No menu items!
26.1 C
Sri Lanka
28 March,2024

අගවිනිසුරුට කාලසීමාවක්

Must read

අගවිනිසුරු ධුරය වසර හතරක ධුරකාලයකට සීමා කළ යුතු බවට ජනාධිපතිවරයාට යෝජනාවක් ඉදිරිපත් කිරීමට ආණ්ඩුක්‍රම ව්‍යවස්ථා සභාව තීරණය කර ඇතැයි එහි සාමාජිකයෙක් කීය.

අගවිනිසුරු ධුරය සඳහා හිටපු නීතිපති ජයන්ත ජයසූරියගේ නාමය අනුමත කිරීමේදී ආණ්ඩුක්‍රම ව්‍යවස්ථා සභාවේ සාමාජිකයන් අතර මතභේදයක් තිබී ඇත. ඔක්තෝබර් 26 ආණ්ඩුක්‍රම ව්‍යවස්ථා කුමන්ත්‍රණය අවස්ථාවේ ජයන්ත ජයසූරිය නීතිපති තනතුරේ කටයුතු කළ අතර, ජනාධිපතිවරයාට පාර්ලිමේන්තුව විසුරුවාලිය හැකි බව එහිදී ඔහු තර්ක කර තිබුණි. ඒ පිළිබඳ සාකච්ඡාවලින් පසුව අගවිනිසුරු ධුරයට ජයන්ත ජයසූරිය මහතා පත් කිරීමට ව්‍යවස්ථා සභාවේ සාමාජිකයන් එකඟ වී ඇති අතර ධුර කාලය පිළිබඳව ඉහත තීරණය ගෙන තිබේ. අගවිනිසුරු තනතුර සඳහා සීමාසහිත ධුර කාලයක් ආණ්ඩුක්‍රම ව්‍යවස්ථාවෙන් නියම කර නොමැත. එසේ වුව අගවිනිසුරුවරයෙකු වයස අවුරුදු 65දී විශ්‍රාම යා යුතුය. ඒ අනුව වයස අවුරුදු 50ක පමණ අගවිනිසුරුවරයෙකු පත් කළහොත් අවුරුදු 15ක් තිස්සේ ධුරයෙහි කටයුතු කරන තත්වයක් ඇතිවීම මේ පිළිබඳව සාකච්ඡා කිරීමට හේතු වී තිබේ.

අනිද්දා සමඟ අදහස් දැක්වූ ආණ්ඩුක්‍රම ව්‍යවස්ථා සභාවේ සාමාජිකයෙකු කීවේ, අගවිනිසුරුවරයාගේ ධුර කාලය නීත්‍යනුකූලව සීමා කරන්නනට නම් ආණ්ඩුක්‍රම ව්‍යවස්ථාවට සංශෝධනයක් එකතු කළ යුතු බවත්, එසේ නැතිනම් බලයට පත්වන සියලු අගවිනිසුරුවරුන් වසර 4කින් විශ්‍රාම ගැනීමේ සම්ප්‍රදායක් ඇති කළ යුතු බවත්ය. කෙසේ වෙතත් යෝජනාවක් ලෙස මෙම අවස්ථාවේ අගවිනිසුරුවරයාගේ ධුර කාලයට සීමාවක් යෝජනා කිරීමට බලාපොරොත්තු වන බවද ඔහු කීය. ■

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි