• යකඩ පොල්ලක් ගුද මාර්ගයේ යවලා
  • පැට්‍රෝල් මලූවල ඔළුව ඔබා හුස්ම හිර කරලා
  • යකඩ පොලූ ගිනියම් කර පහරදීලා
  • ගැබ්ගැනීම වළක්වන්නට උපත් පාලන එන්නත් දීලා

‘2015 සිට 2015 දක්වා ඇමෙරිකානු පුරවැසියෙකුගේ නායකත්වයෙන් ලේ වැකුණු වාර්ගික හිංසනය හා දේශපාලන පීඩනය මුල් කරගත් ව්‍යාපෘතියක් ශ‍්‍රී ලංකාවේ ක‍්‍රියාත්මක විය. එම ඇමෙරිකානු පුරවැසියා ගෝඨාභය රාජපක්ෂ නම් වේ. ඔහුගේ සහෝදරයා වන මහින්ද රාජපක්ෂ 2005දී ශ‍්‍රී ලංකාවේ ජනාධිපති බවට පත්වීමෙන් පසුව ශ‍්‍රී ලංකාවේ ආරක්ෂක ලේකම් බවට ගෝඨාභය පත්විය. ඇමෙරිකාවේ ලොයොලා නීති විද්‍යාලයේ තොරතුරු තාක්ෂණ දෙපාර්තමේන්තුවේ සිය රැුකියාව අත්හැර ගෝඨාභය රාජපක්ෂ ශ‍්‍රී ලංකාවේ ආරක්ෂක අංශවලට නියෝග දෙන්නා බවට පත්විය. එම ආරක්ෂක අංශ දේශපාලන පසමිතුරන් මත මුදාහැරියේය.’

මෙසේ සඳහන්ව ඇත්තේ ශ‍්‍රී ලංකාවේ ජනාධිපතිවරණ අපේක්ෂකත්වය බලාපොරොත්තුවෙන් සිටින, ගෝඨාභය නන්දසේන රාජපක්ෂට ඇමෙරිකාවේ කැලිෆෝනියා මධ්‍යම දිස්ත‍්‍රික් උසාවියට පැමිණිලි කරමින් පවරා තිබුණු නඩුවක හැඳින්වීමෙහිය. ආරක්ෂක අමාත්‍යාංශයේ ලේකම් වශයෙන් කටයුතු කරන කාලයේදී වදහිංසාවට ලක් වූ වින්දිතයන් පිරිසක් එසේ සිවිල් නඩු පවරා තිබුණි.

ගෝඨාභය රාජපක්ෂට එරෙහිව අපේ‍්‍රල් 5 වැනිදා මුලින්ම නඩු පවරා තිබුණේ රෝයි සමාදානම් නමැති ශ‍්‍රී ලංකාවෙන් විතැන් වූ කැනේඩියානු ජාතිකයෙකි. ඔහු ශ‍්‍රී ලංකාවට පැමිණි මොහොතක වධහිංසාවට ලක් කළේයැයි චෝදනා කරමින් මුල් නඩුව ගොනු කර තිබුණි. පසුව ඒ පැමිණිල්ල සංශෝධනය කරමින්, තවත් වින්දිතයන් 10 දෙනෙකුගේ නම් එකතු කර තිබුණේ 2019 ජුනි 26 වැනිදාය. අප මේ සටහනෙහි වාර්තා කරන්නේ කරන්නේ ඉහත කී නඩුවේදී පැමිණිලිකරුවන් ඉදිරිපත් කර ඇති චෝදනාය. මෙම නඩුව ගොනු කර ඇත්තේ වධහිංසාවට ගොදුරු වූ වින්දිතයන් ආරක්ෂා කිරීමේ පනත යටතේය. ඔවුන්ට ශ‍්‍රී ලංකාවේ ආරක්ෂක අංශවලින් මුහුණදෙන්නට සිදුවුණායැයි කියන වධබන්ධනවලට ගෝඨාභය රාජපක්ෂ වගකිව යුතු බව ඔවුන් චෝදනා කරයි.

සත්‍යය හා යුක්තිය සඳහා වන ජාත්‍යන්තර ව්‍යාපෘතිය නම් සංවිධානය (අයිටීජේපී* හවුස්ෆෙල්ඞ් නම් ජාත්‍යන්තර නීතිඥ සමාගම හරහා ඉහත කී නඩුව පවරා තිබුණි. අයිටීජේපී පවසන්නේ ඔවුන් මේ නඩු ගොනුකර ඇත්තේ වසර හයක පමණ තොරතුරු එකතු කිරීමකින් පසුව බවය. නඩුවේ පවසන අන්දමට වින්දිතයන්ට තමන්ගේ ආරක්ෂාව පිළිබඳව අවධානයක් ඇති වීමට ඉඩ ඇති බැවින් ඔවුන් නිර්නාමිකව සිටීමට තීරණය කර ඇත. එම පැමිණිලි ගොනු කළ දසදෙනා අතර කාන්තාවෝ් දෙදෙනෙක් සිටිති. දසදෙනා අතරින් දෙමළ ජාතිකයෝ අටකි. සිංහල ජාතිකයෝ දෙකකි.

වෛද්‍ය සාෆිට එල්ලවූ චෝදනාවක් මත පදනම්ව සිංහලයන් සංහාරය කර ඇතැයි තීන්දුව ලියූ ලංකාවේ සිංහල මාධ්‍ය ගෝඨාභය රාජපක්ෂට එරෙහිව ඇති චෝදනා මොනවාදැයි වාර්තා කර නැත. අප අනෙකුත් සිංහල මාධ්‍ය මෙන් ගෝඨාභය රාජපක්ෂට ඇති චෝදනා මත පදනම්ව තීන්දුව ලියන්නේ නැත. ඒ නිසා අප මෙහි පැහැදිලිව සටහන් කර තබන්නේ මෙහි ඇත්තේ ගෝඨාභය රාජපක්ෂට නඩු පැවරීමකදී එල්ලකළ චෝදනා පමණක් බවය. අප මෙහි වාර්තා කරන්නේ එම චෝදනා පමණි. ඒවා ඔප්පු වීම හෝ නොවීම තවමත් සිදුවී නැත. ඒවා බැහැරකිරීමේ අයිතියක් ගෝඨාභය රාජපක්ෂ මහතාට ඇත.

එම නඩුවේ හැඳින්වීමෙහි සඳහන්ව ඇත්තේ ගෝඨාභය රාජපක්ෂ ආරක්ෂක අමාත්‍යාංශයේ ලේකම්වරයාව සිටිමින් ශ‍්‍රී ලංකාවේ යුද හමුදාව හා පොලීසිය සිය පාලනය යටතේ තබාගත් බවයි. දෙමළ ජනතාවට එරෙහිව දැවැන්ත හිංසනයක් ගෝඨාභය රාජපක්ෂ ක‍්‍රියාත්මක කළ බව හැඳින්වීමෙහි සඳහන් වෙයි. අතුරුදන්වූවන් පිළිබඳවද එහි දක්වා ඇත.

ඊට අමතරව ශ‍්‍රී ලංකාවේ 1983 කළු ජුලියේ සිට දේශපාලන පසුබිම එහි සඳහන් කර ඇත. ඊට අමතරව පුද්ගලයන්ට වධදීම සඳහායැයි පාවිච්චි කළ බවට චෝදනා එල්ලවන කඳවුරු හා ස්ථානවල නම් සඳහන් කර ඇත. චෛත්‍ය පාර ත‍්‍රස්ත මර්දන ඒකකයේ රැුඳවුම් කඳවුර, අපරාධ පරීක්ෂණ දෙපාර්තමේන්තුවේ මූලස්ථානය හෙවත් හතරවැනි තට්ටුව, බූස්ස ත‍්‍රස්ත මර්දන ඒකක කඳවුර, ගල්කිස්ස පොලිස් ස්ථානය, දෙමටගොඩ පොලිස් ස්ථානය, පුල්මුඬේ පොලිස් ස්ථානය, වවුනියාවේ ජෝසෆ් කඳවුර යන කඳවුරුවල නම් එහි සඳහන්ය. ඊට අමතරව පුද්ගලයන් පැහැරගෙන යෑම සඳහා සුදු වෑන් පාවිච්චි කළ බවද එහි සඳහන් කර ඇති අතර පැහැරගෙන යෑම්වල රටාව ගැනත්, ඒ මත පදනම්ව ගෝඨාභය රාජපක්ෂට සුදු වෑන් ගැන චෝදනා එල්ලවෙන බවත් එහි සඳහන්ය.

යකඩ පොලූ ගිනියම් කර ඔවුන්ට පහර දී ඇති බවත්, පැට්‍රෝල් දැමූ ප්ලාස්ටික් මලූවල ඔළුව ඔබා හුස්ම හිර කර ඇති බවත්, ඒ අතරින් හය දෙනෙකුව දිගින් දිගටම ලිංගික අතවරයට පත් කර ඇති බවත් චෝදනා අතර සඳහන්ය. මෙතැන් පටන් ඉදිරිපත් කරන්නේ එම වින්දිතයන් පාවිච්චි කළ ආරූඪ නාමවලින් ඔවුන් එල්ලකර ඇති චෝදනාය. මෙම චෝදනා දීර්ඝ ලෙස විස්තර කර ඇතත්, අපි මෙහි එම චෝදනාවල සාරාංශයක් පමණක් වාර්තා කරන්නෙමු.

රෝයි සමාදානම්

චෝදනාවල සඳහන් කරන ආකාරයට රෝයි 2005දී ශ‍්‍රී ලංකාවේ යුදමය පසුබිම නිසා කැනඩාවට පලා ගිය අයෙකි. කැනඩාවේදී ඔහු විවාහ වී ඇත. පසුව ඔවුන් කොළඹ නගරයේ නිවසක් කුලියට ගෙන එහි පදිංචියට පැමිණ ඇත. බිරිඳ දරුවා බිහිකරන තෙක් ශ‍්‍රී ලංකාවේ රැුඳී සිටීමට රෝයි තීරණය කර ඇත. රෝයි සඳහන් කරන අන්දමට ඔහු කාලයක් තිස්සේ මිතුරෙකුගේ පරිගණක උපකරණ කඩයක් සඳහා ඉලෙක්ට්‍රොනික භාණ්ඩ ආනයනය කරන ව්‍යාපාරයකට සහාය දක්වා ඇත. 2007 දෙසැම්බර් මාසයේදී මිතුරා ජංගම ¥රකථන 600ක් ආනයනය කළ බවත්, ඒ උපකරණ රෝයිගේ නිවසට එවා ඇති බවත් රෝයි පවසයි. ඒ පසුදින මිතුරා එම උපකරණ බාරගනු ඇතැයි බලාපොරොත්තුවෙනි. 2007 සැප්තැම්බර් 14 වැනිදා පාන්දර ස්වයංක‍්‍රීය තුවක්කුවක් රැුගත් පුද්ගලයෙකු පැමිණ තමන් ටීඅයිඞී නිලධාරීන් ලෙස හඳුන්වමින් නිවස පරීක්ෂා කිරීමට අවසර ඉල්ලා ඇත. ඔවුන්ට ඇතුළුවී පරීක්ෂා කිරීමට රෝයි සහාය දක්වා ඇත. එහිදී රෝයි සතුව නීති විරෝධී උපකරණ ඇතැයි නිලධාරීන් කියා ඇත. රෝයි පවසන අන්දමට රුපියල් 25,000ක මුදලක් දුනහොත් රෝයි නිදහස් කරන බව එම නිලධාරීන් කියා ඇත. එසේ නොවුණොත් ත‍්‍රස්ත මර්දන ඒකකයට රැුගෙන යන බව කියා ඇත. රෝයි සතුව මුදල් නොතිබුණු බවත්, ඔහු අත්අඩංගුවට ගත් බවත් ඔහු පවසයි. දෑස් වසා, මාංචු දමා ඔහු රැුගෙන ගිය බවත්, බිරිඳ හා දරුවා නිවාස අඩස්සියේ තැබූ බවත් චෝදනා කරයි. ඉන්පසුව ඔහු ත‍්‍රස්ත මර්දන ඒකකයේ මූලස්ථානයට රැුගෙන ගිය බව පවසයි. ආරක්ෂක අමාත්‍යාංශයේ ලේකම් ගෝඨාභය රාජපක්ෂ වෙනුවට එහි අතිරේක ලේකම් සුනිල් එස්. සිරිසේන අත්සන් කරන ලද රැුඳවුම් නියෝගයක් මත තමා තබාගත් බව ඔහු පවසයි. එහිදී පයිප්ප බට සහ රයිෆල් බදින් පහරදී, බිරිඳ සහ දරුවන් ¥ෂණය කොට මරා දමන ලද බවට තර්ජනය කිරීමෙන් පසු ඔහුගෙන් බලහත්කාරයෙන් පාපොච්චාරණයක් ගත් බව සදහන් කර ඇත. නීතිිඥයෙකු වෙත ඉදිරිපත් වීමට ඉඩ නොදී 2007 සිට 2008 නොවැම්බර් දක්වා ඔහු රඳවා තබාගෙන ඇත. එහිදී විවිධාකාර වධබන්ධනයන්ට පාත‍්‍ර කළ බව එම චෝදනාවෙහි සඳහන් වෙයි. ශාරීරික වශයෙන් මෙන්ම වාර්ගික අපහාස ආදිය සිදුකරමින් මානසික වශයෙන්ද තමන් පීඩාවට පත්කළ බව ඔහු පවසයි.

