තෙන් ප‍්‍රශ්නයක් නැගිණි.
‘එල්ටීටීඊකාරයොයි, මිනීමරුවොයි මේ උසස් නිලතල කාරක සභාවට ඇවිත් වැඬේ අවුල්කරනවායැ’යි විජේදාස කිව්වේය.
අවසානයේ, ජවිපෙ සහ දෙමළ සන්ධාන සාමාජිකයන්ගේ විරෝධතාවද සටහන් කොට, දයාන් ජයතිලක ගැන විදේශ අමාත්‍යාංශය එවා තිබුණු වාර්තාවේ කරුණුවලට යටත්ව පත්වීම ගැන සුදුස්සක් කරන්නට ජනාධිපතිවරයාට පැවරීමට තීරණය විය. මේ වන විට ජනාධිපතිවරයා දයාන් ජයතිලක රුසියානු තානාපති ලෙස පත්කර තිබේ.