විද්‍යා ජයකුමාර්

ඉහත ආරූඪ නාමයෙන් පෙනී සිටින ඇය මෙසේ චෝදනා කරන්නීය. ඇය 1995 දී සිය මුල් ගම්මානයෙන් පිටව ගොස් ඇත. ඒ ඇගේ ගමට හමුදාවෙන් පහරදීමෙන් පසුවය. 1997 දී ඇයට වයස අවුරුදු 18ක්ව තිබියදී එල්ටීටීඊයට බැඳී ඇත. 2009 දී ඇය හමුදාවට බාරවී ඇත. ඉන්පසු ඇය හමුදාව භාරයේ සිට ඇති අතර ඇය පවසන අන්දමට වධබන්ධනයට ලක්ව තිබුණේ එම කාලසීමාවේදීය. ඇයට අලූත් ඇඳුමක් ඇන්දවූ සෙබලියන් සිංහල සෙබලියන් ඇය ගැටගසනු ලැබූ පසු එහි අණදෙන නිලධාරියා කුරිරු ලෙස තමා ලිංගිකව අපහරණය කළ බවට ඇය චෝදනා කරයි. පසුව වයස අවුරුදු 15-30 අතර දෙමළ කාන්තාවන් පිරිසක් සමග ඇය කාමරයක රඳවා තැබූ බවත් සේවය අවසන් කරන කඳවුරේ සොල්දාදුවන් සෑම රාත‍්‍රියකදීම පැමිණ සංසර්ගය පිණිස කාන්තාවන් තෝරා ගත් බවත් ඇය සාක්ෂි ලෙස ලබා දී ඇත. සිරකොට තබා ගත් අය තමන්ට සහ අනෙකුත් කාන්තාවන්ට ගැබ් ගැනීම වළක්වන්නට උපත් පාලන එන්නත් ලබා දුන් බවද සිය චෝදනාවෙහි ඇය පවසා ඇත. වධබන්ධනයට ලක්වූ අන්දම ඇය දීර්ඝ ලෙස එහි විස්තර කරමින් චෝදනා එල්ල කර ඇත.

රමේෂ් දේවරාජන්

රමේෂ් යන ආරූඪ නාමයෙන් පෙනී සිටින ඔහු දෙමළ මානව හිමිකම් ක‍්‍රියාධාරියෙකු ලෙස කටයුතු කළ අයෙකු බව සඳහන් කරයි. 2009දී ඔහු අත්අඩංගුවට ගෙන අපරාධ පරීක්ෂණ දෙපාර්තමේන්තුවේ මූලස්ථානයට රැුගෙන ගොස් ඇත. එහිදී ඔහු එල්ටීටීඊ සංවිධානයට සම්බන්ධයැයි චෝදනා කළ බව සඳහන් කරයි. ඉන්පසුව ඔහුගෙන් බලෙන් කටඋත්තරයක් ලබාගෙන ඇත. ඔහුගේ හිස භූමිතෙල් දැමූ ප්ලාස්ටික් කවරයක ගිල්වා හුස්ම හිරකොට, සිවිලිමේ කකුල් දෙකින් එල්ලා යටි පතුල්වලට පොලිස් නිලධාරීන් බැටන් පොලූවලින් පහර දුන් බව වැඩිදුරටත් සඳහන් කරයි. පසුව ඔහු බූස්ස කඳවුරට රැුගෙන ගිය බව පවසයි. එහිදීද පහරදුන් බව ඔහුගේ චෝදනාවල සඳහන්ය.

ශාන්ති පද්මනාදන්

ශාන්ති පද්මනාදන් යන ආරූඪ නාමයෙන් පෙනීසිටින ඇය සඳහන් කරන අන්දමට යුද්ධාවසානයේදී ශ‍්‍රී ලංකාවෙන් එක්සත් රාජධානියට ඇය ගොස් ඇත. එහි උසස් අධ්‍යාපනය ලබමින් සිටි බව එහි සඳහන්ය. ඇය සඳහන් කරන අන්දමට එක්සත් රාජධානියේදී ශ‍්‍රී ලංකාවේ තත්වය පිළිබඳව පැවැත්වූ උද්ඝෝෂණවලට සහභාගි වී ඇත. එයින් පසුව 2012 දී ඇය ශ‍්‍රී ලංකාවට පැමිණ ඇත්තේ පවුලේ උදවිය මුණගැසෙන්නටය. ගුවන් තොටුපලේදී ඇය ප‍්‍රශ්න කිරීමකට ලක් කර ඇත. එහිදී නිලධාරීන් ඇයට යන්නට ඉඩ දී ඇත. එහෙත් පසුව ත‍්‍රස්ත විමර්ශන ඒකකයෙන් පැමිණ අත්අඩංගුවට ගත් බව ඇය පවසන්නීය. අංක තහඩු නැති සුදු පැහැ වෑන් රියකින් තමන් රැුගෙන ගිය බව ඇය පවසයි. ගල්කිස්ස පොලිස් ස්ථානයට රැුගෙන ගොස් අත්අඩංගුවේ තබාගෙන ඇත. ඇය චෝදනා කරන්නේ එහිදී ඇය ලිංගිකව හා පහරදීමෙන් වධබන්ධනයට ලක් කළ බවයි. සිගරට්වලින් පුළුස්සා, ගිනියම් යකඩ පොල්ලකින් පහර දුන් බව ඇය සඳහන් කර ඇත.

නිමල් ජයසූරිය

සිංහල ජාතිකයෙකු වන මානව හිමිකම් ක‍්‍රියාධරයෙකු මෙම නාමයෙන් පෙනී සිටියි. ඔහු මානව හිමිකම් ක‍්‍රියාධරයෙකු ලෙස ක‍්‍රියාකළ බව පවසයි. ඔහුගේ මිතුරු දෙමළ ජාතික ක‍්‍රියාධරයෙකු 2008 මුලදී අත්අඩංගුවට ගෙන ගිය බව ඔහු සඳහන් කරයි. ඒ සම්බන්ධයෙන් කටයුතු කිරීමට ඔහු සිය මිතුරන් සමඟ ක‍්‍රියාත්මක වූ බව පවසයි. මිතුරා ත‍්‍රස්ත මර්දන ඒකකයෙන් රැුගෙන ගොස් ඇති බව දැන, ඔහු එහි ගොස් ඇත. පසුව ඔහු අත්අඩංගුවේ තබාගෙන ත‍්‍රස්ත මර්දන ඒකකයේදී දෙමළ සිරකරුවන්ට භයානක වධවේදනා සලස්වන අන්දම බලහත්කාරයෙන් බලා සිටින්නට සැලැස්වූ බව චෝදනාවේ සඳහන්ය.

සමන් පෙරේරා

එම ආරූඪ නාමයෙන් පෙනී සිටින්නේ යුද හමුදාවේ හිටපු සාමාජිකයෙකි. 2011දී ඔහු සීඅයිඞීයෙන් අත්අඩංගුවට ගෙන, පසුව ත‍්‍රස්ත මර්දන ඒකකයට ගෙනගොස් අත්අඩංගුවේ තබාගත් බව පවසයි. එල්ටීටීඊ සංවිධානයට උදව්කළ බවට චෝදනා කරමින්, තමාට කටු කම්බි සහිත යකඩ බටයක් ගුද මාර්ගයට ඇතුළු කිරීම ඇතුළු ලිංගික වදහිංසා පමුණුවා ඇති බව තම චෝදනාවේ සදහන් කර ඇත.

රමනන් සිවලිගම්

එල්ටීටීඊ සංවිධානයට ආධාර කළායැයි චෝදනා කරමින් අත්අඩංගුවට ගන්නා ලද ශිෂ්‍යයෙකු එම නමින් පෙනී සිටියි. සිය සාක්ෂියෙහි පවසන අන්දමට ඔහු සිය මිතුරෙකුට ස්පීකර් යුගලයක් මිලදී ගැනීමට උත්සාහ කර ඇත. ඔහු පසුව දැනගත් අන්දමට ඒ මිතුරා එල්ටීටීඊ සාමාජිකයෙකි. 2008දී ඔහු අත්අඩංගුවට ගෙන ඇත්තේ දෙමටගොඩ පොලීසියෙනි. තමා දෙමටගොඩ පොලීසියේදී වධහිංසාවට ලක් කළ බව ඔහු සඳහන් කරයි. ඉන් නිදහස් කළ පසුව, 2009 දී නැවත ඔහු අංක තහඩු නැති වෑන් රියකින් පැහැරගෙන දෑස් වසා රැුගෙන ගොස් ඇති බව චෝදනා කරයි. ඉන්පසුව බලහත්කාරයෙන් රඳවා තබාගෙන කිහිපවතාවක් ගිනියම් යකඩවලින් පහර දී ඇති අතර, භූමිතෙල් දමා හුස්ම හිරකොට, මහත් සේ සීතල කළ යකඩ පොල්ලක් ගුද මාර්ගයේ යවා වධහිංසා කළ බවට සඳහන් කර ඇත.

සුරේෂ් ජෙයබාලන්

ඔහුගේ සාක්ෂියෙහි සඳහන් වන ආකාරයට 2007 දී ඔහු එල්ටීටීඊ සංවිධානයට බලහත්කාරයෙන් බඳවාගෙන ඇත. සංවිධානයේ නියෝග මත ඔහු රාජපක්ෂ පාලනය සමයේ කරන ලද මානව හිමිකම් උල්ලංඝන ලේඛනගත කළ ස්වේච්ඡුා සංවිධානයක සේවය කර ඇත. 2009දී ඔහු හමුදාවට බාරවී ඇත. මාස ගණනක් පුනරුත්ථාපන කඳවුරක සිට පසුව නිදහස් වී සාමාන්‍ය ජීවිතයක් අරඹා ඇත. 2011දී නිල ඇඳුම් රහිත පොලිස් නිලධාරීන් ඔහු අත්අඩංගුවට ගෙන ත‍්‍රස්ත මර්දන ඒකකයේ රඳවාගෙන ප‍්‍රශ්න කළ බව ඔහු පවසයි. එහිදී සිගරට්වලින් පුළුස්සා, භුමිතෙල් පෙඟවූ කවරයකින් හුස්ම හිරකොට වධබන්ධනයට ලක් කළ බව චෝදනා කරයි. පොලිස් නිලධාරීන් ගුද මාර්ගයෙන් ලිංගිකව අපහරණය කළ බව එම චෝදනාවෙහි සඳහන්ය. පසුව ඔහු ජෝසෆ් කඳවුරට මාරු කර යැවූ බවත්, එහිදීද වධදුන් බවත් පවසයි.

මයුරන් රාජ්කුමාර්

රජයේ පාසල් ගුරුවරයෙකි. 2001දී රාජකාරියට යන අතරේ සිවිල් ඇඳුමෙන් සැරසුණු දෙදෙනෙකු ඔහු නවත්වා ඇත. ඉන්පසුව දෑස් වසා මෝටර් සයිකලයකින් ඔහු ජෝසෆ් කඳවුරට රැුගෙන ගොස් තිබේ. එහිදී දුම්වැටිවලින් පුළුස්සා, ගිනියම් යකඩ පොල්ලකින් පහර දුන් බව චෝදනා කර තිබේ.

සෙන්දිල් පුවනේෂ්වරන්

ඔහු යුරෝපයේ පදිංචිව සිටි දෙමළ ජාතික උපාධි අපේක්ෂකයෙකි. 2011දී ලංකාවට පැමිණ තිබුණේ අසනීපයට පත් පවුලේ සාමාජිකයෙකු බැලීමටය. ඔහු ශ‍්‍රී ලංකාවේදී ජීප් රියකින් නිල ඇඳුමෙන් පැමිණි නිලධාරීන් පිරිසක් මාංචු දමා අත්අඩංගුවට ගෙන ඇත. මුලින්ම හමුදා කඳවුරකට ඔහු රැුගෙන ගොස් ඇත. පසුව ඔහු ජෝසෆ් කඳවුරට රැුගෙන ගොස් ඇත. එහිදී පහර දී පාපොච්චාරණයක් දීමට එකඟවන තුරු තමන්ගේ හම ගැලවී යන තෙක් පිට පිටම රත් කළ යකඩවලින් පහර දුන් බව ඔහු චෝදනා කරයි. එහිදී ලිංගික අවයවවලට පවා පහරදුන් බව ඔහු කියයි.

වසන්ති රත්නසිංගම්

ඇය එල්ටීටීඊ සංවිධානයේ සිවිල් මූල්‍ය අංශයේ සේවය කළ බව පවසන්නීය. 2009 මුලදී ඇය යුද කලාපයෙන් පළායමින් සිට ඇත. මුහුදු මාර්ගයෙන් යුද කලාපයෙන් පළායන්නට උත්සාහ කරද්දී නාවික හමුදාවෙන් අත්අඩංගුවට ගෙන ඇත. මාස දෙකක පමණ කාලයක් පුල්මුඬේ පොලිස් ස්ථානයෙහි රඳවාගත් බව ඇය පවසන්නීය. එහිදී ඇය දරුණු ලිංගික හා ශාරීරික හිංසනයන්ට ලක් කළ බව ඇය චෝදනා කරන්නීය. ලී පොල්ලක් ඇගේ ලිංගික අවයවවලට ඇතුළු කරමින් ලිංගික අපයෝජනයට ලක් කළ බව ඇය චෝදනාවල සඳහන් කර ඇත.